رايكم في الزواج من خليجي ؟ بليز رايكم يهمني

[مس قطريه]

احس ذي الايام مافي غربه والبنا ما تدري وين نصيبها

وزوجج ما راح يجي الكويت المرأ تتبع ريلها

امي مرتاحه جدااااا ولله الحمد مع ابوي

حتى أهلي اللي متزوجين كوييتين ما ارتاحوا ذي القد

اهم شي هو واهله


موفقه

 

[Ru1991]

بالنسبة لي عادي ما تفرق كلنا خليج بس افضل سعودي

 

[بدويه ستايــل..]

من جاكم ترضون دينه وخلقه فزوجوه
اذا الولد مافيه عيب ماايضر انج ترفضينه بحجه الغربه ا

 

[نوراء]

انتي تاخذين واحد من ديرتج وسئلتي عنه شكثر والكل يمدحه وبعدين تتفاجئين فما بالج بالخليجي ... ما تدرين شراح تلاقين منه ومن اهله وبغربة ولا لج اهل اهناك مااحد معاج طبعا انا اتكلم عن اسوء الحالات على قولتهم في حال الخسارة العادات والتقاليد بين الخليج متشابهة لحد كبير لكن لابد من وجود خصوصية لكل ديرة فما اعتقد هذي مشكلة كبيرة ... المشكلة في حال الطلاق واطفال بينكم وفي حال طلع ريال مو كفو راح تروحين لمنو اهناك ...
بالمقابل اكو ناس متزوجين خليجين ومرتاحين معاهم برغم بعد المسافة بس لانه الريال زين مو جنسيته تحدد....
اهو نصيب بس اذا انتي صبورة وتقدرين تتحملين الغربة فكري بالموضوع اذا كنتي العكس شيلي الموضوع من راسج

 

[Q8.apple]

حبيباتي ماقصرتو فديتكم

المشكله مادري اذا بتحمل الغربه او لا ! هذا اللي خايفه منه بس اللي اعرفه انه الولد واهله زينيين بس على قد حالهم وحتى لو اروح هناك صعب احصل وظيفه واتوقع الريال معاشه في حدود ال 800 دينار فخايفه بعد لو يبت عيال وانا ماعندي وظيفه ماتوقع المعاش يكفي وحيل خايفه ما اتاقلم مع الغربه

 

[ام سعود ديكسون]

علي حسب الريال اذا ذهبة والله اهل البنت شارين ريال مو جنسية

أنا ما جربت أمانة
بس اشوف حواليني تجارب ناجحة
في تقارب فكري و نفسي و تشابه بالعادات و التقاليد و اللهجة وحدة
و الللبس مو صعب انج تلبسين السوق متشابه لما تنزلين تتسوقين
بس أكيد بتقصرين بزوارة اهلج
و بتكونين بعيدة عنهم اذا صار خطبة مرض حالة وفاة الله لا يقوله
و بالنفاس ودج حريم من اهلج يمج

يعني اللي مقتنعة بالعقل و مستعدة تعيش مع زوجها باي بقعة بالعالم تلحقه شنو ما كانت ظروفه الله يهنيها برجاحة عقلها هذي تقدر تتكيف مع الغربة و الظروف الجديدة

 

[om mauoooora]

شوفي عيوووووني ماأنصحك تاخذين من برا أنا اشوف فيه حساسيات واكبر دليل بالمنتدى كيف بعض البنات يحذفون نغزات ع بعض الدول

 

[البرنسيسة غلا]

,



آلوحدهـ لآ جآء نصيبهآ تستخير و آللي كآتبه ربي يبي يصير
و مو كل وحدهـ أخذت خليجي زوجهآ نفس آلثآنيه
هو على حسب طبيعةة آلزوج نفسه و شخصيته

و آلله يوفق آلجميع



,​

 

[ملگه]

ماشوف فيهم فرق اهم شي حبيبتي الاخلاق والدين هذا اهم شي والله يسهل عليك ويوفقك