رايــــــــــــــكم....يهمني في هذا الملـــحق الحلــــــــــــو

[أم سيف وسلطان]

--------------------------------------------------------------------------------

السلام عليكم

بدخل في الموضوع اسمحولي

القصة وما فيها اني ساكنة ويا اهل ريلي وقبل كنت في غرفة صغيرة مع حمامها وبعد فترة لما يبت عيال 2 الله

يحفظهم ظاقت عليه الغرفة وبغيت اطلع فكانت في غرفة في الدور الاول كبيرة ووسيعة كانت لاخوه الكبير بس بنا ملحق وطلع من هاذي الغرفة

فخواته شجعوني اني آخذها لانها اوسعلنا فخذناها والغرفة الي كنا فيها خذاها اخوه الي اصغر من ريلي المهم الحين احس بنفس الضيق الي قبل صايرلي

لاني اصلا كنت ابغي غرفة مع صاله المهم شاورت ريلي انه يبني ملحق في بيتهم مكون من غرفتيتن وصالة ومطبخ صغير يمشي الحال اوسعلنا واشرح

ومن صوب افكر ليش اخسر في شي مب بيتي يمكن يطلعلنا بيت مع انه الحين عدنا موقفين توزيع البيوت يعني مافي شي لمدة سنتين تقريبا والله يعلم متى يطلع دورنا

فعشان جيه قلت خلاص الله يعلم كم بصبر وانا في هاي الحجرة خلني اوسع على عمري الواحد ما يستخسر في راحته
وفي نفس الوقت ارد اتردد انه خساير خصه انا خسرنا في الغرفة الي فيها كل شي يديد وحلو واني اصبر عمري في هاذي الغرفة

فقلت ماشي غير أني أشاور خواتي منتدى كويتيات ماابا يقصرون فشوروا عليه مع ذكر السبب ......... خخخخخخخخخ

فانتظاركم

 

[حروف من ذهب*]

شوفي حبيبتي يقول المثل حط افلوسك بالشمس وقعد بلظلال
يعني انتو متي بيطلع بيتكم اذا كلش كلش بعد خمس اسنين زين اما اذا ابعد من جذي لا والله ابني الملحق واستانسي في الوسع

 

[أم سيف وسلطان]

المشكلة اني مب عارفة متى بيطلع لنا البيت

آآآآآآآآآآآآآآآآآآآآآآآآآآآآآآآآآآآه

حيرانة

 

[Heaven Light]

حبوبة ابني ووسعي عليج وعلى عيالج ..

البيت الحين ما تدرين متى يطلع لج ..

وبعدين ريلج ما راح يخسر لأن هالشي ببيت اهله مو ناس غرب ..

اذا بعدين انتفعوا من مكانكم بيدعون لكم ..





​

 

[فيرجن ديزاينر]

هم انا من رايي تبنين الملحق
اصلا نفسيتج انتي وريلج راح تتغير
عيشي حياتج ولا تخلين شي بخاطرج دام ان البيت تو الناس عليه
وقبل كل شي صلي صلاة استخاره
والله يسهل امورج


000

 

[حديث الصمت]

ابني الملحق والسعه لابارك الله في الضيق السعه

 

[ملواكي]

ابني وتوسعي ويصير خير بعدين

والبيت شكله يطول

 

[أم سيف وسلطان]

مشكورا ت خواتي على الرد

 

[دلوله بنت ابوها]

الاتغلطين غلطتي طلعي شوفي حالك

 

[أم سيف وسلطان]

دلوله بنت ابوها شو قصدج

يعني ابني ؟؟؟؟؟؟؟؟؟؟

 

[أم سيف وسلطان]

حمستوني ابصراحه

يعني اتوكل !

 

[::كيك وعسل::]

توكلي على الله
....

 

[* ليــــدي *]

اهم شي راحتج

 

[روحي زوجي]

يعني توقفين عمرج وتضيقين على نفسج لين يطلع البيت @@

من صجج ؟؟؟

حبيبتي توسعي ووسعي على عيالج صبيان ويحبون الحركه والركض وماتدرين البيت متى بيطلع فلا توقفين حياتج على هالبيت اللي مايندرا متى يطلع ؟

 

[Gatwa]

اهم شي راحتج ياقلبي

 

[خـيــــــــلاء]

صح اسعه لا بارك الله في الضيق وماقصرو خواتي

نصيييييحه توسعي وقطي فلوسج على راحتج وراحة عيالج وزوجج

غيري حياتج للاحسن ترى الوسع يغير النفسيه حتى مع الزوج

تقدرين تسوين كل شي بمعنى خصوصيات واجواء

موفقه

 

[أم سيف وسلطان]

صدقكن الوسع زين

وانا افكر انه نشتري بيت أحسن من الملحق

بشوف بو الشباب شو بيقول

ويزاكن الله خير

واي اقتراحات عطوني خواتي