حبيبتي في كوالالمبور
عندج الماينز وندر لاند اخذي قارب الغالي رائع وتذكريني وهم جربي الثاني ترى يختلف عن الاول واهو قارب يمشي بسوق مائي يطلعج لبحيره عن طريق سد عجييب بصراحه
وعندج الصن واي لاغون مدينة العاب بس ماعجبتني بس المجمع مالها حلو
والتايم سكوير مجمع تجاري فيه مدينة العاب خووش مجمع لايطوفج اهو والميغا مول والتن تورز هذولا افضل المجمعات
السوق الصيني رائع للي يعرف يفرق بالتقليد اخمطي ابواك على دينارين مو يقصون عليج وهم عندهم ساعات مقلده باتقان بس البضائع المقلده باتقان نادر يعرضونها لانهم يخافون من الشرطه
بينانج عندج رحله لجزيرة القرود وحديقة القرود تختلف عن الجزيره وحديقة الفواكه ومجمع جراني مول حلو وشارع الليل جدا ممتع باثوفرنجي اسكنو فيه لاتروحون بعيد
افاموسا حلو وكافي عليها يوم وهم جنتق يكفيها يوم
لنكاوي ماتتطوف وخصوصا رحلة المانغروف وسباق السيارات يونس يهوس وحديقة الفواكه اجمل من الي ببنانج بس الجزيره هادئه بعد المغرب مو مثل بينانج وكل وحده لها مميزاتها ببيانج تتميز بالصخب والوناسه ولنكاوي بالطبيعه الساحرررررررره بس ماتقعدين فيها اكثر من ثلاث ايام لاتطوفج
