رايكم يهمني حياكم بمشروعي الصغيرون

[q8y-moon]

السلام عليكم بنات بليز ابي رايكم بمشروعي
انا عندي خياطه فالبيت وحده بس وهي مو لي لبنت خالتي فقلت ودي اطلع الموديلات الدارجه والالوان الدارجه واسوي قمصان الطويله الي تنلبس مع السكيني ولا البنطرونات
واعرضهم هني بالمنتدي
وتكون اسعارهم حلوه يعني مو فوق ال10 نانير
مع التوصيل
شرايكم؟؟ وشلون المقاسات لاني بسوي 1 و2 و3 وشنو الخامات المرغبه
بليز ابي شوركم عشان اتوكل علي الله واسوي عضويه بالمول

 

[Nadia.quest]

حبيبتي شكلي بالخامات يعني القطن ماعليه خلاف مهم بس نوعي بالاشكال والمقاسات روحي افتري بالمعارض وشوفي الموديلات والخامات قبل ماتشترين والمقاسات بعد خيطي مثل السوق يعني سمول وميديوم ولارج واكس لارج واللي تبي خيطي حسب مقاسها بعدين بس لا تكثرين في البداية سوي نماذج شوية وعرضيهم وشوفي يمشون بسرعة ولا لأ وبجذي تتعلمين شوي شوي شنوا المرغوب هالايام والله يوفقج انشالله

 

[wa7eDa]

عفيه حبيبتي يله همتج اللي سووا مو احسن منج شدي حيلج واحنا ناطرين اخذي الموديلات من السوق ومن هالمواقع وبلشي
اموفقه

 

[q8y-moon]

مشكورييين والله يرزق جميع المسلمين
ناطره باجي البنات والخبيرات
ابي اعرف احسن اماكن للخامات وارخص مكان بس مابي خامات مو زينه

 

[q8y-moon]

شدعوه الي ماردو ماعندهم خبره ولا ما يبيون يشجعوني؟؟؟؟؟
بنات لا تبخلون علي برايكم بليز

 

[sara al3soola]

اي والله ياليت تسوويين لنا القمصان الطويله لان اهني يبيعونها بسعر مبالغ فيه

وايد مشالله يمشون مايطيحون بجبدج


موفقه اختي

 

[q8y-moon]

بصراحه عندي افكار نعومه للشغلات هذي وحتي للجاكيتات الشتويه الي نفس مالوت زارا بس بسويها رخاص يعني ب20 لي 25
بس بليييييييييييز بنات انصحوني كافي علي انزلهم هني بالمنتدي ولا اعرضهم باماكن ثانيه؟؟
و مثل وين

 

[sara al3soola]

وااي انا اموووت على جذي الجاكيتا الشتويه حلوووووووو اسعارهم

احسن شي سويهم رخاص صدقيني الربح القليل في بركه

عرضيهم اهني يطيرون بسرعه وعرضيهم بالمعارض وايد تمشي

بس والله اذا تميتي على هالاسعار اكييييد بتربحين وبيكون لج زباين

 

[q8y-moon]

مشكوره يا ام خالد والله كريم انشالله
بنات بليز الي عندها خبره بمحلالالالالالالالالالات الخامات والكلف لا تبخل علي

 

[SupeR-GirL]

حلو المشرووع
اخذيلج فره بالبلوكات وسوق دبي وشوفي الخامات واسعارهم وحسبي جم تكلفج البلوزه وجم تبيعينها وشكثر تربحين
اتوقع اسعار الخلم المتر 2-3 دنانيير والبلوزه يبيلها تقريبا مترين ونص
يعني الخام تقريبا يكلفج 5 دنانيبر والكلفه بجم مترها 2 تقريبا قولي يبيلج متر وتص هذي 3 دنانير
يعني الخام حق قطعه وحده يطلع عليج 8 دنانير
بتبيعينها بعشره شتربحين !! دينارين مايسوى صراحه
اذا تبين مشروع رابح 100% لازم تبيعينها مو اقل من 20 دينار

ترى انا من يومين قاعده افكر بنفس المشروع لاني احب اصمم بلوزات ودايما رفيجاتي واهلي ينعجبون بافكاري
وفكرت اني اصمم واشترك بالمول بس يوم فكرت نفس التفكير اللي فوق هونت واذا كنت بشترك بمعارض محد راح يشتري لان الناس الحين ماقامو يشترون من المعارض وانا ماعندي خياطه بالبيت يعني بوديه الخياط واهو جم بياخذ واايد انا اللي اتعامل معاه اقل شي ياخذ 15 فايطلع واايد
سوري هذرت وايد ميخالف واي مساعده انا حاظره

 

[q8y-moon]

مشكوره حياتي سوبر قيرل بس انا سمعت عن خياطين جمله وهم خاط جمله بس موعارفه وييين
علي قولتج اذا الخام بيكلف 5 والكلف من 2 لي 3 شنو بربح ماتسوي تعبي وفرارتي بالسوق
عشان جذي بحاول ادور الجمله اذا لقيت بتوكل علي الله اذا ما لقيت بشيل الفكره من راسي

 

[SupeR-GirL]

اي اذا في جمله احسن لج
الله يوفقح

 

[q8y-moon]

انشالله احد يعلمنا وين نلقا محلات الجمله بليزززز لاتبخلون علينا

 

[q8y-moon]

معقوله صارلي 5 ايام انطر محد رد ولا احد رفع الموضوع شدعوه 103 دشوو

 

[supermarket]

شوفي البلوكات يمكن لي خذتي طاقات يجسبون لج جملة

وموووفقة

 

[NoWay2know]

عذريني ماعندي فكرة عن هالشي.. لكن دايما روحي المحلات وشوفي الموديلات اليديدة + الخامات .. وسوي نفس الطريقة

موفقه

 

[اطباق ماي ورد]

الله يوفقج ويرزقج ان شاءالله

والله حبيبتى انا ما عندى فكره بالضبط بس ممكن تروحين البلوكات اللى بالخلف يقولون ارخص وايد من البلوكات الاولى
وفعلا اذا خذيتى بالطاقات يسوولج خصم
وبالنسبه للموديلات دشى هالمواقع ملوت ملابس الحريم واخذى منهم الموديل وسويه او غيرى فيه شويه

يلا ناطرينج وبالتوفيق .:ggdw:

 

[a6o06 ^_^]

موفقه حبيبتي =)

 

[q8y-moon]

للرفع