- إنضم
- 29 أبريل 2010
- المشاركات
- 975
- مستوى التفاعل
- 0
- النقاط
- 0
:
:
ارجع مع – تشرين –
مع غيمة فرح…
اروي عطش قلبي،
بـ مطر شوفك.. وخلْ…
تزهر صحاري انتظاري بالأمل !
شرّعت لك هـ الليل… وأبواب السهر،
غافي على جفني غيابك… والكِدرْ،
نجمة اشتعل فيها حنيني…
والقمر.. ضوّه خفتْ.. ناطر تمُرْ !
رِدْ الونس لليل… ولـ صدري النفس..
ارجع مع نسمه هوا – تشرين –
وضحكات الشجر.
غنّت ترى فيروز…! و رَدْ ليل الشتا،
بالبرد، بالأشواق… مِدّه بالدفا !
نوِّر شوارع غربتي العتما، سرت…
في كل عروقي، مِدْ لي كفّك… لِقا !
رّدْ الشتا… وينك..؟ رحل سِرْب الحمام.
ولجلك رحل قلبي، رِدّه في سلام !
طق المطر…، رشْ رشْ على بابي الوله !
غرّق نهاري أسئلة…
وأسئله :” ممكن يردّه الوقت..؟
: “ جايز “ وأمهله…!
صبري، وصمتي… والجنون…،
وأسِكنه، نبضي وقلبي… في عيوني أسجنه !
هذا الحزن جارف..
لـ ذكرى البرد، للآهات.
لـ هموم الشعر، للصمت.. للبسمات.
للخطوة اللي لك خذتني، عنْك… ومِنْك !
لـ دروب الوداع.. وللسفر… لك انت.
للظلما اللي تستقر محجر عيوني، ان غبت.
رَد الشتا… دونك..؟ وما ينبغى… دونك !
بارد غيابك… ثلج، وصدري نار…
أبيك اعصار..، تهِدْ الخوف،
في يوفي.. وتطفي النار !
أبيك أمطار..، تعبت من الجفا،
بعدك… دروبي قفار..!
أبيك أنهار..، تصب فيني،
سيول من الهوى… وأنهار !
أبيك الشمس.. تدفيني،
وتشيل البرد من كف النهار !
أبيك تكون دوم معاي…،
تكون غطاي…
تكون انت الدفا فـ شتاي !
وأسترجع حواسي الخمس، فيك انت…
أشوف الكون فـ عيونك، بـ كل الألوان !
واسمع صوتك بـ همس الزهر…. ألحان.
أشم عطرك بأنفاسي، وألمس فيك احساسي
ويتغير طعم هالكون…
أبيك – اهنيه – أقولك وين…؟
تعرف انت مكانك زين…، !
أبي قلبي بـ سماك يطير،
وأبي عمري بـ لقاك يصير…
عُمر أجمل…
وأبي…. تدري شنو أنا أبي أكثر…؟
أبـي… واتلعثم.. وأسكت،
حبيبي :” خانّي التعبير !! “
رجع – تشرين –
وردّت فيني أحلى سنين،
يمر عشرين.. وثمان أيام،
على الشرفة أعلق بالأمل وجهي،
وبقايا أحلام !
وأقول تمر.. مع غيمة أمل، تمطر…
في عمري ورود…
هدية عيدي انك يا حبيبي تعود…
ويتم موعود هذا الليل… في شمسك،
وبـ اشعل لك أنا الشموع…!
وأغني لك…
حبيبي…
كل عمر وانت يا عمري بـ خير،
حبيبي…
كل عمر وأنا معاك بخير !
,’
للرائعة :- بشآير آلشيبآني
