رايكم بحضانه English Play Group

[أم شواقه]

السلااام عليكم


ان شاء الله ناويه اسجل بنتي بالحضانه للسنه اليايه ،، قولولي رايكم فيها

بالنسبه لي هذي افضل واقرب حضانه على طريج دوامي ما أقدر اوديها غيييرها ،، ؟



راااااايكم ؟؟؟

 

[أم شواقه]

اشدعوااااااااااااااااااااااااااااا !!!!!!!!11


ولاد رد ،، والله انصدمت

مشكووورين خلاص مابي شي منكم

 

[الزبدة السايحة]

هذي حضانة ممتازة ولو تخلين بنتج فيها بعد بالروضة راح تشوفينها تتحجى انجليزي وتكتب احرف وكلمات تستفيد واااايد

 

[ام عفاف الكويت]

انا بنتي في البلاي قروب انقلش اللى بسلوى روعه بمعنى الكلمه
وسيفتي وماشاء الله طلاقه بالكلام الطلاب كلهم ويعرفون يعاملون الطفل
وبكل مكان حاطين كاميرا وتشوفينه بالشاشه الخارجيه بالمدرسه وبصراحه كافي كافي اتصالاتهم ان صار شي
وتواصلهم الدائم معانا والقروب اللى فيه بنتي يهبلون اسم الله عليهم
حطيت بنتي عندهم وعمرها سنتين ونص
وماشاء الله عليهم توب
انا بعد بيتي بعيد حيل يعني مو شويه وطلبت الباص فيه بيبي ستر وهيلبر والسايق وقلت ويييييييييي منطقتنا اكيد مافيها احد
وباصنا بروحه 200 دينار اول يوم اركب بنتي تبارك الرحممنننننننننننن الباص فيه 8
يعني الكويت كلها فيه وبخلي بنتي عندهم وان شاء الله ولدي يروح معاها بعد سنه

 

[زوجة جوجي]

وايد زينه
انا دخلت ولدي عندهم السنه اللي طافت بالرميثيه
ما شاء الله وايد تعلم منهم واستفاد بس ما كانوا يودونهم رحلات كلش

وان شاء الله برد اسجله حق السنه اليايه Kg1

 

[miss_jamsheer]

انزين خواتي بغيت اسال مايصير اقل من سنتين ونص عدل انا ولد اخوي فيها بس يقول مايصير انا ولدي شهر 11 يكمل سنتين يعني يصير ادخله شهر 9 قبل لا يكمل سنتين ولا لا

 

[ام عفاف الكويت]

انا بنتي كان عمرها اقل من سنتين ونص دخلوها شهر 5 على النادي الصيفي وقضت النادي الصيفي ببلاش ولما صار شهر 9 كملت 2ونص ودخلت الكي جي ليسنر

 

[^Missy^]

انا ولدي فيها بالـ kgl يعني مستمع قبل الروضة .... الصراحة ممتازييييييييييييييييين وولدي اول ماكان يحب شي اسمه حضانة الحين حتى اذا مريض يبجي يبي يروح انا اشجعج سجليها

 

[أم شواقه]

وناااااااااااااااسه شجعتوني ما قصرتوا والله


الزبده السايحه ،،، مشكووورة ،، وان شاء الله اذا شفت بنتي مستانسه منهم وتتعلم اخليها اتكمل

أم عفاف ،، الله يخليلج اعيالج ويشافي فهودي يااارب ما قصرتي ،،، وشنو قصدج بالقروووب ،، يعني المدرسات ؟؟؟


انا بنتي بيكون عملرها على السنه اليايه سنتين و7 شهور وقالولي انه ابيعطونخها منهج وكتب ؟؟؟ اشلووون كتبهم ومنهجهم ؟؟


والله شجعتوني بنات الحين بسجلها وانا مرتااااااااحه


الله يعطيكم العافيه

 

[ام عفاف الكويت]

تصدقين الكتب ماخذهم البيت
عندهم وبنتي مستمع اولى روضه
القروب اقصد المدرسين تهبل مس باربرا وفطومه على قولته بنتي وايد تحبهم وحنونين

 

[أم شواقه]

أم عفاف ،،، مشكوووووورة على ردووودج ،، ،، صج صج ريحتيني

 

[donya_hiba]

انا ابني في kg2 reception

ممتازييييييين بكل معنى الكلمة


وغالييييين بكل معنى الكلمة خخخخخخ

عالعموم توكلي على الله المدرسة ممتازة ومتعاونين مع الاهل

بالتوفيق

 

[أنيسه]

ما عندهم نادي حق 5 سنين ؟؟؟

 

[froha83]

انشالله شهر 3 بسجل بنتي حق السنه اليايه
راح يكون عمرها سنتين وست شهور

 

[أم شواقه]

للرفع


آراااء أكثر

 

[um jojo]

ما تعرفون جم اسعارهم ؟؟

 

[Dress Me Up]

عليكم السلام .. ورحمة الله

والله ما أنصحج .. فيها .. انا كنت حيل مغتره فيها ...........

طلعت ماتسوى فلس .....

المدرسات مصريات .. وبنتي قامت تتحجى مصري .. باللغة العربية .. حتى القرآن .. مابعرفون يعلمونهم عدل كل ما أصلح حق بنتي تقولي لأ ماما انتي غلط .. الأبلة قالت جذي ..

والانجليزي .. بنتي الحمدالله اهيا زينه .. وانا معلمتها الحرووف من اهيا بيبي اشلون تقولهم .. بس صدقيني ..

كله عالفاضي .. ماكو اهتمام .. انا رحت وطلبت جدول بنتي .. ولا اهما نايمين بالعسل نوووم ..

ولا يودونهم رحلات .. ولا يعلمونهم هوايات .. بس ذابحينهم تلوين ..

الهمووورك بدزون للبيت اذا انتي تبين ..

وابلة العربي .. مالتهم الله وكليج بس اول شهر طرشت الخطة مالتها وباقي الشهور طاف .. واشتكيت اكثر من مره طرشووولي المنهج ولا احد عبرني ..

رحت ذاك اليوم استلم الشهادة مالت بنتي .. مارضوو بسلموني .. قالولي مو دافعه ..

وقلت لهم اشلون انا دافعه .. ليما حضراتهم جيكو على السيستم وطلعت دافعه وقامووو بتخازوزن كل وحدة تحط اللوم على الثانية ..

واذا دخلتي بنتج .. نصيحة ,.,, لاتسوين عيد ميلاد عندهم وتدفعين لهم 30 دينار .., والله شي يفشل ....

بيتزا .. يابسه وشكلها مو مرتب
الكيكة .. لاتعليق متروووسه كريمه
الدونت .. تعلجين فيه .. الله يديم النعمة

وهذا الشيف مالهم طباخه .. الله يعين عيل كل يوم شياكلوووووووون ؟؟؟

وحاطين لج بس شوبة بالونات .. وسووو لها مسابقة كراسي .. وصورهم .. شوي وطبعا الصورة بدينار .. بس انا ماخذه كاميرتي

بس والله سويت عيد الميلاد لها هناك عشان خاطر بنتي .. كل يوم تقولي فلانة اليوم سوو لها .. بس مادريت المستوى بيكون جذيه


انا وايد اكتأبت من هالمدرسة وماراح ادخلها السنة الجاية .. وبدور لها مكان افضل .. حتى الحكومة بانشطتهم صكوو عليهم ..


بس ما أنكر اللادارة حيل .. متعاونه واذا بنتي غابت المشرفة تدق تسال عنها .. واذا فيها شي واهيا مداومه .. مثلا مصخنة او شي ادق اتطمن عليها وتطمني مشرفتها اول بأول ..

يعني تقيمي للمدرسة .. 6 من 10

وعلى فكره .. الحمدالله بنتي زينة بالدراسة .. وانا مو مقصرة معاها بعد .. بس المدرسة ماعندهم انشطة كلش

وانتي سالي بعد اكثر ..

ودوري مدرسة تكون قوية من الناحيتين الانجلش والعربي ........ مانبي نعلم عيالنا انجلش ... على حساب لغة القرآن الكريم


وهذا رايي .. اتمنى تتقبلونه ..

​

 

[ام دودو المزيونه]

1150 دينار للروضه 1 +2 بنتي متخرجه منهم كانت عندهم حضانه وروضه وفعلا الحضانه ما يودونهم رحلات يقولون اصغار ( المفروض يودونهم ) بس للأمانه كنت اقط بنتي وانا 100% مطمنه عليها خاصتا بنتي كله مريضه واحتقان واذا ارتفعت الحراره تتشنج فكان عندهم سيستر روعه وتطمني عليها وتشيك علي حرارتها لطلبت منها
ومتسوي التعليم حلو عندهم بس انا بنتي كانت كل غياب بمعدل 50 % نسبت غيابها + ما كنت مهتمه بتدريسها علي ابو انها بتروح حكومة علشان جذي مستواها الدراسي كان عادي للأمانه بنتي وايد ضعيفه بالعربي بس ابلتها مادة الأنجليزي بالحكومه ابتدائي وايد مستانسه علي اللغة عندها تقولي المحادثة والأستماع عندها روعه بس ضعيفه بالكتابه والقراءه وحتي مرات تتكلم بمفردات انجليزيه اكبر من عمرها ( البنت ما تطالع الا ديزني وما تحب البابايات بالعربي تفضلهم بالأنجليزي )وهذا سبب ثاني قوي المفردات عندها وللحين تحن علي بلي غروب تبيهم
وولدي الحين نص شهر 3 يكمل 3 سنوات احسه اصغير فبدخله ابلي غروب مثل اخته لأسباب
-اهتمامهم بالطفل روعه وتعامل راقي بس مبناهم عادي ما ينافس مباني الحكومة اقصد الي بسلوي مال الأداره للأعمار الكبيره عادي جدا اما المبني المقابل للأداره مافي كلمه توصفه جنج داشه حديقة الشعب من روعة الألعاب هذا للأعمار الصغير بنتي كان فيه يوم كانت حضانه وايد ضاق خلقها يوم ودوها مبني الأداره يوم راحت الروضه
-وجود ممرضه مأهله للتعامل مع الحالات الطارئه
-وقت مناوبتهم مناسب لي من 7 إلا ربع للساعه 3 عكس الحكومة
_ سعرهم من الخدمات الي يقدمونها مناسب ( تشمل اللبس والكتب والرحلات والأكل ) بنتي مستخفه علي معكرونتهم عيزنا واحنا انجرب تقول لا اهم احلي يسونها حمره احنا سويناها حمره هم ما اعجبتها
- حفلات وفعالياتهم حلو وبكل مناسبه بس للأمانه مافي ذاك التنظيم ومكان سيئ وضيق ( مختلف الجنسيات + في منهم تستغربين اشلون امدخلين اعيالهم شكلهم ؟؟؟ فيخربون الحفله ) مره سووا القرقيعان بخيمه اكبيره بسلوي بس اللهم ياكافي ما استانسنه من الزحمه وعدم التزام الأهالي
في نقطه بالروضه ما اعجبت بنتي تقول كل يودونا من مكان لمكان وريولي تعورني من المشي تقصد ان الصف مو ثابت اهم الطلبه يروحون صف اللغة العربيه وصف الأنجليزي وصف الموسيقي الخ حتي مره المدرسه قالتلي ان هالشيئ خطأ لأن ما تقدر تعلق عمل الأطفال لأن الصف غير ثابت ( هذا الشيئ الوحيد الي امضايقني ومرددني اني اسجل ولدي عندهم )عكس كامبرج المنقف مبني روعه وفخم حمام سباحه علي مستوي دولي مسرح فخم بكل معني الكلمه والصف ثابت ( بس ما عندهم حضانه وفي مدرسين رجال يدرسون الأطفال ولازم الطفل قاط الحفاضه)والرعايه مو نفس بلي غروب <لأن بلي غروب عندهم حضانه واطفال اصغار فما يتضايقون وعادي الحفاضه
شفتي الحيره بس 70 % ولدي بوديه بلي غروب سلوي لأن اهي الي فيها الروضه الي بالرميثيه بس حضانه

 

[أم شواقه]

رايكم على راسي

وكل من له مجهه نظه أكيييد ،، وقاعد اخذ منكم معلومات ،،

drees me up ،،، ما الووومج اكيد تبين لبنتج الافضل وشكلج وااايد مستااذيه منهم ليش ما تنقلينها ؟؟؟


انا ان شااء الله بس ناويه لها حضاانه فقط لأن بعدين راح اوديها التكامل لو التكامل فيها حضانه جان وديتها ،، اقرب لي


أم دودو،،، بالنسبه للرحلات مووو مشكله بالعكس اريح واطمن اكثر انها بالمدرسه ولا احاتيها لأنها توها صغيييييييرة

انا اهم شي عندي انها تتأسس للدراسه بعدين

وعلى القرآن اكيد اهما ما يكون تركيزهم فيه

وانا بالنسبه ناويه باذن الله اوديها اماكن لحفظ القرآن لما تكبر



بس هم ريحتيني بوااايد شغلااات لعمر الحضااانه ،، مشكووووورة


انزين انا بنتي بيكون عمرها سنتين و7 شهور يعطونها كتب لعمرها ؟؟؟

 

[sugar&spice]

حبيبتي انا حطيت قبلج السؤال عن نفس الحضانه بس محمد عبرني الصراحه وعطوني طااااف

المهم بنتي الحين فيها الحضانه زوينه مو وااااو ,,,,,,,,,,,,,,,, مادري بصراحهخ علا سعرها وشكلها من بره توقعت انها اقوي شوي

وماشفت مدرسات اجانب بس عربيات وفلبينيات !!!!!!!!!!!!!!!!!

وللحين ما احس بنتي استفادت من شي عندهم مادري من بنتي ولا منهم

بس للامانه نفسيتهم والاايد حلوه مع الياهل ومايخلونه يطحنو اهو يبجي ,,,,,,,,,,

وبنتي تحب المشرفه والمدرسه حيل لدرجه انه البيت كله عرف اساميهم ,,,,, وهذي اللي ريحني منهم بس ما اعتفد راح اسجلها مره ثانيه راح اشوفلها وحده اقوي شوي وان شالله احصل