راعية البيت تدخل

[زينة الخشة]

مدام قسم الخبرات ابي من وين اشتري شراشف لسرير
ابي نوعية خامتها ناعمه
لاني مرة شريت من الرحاب و من اول غسلة وبر
انتي من وين تشترين شراشف سرايركم؟

 

[برونزيه شقرا]

والله حبيبتي عندج صفاة الغانم
وعندج دريم مول
وعندج ياطويلة العمر تروفاليو إذا كشخه
لكن تبين شي عادي الجوهره المحاميد فاشن مل وغيرهم من الأسوقه الشعبيه

 

[UM^LEEN]

ماعندي فكرة

ان شاء الله البنات يفيدونج

 

[الصعيريه]

انا مااشتري الشرشف بروحه اشتريه ديباج كاامل وكله اخذهم من سويت هووم اللي بالفروانيه ..

 

[حور الحلوة]

تروفاليو


وين صاير يا بنات وشلون اسعاره ؟؟

انا اخذهم من مترو بس على حسب الماركه انا الي اخذه الشرشف على 5,500

 

[سلوى هانم]

احسن شيء وعن تجربه وسعره فيه دبنهامز صج صناعة انجليزيه انا كل اخذ منهم كد والله اغسله بغساله جم مره جنه يديد .

 

[ملح بدويه]

حلو اللي بدريم مول

 

[زينة الخشة]

وين صاير دريم مول وشنواسم الماركة؟
مشكورين على المرور
ةانا احب الي يكون فيهم سير

 

[moody-q8]

احسن شراشف يازينة الخشه تلقينهن بشركه الاتحاد التجاريه بالفروانيه والجميع بخيطان خامتهم امركيه وخياطتهم اماراتي
انا اشتري اللي شرشف سير معاه مخدتين من اورع مايمكن ولايتغيرون وسعرهم رخيص

 

[أم عبوودي11]

انا من دبنهامز ويوميا غسيل وتنشيف ولي الحين شحلاتهم سعرهم فيهم

 

[أنفاسي دخون]

بتروفاليو ودبنهامز يهبلون كد ومد لا يوبر ولا يكش ولا يتغير لونه

 

[هلااا]

إذا تبين رأي وحده خبره سنيييييييييييين بالشراشف

مالج إلا شراشف "الربيع" قطن ناعم
وألواااان تشووووق ومختلفة طبعا ساده
وأحجااااام مختلفة
وفي منه بسير وفي بدون سير

وللأماااانه كد ومد ولايتغير بالغسيل
أنا عندي شراشف قديمه كل مابغيت أقطهم أتحسف من حلاتهم

أسعارهم مختلفة حسب الحجم
في سايز كنج ونفرين ونفر
ما أذكر لأني دايم أخذ كمية
بس مايتعدون الخمس ست دنانير

وينباعون في كل محلات الكفرات وفي أقسام الشراشف وفي سوق السالمية

وحياج الله :68_asmilies-com: ​

 

[hneen2]

انا توني ماخذه شرشف من سنتر بوينت رووووووووووعه والله ناعم وبارد وغسلته مرتين يهبل نفس النعومه جد تحسين خامته راقيه مو اي كلالام وكل الانواع عندهم يجي مقاسات وسير وبدون سير حسب اللي تبين موجود .......................

 

[**(فـيـلا دانـتـيـل)**]

والله يالغاليه في محل شراشف وفوط تحت بالنقرة ((الكبير )) عاد مادري اهو الشمالي او الجنوبي
شحلاتهم .. مايتغيرون وقطن
وفي بستي سنتر ..
وحياج الله

 

[×~NoOoSh~×]

هلا ولله حبيبتى
انا شاريه شراشف من صفاة الغانم صارلها عندى اكثر من سنه صج كد ومد... وعندج ايكيا شراشفهم كد ومد

 

[bnt_kwt]

من كل مكان اخذ الشراشف
بس يعتمد عالنوعيه
اخذي الامريكي

 

[زينة الخشة]

يعطيكم العافية صج خوات
ان شاء الله اقول لابونا يودينا هاليومين واشتري
مشكورين على المرور

 

[ليمون معصورة]

شوفي حبيبتي اذا مفارشك وبرت
استخدمي الشفرة مالت الحلاقة
وسوي حلاقة حق المفرش
وفي المره الجاية اذا شريتي مفارش
اغسليها غسيل خفيف واستخدمي الملطفات
مو تغسلين كانك تغسلين ذبيحة
بالراحة على المفارش
ههههههههههههههحبيت افيدك من تجربتي
بما اني ربت بيت
بااااي

 

[Dalal Group]

اختي جربي كفرات سيرز

هذا الي بالضجيج

كل البضاعه الي فيه امريكيه

والكفرات والشراشف والمخاد الامريكية معروفه بجودتها