راعية سفر؟ تعالي

[أم صالح]

انزين انتي ميامي سالتينا وانت ماعلمتينا شنو خططج ؟؟؟؟؟

يالله دورج انتي الحين شنو بتسوين ؟

 

[miamy]

انا الله يسلمج نوينا انشاءالله نروح لندن

بس ريلي الله يهديه مو راضي يتحرك...باااااااارد

خالتي الله يعافيها دقت على مكتب وسألت عن اسعار التذاكر وقالها انتي بس حطيلي اسمائكم وانا اعطيكم عرض حلو

ريلي ما رضا قاللي نطري خل اتأكد من نفسي انه اكيد بنروح

عاد انا صورت عيالي حق الفيز

وناطرته يسوي الفيز ويحجز

وقاعده اخش فليسات من هني وهناك

ومتوكله على الله

الله يسهل

 

[euros]

@@ خوش موضوع

 

[miamy]

@@ خوش موضوع

حيااااااااااااااااااااااااااااااااااااااااج يا ألبي :tek:

 

[miamy]

ام صالح جني مارديت على موضوعج!!

مبين محتره من ريلي بااااااااااارد

المهم انا راح آخذ 3 جناط

جنطه فيها لبسي ولبس زوجي لأن آنا ما أكثر (حقي بنطلونين لازم جينز،اسود، وقمصاني لطوال يعني 7كافي،جوتي رياضه واحد،والجوتي الطبي اللي راح اكون لابسته من اغادير عرفتوه؟ وريلي نفس الشي بنطلونين و تيشيرتات، وطبعا لازم الملابس الداخليه،ولبس النوم، وكبوس ضروري حق ريلي عشان الشمس ما تأذيه لأنه متعود عل قتره)

وانا اخذ جنطه يد وححححححححده وتكون كروس

توني شاريتها شحلاتها من بيبلوس ب 15 دينار (المارينا) اكو 3 الوان فضي، اسود، احمر

لأن تكون معاي جنطه البيبي ف ماله داعي جنطتين

فوط ما آخذ اعتمد على اللي بالفندق.

الجنطتين الثانين احط وحده ببطن وحده عشان هناك ما اشتري جنطه، الجنطه الثانيه احط فيها ملابس عيالي الثلاثه،جوتي واااحد فقط، غير اللي لابسينه الكروكس.

طبعا لازم ما انسى:

سشوار (مهممممممممممم وخطيييييييييييير)
حبوب المانع
الفوط الصحيه
مكينه حلاقة زوجي(عشان ما يقولون ارهابي ونبتلش)
كاميرا فيديو و فوتو
بامبرز وكلينكس البامبرز
مميات
حليب النونو
خافض حراره
عربااانه
فرش اسنان ومعاجين
شامبوييييييييي ضروري مع بلسمه
كريم الواقي مع المرطب
اي لاينر وحمره خفيفه وبودر الوي
ديودرنت
مشط، شباصات، باندات حق البنااااات

ومعاي بالطياره:
مجلات تسالي حق بنوتااتي
2جيم بوي مشحونه
حلاو، كاكاو ، خرابيط عشان اسهي البيبي اللي معاي
بامبرز
حليب
علوج وحلاو عشان وقت الطيران والهبوط
جاكيتات (اخاف يبردون)

ولازم معاي بالجنطه الجوازات وكاش وكرت البنك


وتعيشوووووووووون


اقول ودكم يخون فيني ريلي ويقعدني في البيت

 

[أم صالح]

مشكوره ميامي ان شاء الله ربي يكتبلج السفره وتستانسون انا الصيف اللي فات كنت بلندن وكان برد بس بس شوقتيني كل ما اقول خلاص مابي اكرر لندن ارد احن لها بس السنه بروح جنوب افريقيا ان شا الله

تصدقين ريلي مو راضي اخذ عربانه البيبي يقول كبير خليه يمشي محتاره

 

[شموخ العجمية]

انا اخذ كبت معاي
كل شي يخطر بالج احطه

 

[lolly]

انتي متأكده؟؟

انزين مفعولها يتغبر واللا هذا اهو؟

خفت اجربهم لان الطعم تغير فقطيتهم .. لما تسافرين في صيدليات اشتري اللي تحتاجينه.. حتى بالمطار لما تنزلين بالديرة اللي مسافرتها..

 

[lolly]

على فكره انا اقصد الدوا السائل مو الحبوب

 

[vooom]

انا بفيدكم بشي دايما ريلي ياخذه ويانا بالسفر وصج يفيد
يعني اذا كنا بالمجمع اهو ساعات يفتر بصوب وانا بصوب واذا خلصنا او ضعنا انكلم
بعض فيه

 

[موزة ام فارس]

أغراضي أخذهم على حسب مدة سفرتي
جنطة وحده اذا المده من 4 ايام الى 10 تقريبا
جنطتين اذا اكثر من 10 ايام

يعني مثلا ..

الملابس :

بنطلونين او ثلاث جنزات او عاديين بس يكونون عمليين
2 قميص طوال وقمصان عادية مفتوحين من جدام
3 فنايل ملونة مثل البدي الحفر عشان افتح القميص وارتاح بالمشي
جوتي تكرمين رياضي اسود عشان يمشي مع اللبس
ساعة وحدة
ملابسي الداخلية .. اخذ النوع الرخيص من الهنود او القدم اللي عندي واتخلص منهم هناك
دلاقات قطن خفيفة
بيجامة وحده تكفيني أو شورت خفيف
3 تي شيرت

أدواتي مكياجي:
استعمالي للميك اب مثل اهني بديرتي خفيف كلش وطبيعي
اخذ معاي كريم الترطيب وكريم بين هذا ضروووري اهو اساس واهو حماية وكل شي
كحل .. بودرة الجسم .. قلوس و حمرة او علبة تشمل 3 الوان وتكفيني وزود اذا بطول بالسفرة
فازلين وكريم ايدي ولجسمي عقب الشاور وشامبو وديودرنت
1 او 2 عطر فقط
فيتامين C ومسكن ألم وفوار اينو ENO
مقراضة ومبرد + علبة حدها صغيره للخياطة احتياط
شكلهم وايد بس انا احطهم في جنطة خاصة تلم هالأغراض كلها وماتاخذ مكان بجنطتي
علبتي الصغيرة اللي فيها شباصاتي الصغار وجم سير للبوني تيل

سشواري .. والفير للكيرلي اذا المدة طويلة
كبوسي واهو اساسا اكون لابسته
الشاحن مال تلفوني
سيادتي والثوب
أوتي صغير



جنطة سبور حق المطار والتنقل عملية وخفييفة جدا
اشيل فيها كاميرتي الدجتال وادعسها ساعات بمخباتي
وتلفوني كتاب أدعية صغير ومصحفي هم صغير لابج و اذا المسافة طويلة بعد احب أقره بالطيارة
نظارتي الشمسية وبوكي

اللاب توب ضروري


الماستر + مبلغ زين او شيكات سياحية اذا المدة طويلة

 

[ناني سيكرتس]

انا عيل اخذ جنطه كبيره ترولي ووياها هاند باق كبيره احطها داخلها.

الجنطه فيها 3 بناطلين جينز فاتح وغامق واسود, وبنطلون اسود عادي حق الرده, شيله سوده وكحليه والباجي سكارفات بالصيف وقبعات بالشتا ( بفرنسا نلبس قبعات لانهم ما يحبون المسلمين وايد) جاكيت جينز ووترننغات بالشتا وبالصيف قمصان وبلايز خفيفه.

2جوتي واحد رياضه وواحد مريج عشان الرده واذا طلعنا عشا الا كاشخين..

جنطة مكياج خفيفه لان بالكويت ما احط فما بالك بالسفر..

ساعه جينز ولا سبور تمشي مع كل الالوان..

كريم وفازلين وكريم للايد ( ضروري كل انواع الكريمات لاني وحده كله ادهن)..

شسوار ومشط وملابس داخليه قديمه + بيجامات..

وبس اوصل اروح الجمعيه واشتري فرشاه اسنان ومعجون وشامبوجديد لان احب اجرب الشوامبو الجدد خصوصا اذا كنا بلندن, واشتري مناديل ديودرنت من هناك بعد..


واذا شريت الاغراض والاشياء الجديده كل هدومي وخلاجيني اشحنها مع الاشياء الثقيله الي شاريتها والباجي اليديد كله معاي بالطياره ..

 

[rawona]

لووول انا عاااد ما احب اسافر ومعاي قش ..

اخذ جنطتبن وحده لزوجي وبناتي الصغار _03BA: حق زوجي شورتين و4 - 5 تي شيرتات + لبسه للمطار وملابسه الداخليه وتكرمون دلاقات قدم ايقطهم اهناك
واليهال ملابس قطنيه خفيفه ومستهلكه علشان تنقط اهناك + مايوهات+ وفوط + جنطه تتصفط للمشتروات

جنطتي بنطرونين + 6-7 قمصان اطوال + بجامه+ 3-4 احجابات + عدد 3 اجناط اللي تتصفط وتنحط بالجنطه حق المشتروات اهناااااااااك

مااخذ ادويه اذا باروح امريكا ليش كل شي موجود اهناك بس اخذ مضاد وتحاميل تحسبا ليش ما يصرفونها الا بوصفه طبيه اما التايلينول وادويه الكحة والحساسيه موجوده بالصيدليات وهم الحماية مالت الشمس اهناك ارخص ..

جوتي رياضه واحد لي (اي شي ثاني اشتريه من اهناك) + جنطة الميك اب + صنادل بحر لليهال اممممممممممم هذا اللي اذكره واي شي ثاني اشتريه من اهناك

اخذ كااش واخذ الفيزا والماستر للمشتريات

ايييييييييييي وعربانه اليهال شي ضروري :klhfl:


اممممممممممم شنو بعد اذا ذكرت شي بارد اكتبه ميرسووووووووووو على هالموضوع :tek: :ggdw:​

 

[miamy]

انا تذكرت شي مهم ما ذكرته

عيوني ههههههههه (العدسات) والمحلول

طبعا ما استغني عنهم

 

[أمانيQ8]

اماني .. ما تحتاجين العربانه بالطياره؟؟ سؤال وجيه علشان اعرف اشحنها واللا اخليها معاي

اما سالفه التاكسي وااااايد ضحكتيني

هذا يمكن لأن عربانتج وااااااايد عوده!!


ـــــــــــــــــــــــــــــــــــــــــ
لا ميامي انا اقولج اخذها بالطياره ساعات اذا بنزل ترانزيت.. عرفتي هذا القصد
بالنسبه للتاكسي يحسبونها راكب سادس لانها كبيره اتعل القلب ام 3تواير
وبعدين لو العربانه خفيفه اناعسل على قلبي بس ثقيله وزوجي يقول خليها تروح مع الشحن ساعات انا ما ارضى فا اهو يعاند مايساعدني فيها

بس من غيرتها واستخدمت الخفيفه اذا في ترانزيت خذتها واذا مااكو تروح مع الشحن وهذا اريح طبعا بس اذا مظطره وبنتي دعله ماترضى تمشي شسوي؟!