رايكم بطريقة الزواج هاذي؟

[السعودية تاج راسي]

حبايبي هاذي وحده من رفيجاتي ماتزوجت ..... وتقول ابي احط مواصفاتي عند خطبات لأنهم ناس مايطلعون كثير وهي ماعندها عيال عم بسنها وتقول جتني الفكرة بس خايفة ان يكون لها عواقب ........ حبايبي وش رايكم بالزواج عن طريق الخطابات اللي مرت بالتجربة الله يخليكم لا تبخل علينا ....... فديتكم

 

[كويتيه مذهله 87]

ما ادري مو حلوه بالنسبه لي طبعا
احس فشله اتزوج واحد عن طريق الخطابات احس طايحه بجبد نفسي

 

[السعودية تاج راسي]

ما ادري مو حلوه بالنسبه لي طبعا
احس فشله اتزوج واحد عن طريق الخطابات احس طايحه بجبد نفسي

صاجة حبيبتي الوحدة تخاف بعدين يعايرها بعد ... بس هي تقول فيه بنات تزوجو عن طريق خطابات ومبسوطين

 

[حرم راشد الماجد]

النصيب الله ييبه مو الخطابه

 

[وصايف الزين 2]

مااحب سوالف الخطابات كلن ينتظر نصيبه هذي وحه نظري

 

[^^ B6a6a ^^]

مو حلوه بس اذا اهيا جذي ماتطلع ومحد يشوفها احس عادي بس انشالله ماتاخذ اي واحد

الله يوفقها

 

[Ya7aLaTY]

ما اسويها
لانه الزواج مو اول اهتماماتي

في اشياء وايد بالحياه مهمه وابي احققها ... وبالاخير كل شي بالدنيا نصيب

 

[مجنونة بس عاقلة]

طريقه مش ولا بد

 

[اموله111]

خليها تصبرلين يجيها نصيبها
ولاتطيح في واحد ماتعرفه ويبهذلها

 

[نور وشموع]

اعرف وحدة تزوجة عن خطابة والحمدلله ماشية حياتها

واعرف وحدة تزوجت عن طريق خطابها عقب سنتين تطلقو

 

[فطفط نجد]

انا بنت بس بحياتي ماجتني ذا الفكرة احس الله اللي يجيب النصيب

 

[احلى مريومه]

والله ما فيها شي اكثر البنات والشباب الحين قاعدين يتزوجون عن طريق خطابات خاصة انها ماعندها سوالف تكلم ولا تطلع وايد والستر زين والله اكثر الناس قاعد تتزوج عن طريق خطابه وشوف عيني جامعيات وجميلات بس محد يتحجى يستحون ماادري ليش ترى السالفه عاديه بس مو اهيا تدق خل امها او خالتها او عمتها يدقون اذا اهيا دقت اهنيه العيب

 

[@ام ضاري@]

ماعندي خلفيه عن سولف الخطبات خير شر

بس في موضوع مثبت شوفيه يمكن يفيدج

 

[al-musk]

انا صراحه ماتقبل الفكرة نهائي بس كل واحد ادرى بظروفه

 

[رافعه الحاجب]

حرام خوفج من الخطابه تييب لها (عوير وزوير والمنكسر واللى مافيه خير ) = يعني المعرس مو شي

 

[كتكوته ورديه]

لا فكره مو حلوه

 

[أم يزيد &سديم&]

أبد فكرة مو حلوة عن طريق الخطابة الله يكتب اللي فيه النصيب أعرف وحدة من
جرايبنا تزوجت عن طريق خطابة ومشكلتهم ما سألواعن الولد ثم طلع يشرب ويضرب ويهين وبعد جان يبي يسرق ذهبها
ومرات يطفي عداد الكهرب عليها بعز الحر عشان يقهرها ومع ذلك صبرت وتحملت تبيه هو اللي يطلق مو هي اللي تخلع عشان جان يبيها ترجع المهر وبسسس في النهاية طلقها بالثلاث
بس ويش بقيت عاد

 

[منيرة خالد]

ما احب سوالف الخطابات

الافضل لها انها تتعرف على الناس وتكون صداقات مع البنات وتطلب منهم انهم يذكرنها عند الناس وتحضر المناسبات الاجتماعيه او حتى امها تكلم الحريم الكبار بالسن اللي بعايلتهم يذكرونها وتزورهم مع امها ............ هالطريقه احسن من الخطابه


والله يوفقها ويرزقها الزوج الصالح

 

[لجين]

مافيها شي ..

مو مسويه شي غلط تبي تتزوج وهذا حلال رب العالمين

والله يوفقها ان شاء الله واذا خايفه من المعاير

في الف سبب وسبب : الرجال اللي راح يتزوجها ايضا جايها عن طريق الخطابه محد احسن من احد

: يمكن ظروف البنت ما تطلع وااايد ولا عندها اقارب يذكرونها للناس يدرون بنت الحلال اشلون يعني

تقعد بالبيت بدون زواج .. حرام ..اشلون الناس بدلونها لازم في اسباب تدلهم عليها

والخطابة سبب ,,

 

[faith1]

انا عن نفسي هم ما ارضى بهالشي
خل تستخير احسن لها