راسي بينفجر من زوجي دورولي حل

[شقرديه كيوت]

سوي سيرج بقوقل عن هالموضوع يمكن تلاقين حل--ومبدئيا حطي قطن بأذونج

 

[Sugar cube]

الله يكون بعونج

بس لا تتركين فراش ريلج مهما يكون ، حاولي تتأقلمين مع الوضع

و على خبري في لزقات الشخير بالصيدليات و ان شاء الله تنحل

 

[زوجة عزيز]

نامي بغرفه ابروحج اريح لج والله

 

[*ريما*]

الله يشفية

 

[وَرْدَة الْقُلُوْب]

مومثلي العلة
بنام بعيدة عنه
وشخيره بيصحي المنطقه
وين بروح انام عالمريخ
خخخخخخخ
الله يعين

 

[احلى من القمر]

نامي بحجره ثانيه وارتاحي

 

[هيبة ملك]

انا جذيه اطلع انام بعيد عنه

 

[Reham 84]

لااااااااااااتطلعين من غرفتج بعدين والله بتتعودون وتندميين صدقيني
صوريه فديو ووريه نفسه هههههههه

روحوا عيادة نوم اكييد في سبب
انا ابوي كان تشخيره عااالي وامي مافي شي ماسوته اخر شي تاقلمت مع الوضع
تقول صار اذا ماشخر افز من نومي اخاف صار فيه شي اشيك عليه وارجع انام
ههههه صارت ماتنام الا على صوت تشخيره

 

[احلى ـآ وحده]

في قطره بالصيدليه سعرها 7 وشي هاذي زينه بس مااعرف اسمهاا

 

[shams2008]

17 سنه هذي معاناتي مع زوجي
في اللحميه
تخيلي عيالي بغرفهم يسمعون صوته
نومتي صارت الصبح طول الليل اتقلب واففف
شريتلي اللزقان انفعووو معاه بس عقب شهر رد الصوت عود عليهم
ولاراضي يروح يعالج

 

[اكاسيا]

انا هديت الدار والسبه شخيره والله ثم والله اني ندمانه لاني خسرته صار متعود علا بعادي بس احسن حل حطي سدادة اذان والله ماتسمعين شي والله يشفيه

 

[أم توتو]

مثل حالتي وحطيت موضوع هنا وماقصروا البنات بس اللي عندي للحين يشاخر بس بجرب اللزقات موفقه

 

[nora al]

اناا موو مع البنات اللي يقولون لج طلعي نامي بدار برووحج !!


انتي بجذي بتعالجين الغلط بغلط اكبر منه



انتي تقوولين انه تووه هالشي يديد قبل ماكان جذي


يعني يمكن يكون تعب او زووجج وزنه زااااد عشان جذي يشخر !!


انصحج تفاتحينه بطريقة حلووه وانه اليااهل قام يقعد من الصووت موو انتي اوكي وقوليله خل يتعالج !! اذا ماايبي او مانفعت الطريقة حطي بااذنج قطي فيهاا زيت زيتوون وناامي !!

صدقيني مع الوقت بتتعوديين عليه

 

[وردة-الكويت]

قوليله يراجع دكتور انف واذن وحنجره

وانصحج ف الدكتور سند الفضاله وعيادته اسمها طيبه كلينك في منطقه صباح سالم

 

[جديده 1]

الحل حيل حيل سهل .. روحي للصيدليه و قولي له ابي سداد اذون .. اهي اتيي نفس الطينه مالت اليهال .. وقت النوم حطيها بأذونج و نومه هنييييييييييئه .. ادعيلنا عاد

 

[الزيـــــ^^ـــــن]

لي قام يشاخر طقييه علا جتفه

هذي حركه تعلمتها من أمي

جربي منتي خسرانه شي

 

[كويتيه شماليه]

لا حبيبتي لاتنامين بدار ثانيه مو حلوه بحقه باجر يدور اللي تتحمله بس يبي ريحة زوجه تواسيه بالفراش وصدقيني الشخير يجي اكثر شي من التعب والهم الله يعينه هدي عليه ولا تبينين له انج متضايقه شتسوين انا زوجي اذا داوم ماينام كلش واذا جا البيت يكون مواصل نسمع شخير واتحمل شسوي ولا اهد فراشي وحسسه

 

[Miss McDonald]

• البنآت ما قصروآ
• يزآهم الله خير

 

[jooosy]

حياتي والله كلللكن
ومشكورين وما قصرتو
والي قالو انه وزنه احتمال كبير
لا والله ريلي رياضي ومافي وزن
او انه ياكل وايد وينام لا أبد والله عشانه خفيف توست وجبن اوحليب وكورن فلكس
ودلوعة حمني قالت انه زوجها اذا نام على ظهره يشاخر
نفس ريلي بالبدايه جذي بس الحين حتى لو نايم على جنب هم بعد يشاخر
احس قام اتزيد عنده هالمشكله
واهو المشكله مافي لحميه ولا جيوب انفيه
احتمال من التعب نفس ماقلتو لانه دوامه وايد متعب وما يريح جسمه كللللش
باليوم كله ينام له 5 ساعات ويروح الدوام
يمكن مسكين من التعب جذي يشاخر

 

[jooosy]

لي قام يشاخر طقييه علا جتفه

هذي حركه تعلمتها من أمي

جربي منتي خسرانه شي

حبيبتي والله جربت احكرك جتفه اهزه عالخفيف
ماكووو فايده