رايكم بحمالي هالوقت

[ديانا سبنسر]

حبايبي مشكورين اللي رديتوا الله يكون في عوني ويسهل علي حمالي وحمالكم يارب


وان شاء الله يتغير الحال ويجيب خدامه

ويصبرني ع الوضع اللي انا فيه من درريت اني حامل وانا قالبتها حزن ونكد

قولي حمدالله هذي نعمة غيرج مو محصلها والتنظيف والترتيب تساهيل وتقزر الايام وعمر ولدج حلو تحملين عليه الله يهون عليج ويقومج بالسلامة

 

[ليمونة وزيتونه]

اول شي احمدي ربج وشكره غيرج يتمني الضنا
انا حملت ولدي٩شهور وماعندي خدامه وماجابلي الا لما صرت بالخامس
اهملته واهملت بيت لازم يحس الله يسخره لج

 

[ام ساره 4]

مبروك الحمل بس حبيبتي نصيحه قنعي ريلج بالخدامه لأن تعب أنا جربت اللي ورا بعض وحملت من الأربعين بعد والله يعينج

 

[جوكاندا]

يا حبيبتي الحمدالله الأطفال نعمة من الله وهدية حلوة
انا يبتهم ورا بعض 3 والله إن تطعيمهم كان مع بعض آخذهم انا وامي ونطعمهم وارد البيت كمادات وانتوا بكرامة اسهال وساعات حرارة وإذا امرضوا يمرضون مع بعض وحلالالالالالالالالالالالالاتهم يلعبون مع بعض مع إني حااااارة بس اخذت نصيحة من امي ورفيجتي إني لالالالالالالالالالازم شوي اكون باردة بالأعصاب لمصلحتي وصحتي لأن العصبية مو زينة وشفت حالات وايد
فكنت آخذ المسألة عادي ولا اكدر خاطري يعني لو تضايقت رح احل المسألة ؟ طبعا لأ بس كنت اضحك واحضنهم واسهل الامور علي لأ الله هو مسهل وميسر الأمور
ومع هذا بالآآآآآآآخــــر يبت الخدامة

 

[حشمه]

وقت مناسب للحمال بس مشكلتج ماعندج خدامه
الله يعينج وحاولي تنسقين وقتج

 

[مس ميمي]

ادعوا لي الله يخليكم وان شاء الله تمر هالفتره على خير يارب



انا تركت البحوب صار لي اربع شهور ابي ارتاح منها واخذ احتياطي بالعزل ان كل برى بس ارادة الله فوق كل شي ان كتب لي الحنال والحمد لله على كل حال

الحبوب اللي كنت استخدمها جنيرا

 

[مس ميمي]

الحبوب




الحمال

 

[Perfume]

حبيبتي اول شي هذا رزق من عند الله لا تتظايقين
ثاني شي طرق العزل والعد ابدا مو مضمووووونة اذا ماتبين حبوب عندج الكوندوم بس العزل والعد ممكن تحملين بالغلط بسهووولة
نصيحتي لج علمي ولدج على دخول الحمام من الحين لانه اذا ولدتي مابكون عندج وقت
ودخلي الولد الاول حضانة عشان يمديج تتفرغين للبيبي وترتيب البيت وحاولي تقنعين ريلج بالشغالة حتى لو بالساعات مو لازم دائمة

 

[مس ميمي]

ادعوا لي تكفون يجيب لي خدامه



المشكله هو رافض اصلا وثاني شي ضروفه ماتساعد ابد


الله يفرجها

 

[sarona____83]

انا اشوف وقتج وايد زين لا تحاتين وربج يسهل

 

[American.Life]

الله يعطيج الصحة والعافية
حبيبتي انا ولدي كان عمرة 4 شهور وحللت وطلعت حامل صج حاشني احباط بالاول لكن الحمدالله
الحين عيالي واحد سنتين وثمان شهور والصغير سنة وعشر شهور صج بالبداية كان تعب بس الحمدالله خدامتي ما قصرت معاي كانت شايلة الحمل معاي والحين صارو يلبسون مثل المقاس وصارو طول بعض فديتهم
الله يقومج بالسلامة حياتي

 

[مس ميمي]

تسلمون حبايبي كلكم اللي رديتوا علي والله يسها على الحامل منكم

الحمد لله بديت اتقبل الوضع واللي يسهل علي يلرب

 

[*ضيفة*]

توكلي على الله ورح تشوفينها سهلة ان شاء الله
ترى مو فرق قليل وايد يعني لما تولدي ان شاء الله رح يكون ابنك فوق السنتين والاطفال ب هالعمر بصيروا اريح بكل شي

 

[أم ورود]

اول شي مبروووووووووووووك الحمال
ثاني شي انا اشوف عمر ولدج زين
اسم الله عليه شايل عمره ولاتحاتين هذي رزقة من رب العباد بترتاحين من عقبه يلعبون اليهال مع بعض ويشيلون بعض بعد هههههههه
والايام تمر وماتحسين

 

[Souly]

سنه وسبع شهور علي ماتولدين يكون سنتين وشي
واحسن حل ادخلينه حضانه الصبح علشان تتفرغين للبيبي انا بسوي جذي
مع ولدي بيكون ثلاث وثلاث شهور

 

[أكذب عليك]

حلو صراحه الحين الحمال لج عشان يكونو كبر بعض
انتي مشكلتج تكمن بالخدامه لو تكون موجوده تساعدج بس هم مو مشكله
ولدج كبير وان شالله ربي يسهلها عليجح ويتمم عليج ياقلبي

 

[ELFAD3Ah]

الله يعينج
اب

 

[مس ميمي]

حبايبي كلكم الله يجزاكم خيييير شقد ريحتني ردودكم وربي



الله يسهل علي وعليكم كل شي صعب يارب العالمين