راح اوكل بنتي ومتدودها حدددي 

[~وريثة الملوكـ~]

السلام عليييكم بنات شخباركم
بنات انا بنتي توها داشه 6 شهور
كل شي جهزته حق اكلها
متشوقه حددي
لانها اخر شهرين ضعفت
وابي اعوضها بالاكل
ابي بالضبط
شنو اوكلها
ومتي
وجم مره

سويت بحث عن كل المواضيع احس ما استفدت شي
ابي جدول لاكلهاا اذا ممكن تفيدوني
وعيدكم مبارك مقدما 

 

[كتكوته22]

اختي نصيحه اخذي كتاب دكتوره ريم قنواتي جدول مفصل شنو الاكل الي توكلين بنتج وصفاة اكل جنه كتاب اكلات لبيبي وطريقه تنظيم جزه الاكل والمميه نصيحه اخذيه وراح تستفيدين منه وموجود بمكاتب الجمعيات واذا ما حصلتيه تلقينه بانترناشونال كلينك مكان عيادتها

 

[noo7a]

شوفي اول ما تبلشين بلشي بوجبه وحده باليوم الي اهي الغدا
بعد اسبوعين وجبتين غدا و عشا
و بعد هم باسبوعين ثلاث وجبات ريوق و غدا و عشا

طبعا اول ما تبلشين توكلينها اول فتره ما راح تاكل وايد يعني ما يعتبر وجبه كامله راح تشبع بسرعه و راح تلقينها بعد ساعه و لا نص ساعه تبجي تبي حليبتها ليما شوي شوي تزيدين بكميه الاكل و تصير وجبه كامله

بلشي اول شي معاها
عطيها نوع واحد من الخضرا يومين او ثلاث
يعني يومين بطاط مفيوح
يومين جزر مفيوح
يومين قرع مفيوح
جذي يعني صنف واحد
ان شفتي ما تحسست منه يعني حمر جسمها او طلع لها حبوب عطيها منه عادي ان شفتي صارت لها هالاعراض وقفيه

بعد ما تخلصين من النوع الواحد عاد بلشي تخلطين لها اكثر من نوع
و تقدرين تضيفين عليهم شوفان او عيش ,,, عن نفسي افضل الشوفان لان افيد
الدياي و اللحم تقدرين تدخلينهم من الشهر الثامن
السمج و الروبيان بعد السنه
هذا بالنسبه للغدا

الريوق و العشا
سيريلاك
بسكوت الاطفال

العصاري او المغربيه ذوقيها محلبيه وايد مفيده
كسترد
روب مع فواكه
او فواكه بروحج سويهم يا انج تبشرينهم صغار صغار او تفوحينهم و تهرسينهم

و عليها بالف عافيه انشالله

اي و نسيت اقولج معلومه حلوه قالي ياها الدكتور
احنا الغرض من لمن نعطي البيبي الاكل مو ان ياكل و يهد الحليب لا
الغرض ان نعوده على طريقه الاكل و المضغ بس

 

[KOKO_284I]

مع الاخت كتموته كتابها حيل بيفيدج

 

[travel_addicted]

شوفي حبيبتي أنا يعطيج طريقه دكتوري و أخذي منها اللي يعجبج
اول شي ابدي بوجيه وحده اللي اهيا عيش الاطفال في وايد انواع مع حليب او ماي بس اذا بنتج ضعيفه عطبها مع حليب احسن
بعد 5 ايام خليهم وجبتين ريوق و غداً .. الريوق عيش و الغدا خضار استمري بالنوع 3 ايام عشان اذا في حساسيه لا سمح الله تبين و بعدين ابدي خلطي
بعد 15 يوم ابدي بالفاكهه وجبه العشا و نفس ألطريقه كل نوع 3 ايام بس ابتعدي عن الحمضيات
و بعد 7 شهور ابتدئ لحم و دياي و ابتدئ عطي سيريلاك قمح جربي فيها
بس أنا بديت بالإكل 5 شهور

 

[~وريثة الملوكـ~]

يعني اللحييين اعطيها وجبه وحده بسسس
انزيييين ما يصير اعطيهاا عيش الاطفال ع الغدا
والعشا سيريلاك اللحيييين
او خضااار والعشا سيريلاك
لاني مشتهيه ادخل السيرلاك لنظامنا الغذاااائي

 

[~وريثة الملوكـ~]

فديييييتكم
لاخلا ولا عدم


 

[worood82]

ماشاءالله البنات ماقصرو عندهم معلومات بس انتي لو امبلشه معاها من الرابع افضل باشياء خفيفه مثل عصير التفاح والبرتقال وماي التمر البسكوت هذي الاشياء تقدرين اتبلشين فيها من الرابع

 

[الأميرة جوري]

لرفع

 

[ريانا]

اب بلييييز

 

[ناني سيكرتس]

عطيها عيش اسمر بدال الابيض وايد مفيد لها, وديرو بالكم من السيريلاك ترا موزين ..

 

[Tom ♥ Jerry]

,

حبيبتي من 6 اشهر نوكل عيالنآ آحنآ ..
بس ديري بآلج طبعا مو اي شي ..

يعني سويلها كل يوم عصير طآزج ينفعها ..
و فوحيلها بطاط / كوسه / يزر خلطيهم مع بعض و هرسيهم و وكليها
اذا في عيش عادي بعد وياهم مع شوية مرق

> و هاذي الاشياء مره وحده باليوم بس ..
طبعا تكون قبلها مو شاربه حليب مده عشان تآكل بشهيه >
يخخخختي اتخيلها و اهيه تاكل بشهيه لووول

الله يخليها لج يارب و تشوفينهآ عررروسه

و شسمه تقدرين تعطينهآ بعد : لبن .. روب .. داناو مآدري دانيت
سوالف اليهال هاذي

 

[؛؛حلاوه؛؛]

المفروض من الرابع توكلينها في بالجمعيات اكل الاطفال عيش وفواكة وهالسوالف

 

[نـعـومـه]

الريوق : سيريلاك سواء القمح او الارز

الغدا : خضار ومرات عيش مع الخضار وكل مره خلطه بس مادري شنو بضبط لاني اداوم واكلها جاهز ومسوينه لها

العشا : فواكه بس الغالب موز مع شوي حليب بالخلاط احطهم



ومرات اعطيها العصاري او المغرب مهلبيه مرات ماي التمر مرات غداها تاكل منه شوي اكمله لها بعدين ومواي اكل يعجبها اذا كلت خضار خاليه بس ماتبي تبي اضافات ملح شي في نكهه