رايحة لبلجيكا بس حايسه وابيكم تفهموني

[آلبتول]

اخواتي انا حجزت على مستشفى uz عند دكتور فيربوست

ممكن اسال من فيكم سافر لبجيكا من قبل للعلاج ؟ ومن فيكم حملت بمشيئة الله

واهم سؤال ممكن تعددون لي اسماء اكفأ الاطباء في المستشفى ؟ وهل سمعتوا عن الدكتور فير بوست


رجاء لاتتاخرون سفري قريب ومااعرف احد اسأله ​

 

[زهوور الريف]

الله يسهل امورج يارب وبالتوفيق ان شاء الله

ارسلت لج رساله خاصه

 

[أحلى^حياه]

والله ماعندي فكرة
بس للرفع

 

[om_jsoom]

الله يوفقج ويسهل عليج ياارب

 

[آلبتول]

زهور واحلى حياة وام جسوم يعطيكم ربي الف عافيه



للرفع


ياليت كمان احد يدلني على رقم مترجمة غير الاخت حوريه بس تكون مترجمه تتعامل مع المستشفى



وجوزيتم خير

 

[@اماراتية@]

زهور واحلى حياة وام جسوم يعطيكم ربي الف عافيه



للرفع


ياليت كمان احد يدلني على رقم مترجمة غير الاخت حوريه بس تكون مترجمه تتعامل مع المستشفى



وجوزيتم خير

هذا رقم مترجمة اسمها فاطمة يمنية ان شاء الله تساعدج 0484912122

وهذا رقم مترجمة ثانيه بس للاسف ماعرف كيف تعاملها هي زينه او لا المهم اسمها علياء 0474210195

 

[آلبتول]

اماراتيه ربي يعافيك مشكوره اختي والله يرزقك ويرزقني الذريه الصالحه


يعني انتي مجربةاليمنيه فاطمه ؟

 

[دوحه الدحدوحه]

انا ما عندي فكره عن الموضوع
بس حبيت ادعي لك الله يرزقك ولا يحرمك انتي وكل من يتمنى الضنا

 

[ألماس وردي]

البتول
المترجمة فاطمة ماتستقبل كويتيين مسويه عقد احتكار مع السفارة الاماراتية
والعلاج في بلجيكا اغلبة اطفال انابيب يعني ماكو علاج بس طفل انبوب
وانا موجودة الحين في بلجيكا اي سؤال لاتترددين

 

[كيكه^_^]

أتمنالج التوفيق حبيبتي والله يسهل عليج سفرج و وصولج لبلجيكا بالسلامه.

 

[شـــــــــمس]

البتول
المترجمة فاطمة ماتستقبل كويتيين مسويه عقد احتكار مع السفارة الاماراتية
والعلاج في بلجيكا اغلبة اطفال انابيب يعني ماكو علاج بس طفل انبوب
وانا موجودة الحين في بلجيكا اي سؤال لاتترددين

ان زين شنو افضل المستشفيات ....... وافضل الدكاترة ؟؟؟

 

[أسيرة القمر]

مستشفى uz

عندج ديفروي وستوب وغيرهم

فاطمي رجع للكويت ..

وعسى الله يرزقنا بالذريه الصالحه يارب ..

 

[آلبتول]

دوحه وكيكه مشكورين ياقلبي


الماس الله يعطيك العافيه بس انا سعوديه مو كويتيه ^^ يعني لو اتصلت عليها ماراح تتعامل معي ؟

وودي اسألك كمان قد سمعتي عن المترجمة ايمان ؟؟الظاهر لها جمعيه لتنظيم رحلات علاج العقم الى بلجيكا





اختي شمس
افضل مستشفى uz في بروكسل وافضل الدكاتره يقولون كثير

 

[غزلان كويت]

حبيبتي بتول عندي موضوع شبه شامل عن كل ما يتعلق ببلجيكيا وعنوانه ما يتعلق ببلجيكيا تلقينه بالصفحه الاولى او الثانيه ودشي اقري وشاركينا باسالتج عن اللي تبينه ولاكل كاتب تجاربه وهم كل ما يطري في بالج تلقين له رد باذن الله والله يسهل عليج وعلينا

 

[رضوانة]

هلا آلبتول و كل خواتي، أنا كمان صار لي عشر سنين متزوجة وما صار حمل، قررنا أنا وزوجي نسافر بلجيكا للعلاج على حسابنا الخاص لكن ما أدري كيف آخذ موعد، وحسب ما قالو لي إني لازم أنطر وقت طويل قبل مقابلة طبيب، وإذا رحنا كم وقت ياخد العلاج؟ ساعدوني لأني يأست.

 

[آلبتول]

غزلان ايه شفت الموضوع وقريته يعطيك العافيه كثير استفدت منه وقريت كل الصفحات الله يرزقنا ويوفقنا يارب



رضوانه لاتيأسين وخلي تعلقك بالله اكبر وتاكدي ان الله اذا احب عبدا ابتلاه


العلاج تقريبا ياخذ من شهرين او اكثر اذا مو غلطانه \


وانا مثلك لي 13 سنه والحمدلله على كل حال

 

[رضوانة]

مشكورة على الرد حبيبتي، أنا أخذت رقم المترجمة من المنتدى لكن هي ما ترد على رقمها.

 

[ألماس وردي]

افضل مستشفى uz
وموكل مرة تدخلين على نفس الدكتور على حسب اليوم والوقت
البتول حبيبتي خلاص لاالمترجمة فاطمة ماتستقبل غير الاماراتيين اللي جايين على حساب الحكومة
وعن المترجمة ايمان ماسمعت عنها بس اسالج عنها ابشري .........رضوانة تحملي الله يهداج لاتزهقين ولاتيأسين بس حاولي تراسلين المستشفى عن طريق ايميلهم واخذي موعد بس ترى بلجيكا غالية من ناحية علاجات ومعيشة لازم تحسبينها عدل .......وليش ماتروحين على حساب الحكومة؟؟؟؟؟؟

 

[bint_al8omar]

ماعندي فكره بس ماحبيت اطلع من غير مادعيلج الله يسهل عليج امورج وترجعين ومعاج احلا توائم يارب

 

[سيدة الانتظار]

الله يوفقج وييسر امورج ويرزقج ويرزقنا جميعاً الذرية الصالحة إنه على كل شيء قدير

وصلى الله على سيدنا محمد وعلى آله وصحبه وسلم تسليماً كثيرا ً