$$ ربيان بخلطة الصاروخ+ عيش بالسبانخ$$ --بالصور

[الدانة-81]

مرحبا--شلونكم بنوتات





بما ان الربيان الكويتي نزل بالسوق في أول الشهر-فالكل يبي يسوي حمسة ربيان ولا برياني ربيان :082502bye_prv:


فأنا سويت ذاك اليوم حق يمعتنا حمسة ربيان ويا عيش بالخضراوات


نبدي بمقادير حمسة الربيان: ( حسب اللي انا طبخته-تقدرين تقللين أو تزيدين)

2 كيلو ربيان (مغسول و مقشر)

بصلة وحدة وسط مقطعة مربعات
ثوم+ زنجبيل مهروس (أخلطهم مع بعض في مطحانة القهوة و أسوي منه كميات و بالثلاجة)

نص شدة شبنت + نص شدة كزبرة (مفرومين)

بهارات سمك+ بهارات تندوري+ فلفل أسود

3 ملعقة كبيرة كتشب+ فلفل دقوس + صويا صوص

ربع قوطي كريمة كي دي دي


الطريقة:

حمسي البصل في زيت و قلبي ليما يصير شفاف

حطي الربيان و قلبي ليما يطلع مايه- حطي اذا تبين 3 حبات هيل+ 3 حبات مسمار+ 3 حبات فلفل أسود+ ورقة غار

خلليه يطبخ بالماي (يطوّل يمكن ربع ساعة)

بعدين حطي الثوم و الزنجبيل

ضيفي البهارات اللي عندج

و حطي الخضرة و قلبي

بعدين حطي الكتشب و الصويا صوص و الدقوس

و آخر شي ضيفي الكريمة
خلليها تطبخ ليما تتكثف


و هذي صورة الحمسة-حطيتها ببايركس و صكيتها

[/url][/IMG]





أما عيش السبانخ فالمقادير اهي:

عيش أمريكي مغسول و منقوع

بصلة وسط مقطعة مربعات

نص كيس سبانخ مثلجة

نص كيس او أقل خضار مشكلة (جزر+ بزاليا)

ثوم و زنجبيل مهروسين

مكعب ماجي

ملعقة كبيرة شبنت+ كزبرة مفرومة

ملح+ كركم


الطريقة:

حمسي البصل ويا نص اصبع زبدة (عشان يصير العيش ناطع)

و حطي السبانخ و و الخضار وهي مثلجة
قلبي فيها ليما تذوب

بعدين حطي الماجي و الخضرة و قلبي

بعدين كتي العيش فوقهم و حوسي

رشي عليه ملح و كركم

و آخر شي صبي عليه ماي حار بحيث يغطي العيش تقريبا 2 سم

و خلليه يطبخ ليما ينشف الماي- بعدين صبي زيت فوق العيش بقفشة كبيرة و حطي حديدة تحت الجدر

و غطي الجدر و وطي عالنار ليما يتسكر العيش

و هذي صورة جدر العيش

[/url][/IMG]


ما قدرت أصور العيش بطبق التقديم لأني كنت موديته حق يمعتنا و نسيت أصوره





و اللي تجربه تدعيــــــــــــــــــلي:yaaaaaarb:

 

[مساء مونترو]

عجيب ..
يعطيج العافية

 

[أم الاميرات]

تسلم ايدينج
شكله اينن

 

[جارة القمر]

تسلم هالأيادي


وبالعافيييييييييييييييية

 

[ريم الصبايا]

تسلم ايدج

دندونه

وعليكم بالعافيه

سؤال شلون طعم السبانخ بالعيش
حلوووووووو

 

[الدانة-81]

الله يسلمكم حبايبي

ريومة و الله ماحسيت بطعم السبانخ

بس انا ضفته للعيش عشان يعطيه لون و فايدة

ما حبيت أخللي العيش سادة

 

[أحب ترابها]

شكله يشهي سيفته حق رمضان مشكوره

 

[بحرينية محرقية]

ماشالله شكله حلو

احب العيش الامريكي فلة طعمه ..

عليكم بالعافية ..

 

[yagota]

يعطيج العافيه

 

[شرطيه حلوه]

تسلم ايدج
وبالعافيه

 

[غلاوي]

يعطيج العافية و تسلم ايدج
حبيت أسأل كم قفشة الصويا صوص وكم قفشة الفلفل ؟؟؟؟

 

[الدانة-81]

مشكورين حبايبي عالمرور

حبيبتي غلاوي انا ما أستعمل القفشة-بس جذي أرش رشة وحدة

يمكن قفشة كبيرة صويا و نص قفشة فلفل

 

[A.Designer_90]

تسلم إيددددج ،، واااي يشوّق الربيان شكله لذيذ مشالله عليج ، الله يووفقج

 

[الدانة-81]

مشكورة حبيبتي


up

 

[زري منثور]

ماشاء الله عليك


عوافي ياقلبي

 

[ضحكة الدنيا]

تسلم ايدج

ويعطيج العافيه

 

[شكليتة]

ماشاءالله تبارك الرحمن عليج مشكووووورة

 

[al-hlwa]

مشششششششششكورة حبيبتي وايد وايد

 

[ابلة غزالة]

تسلم ايدج


:e3::tek:

 

[mona78]

تسلم هالأيادي حياتي