راح يصير بالعرس الجاي؟؟؟؟؟؟؟؟؟؟؟مصيبه

[nice-girl]

يالله حسن الخاتمه
الله المستعان

 

[غنوة ستايل]

اي والله صادقه
ما ودي اموووت وانا ارقص .. يا شينها من موته

 

[shams2008]

لن يصيبنا الا ماكتب الله لنا

تعددت الاسباب والموت

مشكوووووووووووورة

 

[um khaled]

لهذي الاسباب ما اروح عروس ناس ما اعرفهم معرفه وثيقه وميانه

 

[عاشقه رويشد]

خووف من المووت ومن الحراايق بنفس الوقت الله يرحمنا برحمته

 

[maraiem]

انا الحمد لله رب العالمين صارلي تقريبا 12 سنه ما اروح عروس .. انعزم .. اعتذر لصاحبة الدعوه .. وبعد العرس بايام اتصل اخذ موعد واروح اوجب بالهديه وبس .. الاحل كلهم والصديقات والغرب عرفوا طبعي خلاص .. وانا جدا مرتاحه
.. واخر عرس رحت له كان عرسي !!
وكنت مغصوبه بعد .. لاني بصراحه ماكنت ابي اسوي عرس .. العرس في هالايام بعيد كل البعد عن الفكره اللي انا اشوفها ترضي الله سبحانه
مثلا :
العرس هالايام صار للتباهي والتفاخر والرياء الاجتماعي .. الصرف والبذخ فيه ماله والي ..ليش ؟؟
المعاريس او اهلهم تنكسر ظهورهم بهالمصاريف وموعاجب!! اذا قلنا الصاله فيها 200 معزومه .. صدقيني لازم تلاقين من هالميتين ناس تحش يا بالعروس .. يا بالمعرس ..يا باهل المعرس .. يا باهل العروس .. يا بالبوفيه .. يا يعيبون .. وهلم جرا ..هذي كلها مو ذنوب ومعاصي؟؟ طيب واللبس اللي تشوفونه!! على بو انه موضه يصير تفصخ عيني عينك وابداء ماحرم الله له النظر .. حتى فيما بين النساء .. هذا غير المصيبه لمن يدش المعرس وزفته .. تعالي تفرجي على العيون اللي تتلاقط من الصوبين واللبيب بالاشاره يفهم !! هذا غير الويوه اللي جنها تلفزيون ملون ويشوفونها الرياييل الغرب .. اختي انتي صح مغطيه شعرج .. بس ويهج شلون !!! حلال يعني الريال الغريب يشوفج جذي؟؟ ولا تقولين محد ينتبه .. انتي ما تدرين
ولا ننسى طبعا العين اللي ممكن تصيب المعاريس او اهلهم .. او حتى فزة النفس عليهم .. وهذا شي محد ينكره ..وياما شفنا وسمعنا قصص عن هالشي من اللي حوالينا او شفنا بعينا .. النفوس مو مثل قبل.. ومو شرط واحد يكرهج يحسدج او نفسه تفز عليج .. لا حبيبتي .. ترى ممكن حتى الام نفسها تفز على ضناها من غير ما تحس
وطبعا عروس هالايام ما تحلى الا بالاغاني .. استغفر الله
فحق شنو ادش مكان واحط نفسي بهالموقف !!! انا قررت اني ارضي ربي .. واقوم بالواجب بالطريقه اللي انا اشوفها مناسبه بالتوجيب من غير ما ازعل احد.... حتى لو على حساب اني اسجل موقف امام مجتمعي .. والحمد لله انا ثابته .. واحس برضا عن نفسي شديد واتمنى اذا يوم من الايام الله عطاني عيال اني اربيهم جذي .

 

[دلوعة حمني]

الحمدلله ماروح عروس ابدا بس اللي ربنا كاتبه راح يصير

 

[سيدة الذوق]

الله يستر علينا ويكتب اللي فيه الخير

 

[بناتي زينة حياتي]

جزاك الله خير .. وياليت عروسنا ترد مثل قبل بعيده عن المظاهر والفخفخه اللي مالها داعي ... تكاليف العرس من إلى صارت أشبه في بناء فيلا .. ماذبحنا غير المظاهر والفسق ... ياحلو ايام قبل ليتها تعود

وأسأل الله حسن الخاتمه لي ولكن

 

[سنعه بس مظلومه]

بنات اسمحوا لي لهل الدرجه اعراسكم فيها فسسق؟؟


وربي عندنا في البحرين العروس عادييه

ومعظم البنات محتمشات .,........................


سوري بسس من ردودكم ححسيت جديي

والله شفيها العروسس؟؟

يعنيي مو معقوله تفكيركم جديي ..؟؟؟؟

الموت حق ووين مانحشنا عنا الموت ملاقينه


ليش خايفين جديي ؟؟

حبوبه شنو قصدج بفسق؟؟

الحمد لله معروف مجتمعنا مجتمع محافظ ومافيه مجتمع يخلوا من القله القليله تكون شآذه

وانا شآيفه حفلات الزوآج عندكم بالبحرين مو عآديه كلش وتوصل لسآعات الفجر الأولى

صآحبة الموضوع تنصح جزآها الله خير عن ان الوآحد يعمل لاخرته قبل دنيآه ومافيه حفل زفاف مايخلوا من الموسيقى ومافيه وحده تتمنى تكون نهايتها تسمع مزآمير الشيطآن .. يعني احفلات الزوآج عندكم مافيه موسيقى عشآن تكون عآدديه ؟؟ اقنعيني

 

[Australia girl]

ذكرتيني بزوجي من صارت السالفه وكل يوم يقولي اي عرس فيه واحد متزوج على مرته ماتروحين قالي عشان يمكن بعدين يصير عرس واحن عليه ...لكن الواحد مايقول الا قل لن يصيبنا الا ماكتب الله لنا ..والواحد لو اليوم يومه لو كان بحضن امه وبيته ملك الموت بياخذه بياخذه بامر من الله ..

 

[مطيريه ماركه]

متى مآتم العرس بدون معآزف وغضب لله عآدي نحضر مو حرآم

والله خيرٌ حآفظآ

 

[غروري ضروري]

يزاااااااااج الله خير

 

[الشهد كله]

هذا ابتلاء من رب العالمين لنا كلنا ، عشان نحد من التكاليف والخساير بالأعراس ، لأن الأعراس عندنا

فسق من غير معنى ، قدر الله وماشاء فعل .................​

 

[hnoof]

جزاج الله كل خير

 

[• قلبه نصيبي •]

شوفي قلبي تفكري مو جذي يعني لو رحت العرس وصار شي والله كاتب لي ان هاليوم ماراح اموت فييه ماراح يصير فيني شي

ولو ربي كاتب بهاليوم راح امووت فييييه حتي لو بالبيييت او بالعرس راح امووت بس الواحد يموت بييته احسن من العروس واموت ع صوت الااغانييي

الحمدالله فيني طبع ان العرووس مارووح لان ملاقه صراحه

 

[pretty sarona]

الحمدلله عروسنا ما فيها شي لا فسق ولا شي , و كل من يعرف اهله , اهم شي ان الانسان يمشي بالسليم

 

[lolo-lilo]

اولا لوكل الناس نفس كلامج محد عاش
ثانيا حبوبه الرسول صلى الله عليه وسلم قال تفائلو بالخير تجدوه واعتقد احنا مسلمين والحمدالله كل واحد ونيته وازعه الديني يعني اللي تخاف ربها بكل مكان موشرط بالعرس بتصير وحده ثانيه علا بونه بتلبس لبس وبترقص خلاص كفرت وبعدين انا اقصد اللبس المحترم والرقص المحترم يعني مو المصري والفاصخ وبعدين كاناس ماتوا بالطياره وناس اغرقوا بالباخره وناس اندعمو بالسياره مااشوف الاوادم ماقامت تركب طياره ولا سياره ولاباخره كل واحد الله كاتبله متى ووين بموت واللي ماتوا بالحريجه الله كاتبلهم هالموته ونصيبهم بالدنيا واللي ماتوا بالحادث بعد واحنا طبيعتنا كمسلمين لازم مانتشائم ولازم انتفائل بالخير حياتي وصدقيني بالنهايه الي محافظ علا دينه ونيته صافيه ويخاف ربه مايهمه متى وشلون يموت ومشكورة يالغلا

 

[lolo-lilo]

بنات اسمحوا لي لهل الدرجه اعراسكم فيها فسسق؟؟


وربي عندنا في البحرين العروس عادييه

ومعظم البنات محتمشات .,........................


سوري بسس من ردودكم ححسيت جديي

والله شفيها العروسس؟؟

يعنيي مو معقوله تفكيركم جديي ..؟؟؟؟

الموت حق ووين مانحشنا عنا الموت ملاقينه


ليش خايفين جديي ؟؟

والله ماادري اشلون ارد عليج يعني انتي شفتي عروسنا كلها بالكويت ولا ردج من الموضوع اللي مكتوب لان اذا جذي ماتشوفين شر وكلش يعني عروسكم كلها اناشيد وبعدين حبيبتي اذا بدشين بموضوع الفسق بالكويت الحمدالله الله حافظنا مانبيع الخمور علا افا من يشيل وانا بط جبدي ردج السطحي وشلون تكلمين عن عروسنا الكويت وتكلمين باسم عروسكم بالبحرين نصيحه الواحد يقول كلام متاكد منه ولا خير له لايتكلم وعلا فكرة انا اموت علا الخليج كله وردج مايغير شي ولا يقلل من حبي للبحرين علشان موتقولين هاذي حاقده علا البحرين لا انا ماحقد علا احد

 

[ضمى روحي]

الله يستر علينا