راح اموت ناقصه عمر

[نُوف~]

يقولون نص العما ولا العما كله ، مبين ريلج حاس بالموقف وهاذا شي زين بس ترا لا تضغطين عليه زيادة لا ينفجر ويهد البيت
بكبره لكم انتو الاثنين لان كل انسان له طاقه ، خلج وياه وساندية وكسبيه اكثر واكثر وحاولي لا تحتكين فيها

بالضبط :eh_s(17):

 

[لوولوو_88]

الحمدلله انه ريلج عارف امه و طبعها و قلبه عليج الله لا يغير عليكم .. ابعد عن الشر و غني له .. خلج رسميه وياها و فكي نفسج و انشالله تخرجين و تطلعون و ترتاحون .. الله يعين ريلج بين الان العويه و بين مرته .. شدة و تزول مالج الا الرسميه

 

[Angel lady]

واااااي مو من صجها هذي ويع !!! شوفي حقريها و طوفي و خلج اكثر من سطحيه معاها لين الله يفرجها و تطلعين بشقه بروحج و ترتاحين

 

[انصاريه قمره]

الله يهديها ويعينج بصراااحه انا في بعض المواضيع ما احب ارد علشان لا ازيد النار حطب اترك المجال لغيري يمكن تفيدج ارائهم اكثر

 

[bal8es]

حمدي ربج مليون مره ان ريلج حاس بهالشي مو قاعد يكبر عشان انتي غريبه وهذي امه
ماعليج منها خل تولي وتحاشيها عشان ريلج ولا تيبين طاريها بالشينه جدامه عشان تكسبينه و الناس المقربه لج اكيد تعرف شنو خالتج وتعذرج

 

[الأوركيد~]

الله يهديها لج يا رب

و يسخر زوجج لج

و يرزقج بر ابنيتج

 

[M!SS.LOBY]

الله يهديها

 

[سلاسل الذهب]

احسن شي تطلعون بشقه ترتاحون ً او اقنعيها تروح تجاهد بسوريا هههههههههههههههههه اظحك معاج

 

[امـ خــزامـى]

الله يكون بعووووووووووووونك


شي لايطاااااااق

فشيييييييله


مالكم حل الا الشقه

ربي يسراموركم ويفرجها

 

[زوجة عزيز]

الله يعينكم وايد ريلج يعطيها كل شهر صج اهي امه وموحسافه لو عطاها بس اهي موناقصها شي ومومحتاجه كل هالمبلغ وزوجج عنده التزامات تفاهمي معاه انه تعيشون بروحكم لان الحياه وياها وايد صعبه الله يعينكم

 

[قاهره عذالي]

هذي الظاهر تصرف على اهلها اللي برا

دايم الام اذا عراقيه او سوريه

منتفه زوجها الكويتي وعيالها وتسحب منهم وتودي بره لاهلها وتصرف على بيوت


صراحه وضعج ماينسكت عليه

قلنا تعطي امك

بس زوجتك وبنتك لها حق

وانتي من حقج شقه صراحه وخدامه

هذي شنو ماتشوف بالدنيا غير الفلوس

وحتى مو مراعيه ولدها

تبي تطلقج من زوجج عشان توحد بمعاش ولدها وتاخذ منه

صراحه زوجج لازم يفهمها

يعني مو راحمه ولدها ولا قالت ولدي عنده التزامات

والله امي عمرها ما اطلبت مننا الا حنا نعطيها من كيفنا

لا ومرات ترد الفلوس تقول خشوها لكم تحتاجونها

هذي صراحه تجردت من الامومه اللي بتطلق ولدها عشان توحد بمعاشه ويصير لها

وزوجج فاهم امه ويقولج بعد

ومو مكفيتها هال200 اللي يعطيها

وكافي عليه بعد قرض سيارة اخوه واقساطها

بعد عنده بنت والتزامات

لا حبيبتي لا تقولين لما اتوظف اساعد زوجي ونطلع

زوجج هو يتصرف

معاشه كثير قليل

خليه هو يتصرف هذي مسؤوليته

ترا ان سويتي جذيه

عبالج بتفتكين من امه

لا بتروح تضغط على ولدها يعطيها اكثر من معاشه

وحجتها والله مرتك عندها معاش وخلها هي اللي تصرف ع بنتها والخدامه والاجار

وهو بيرضخ وانتي عارفه اسلوبها شلون تضغط ع الواحد

صح انه يدري انه امه غلطانه وفاهم امه

بس كثر الدق يفك اللحام ويبي بس يسلم
وبيسوي جذي عشان يسكتها

وانتي اللي تاكلينها

ان ما عودتي زوجج من الحين انه هو مسؤول

ترا ان صار عندج معاش بيخلي الدنيا كلها على راسج

وبيحملج انتي المسؤوليه لا تعودينه انه انت حتى لو امك خذت منك ونتفتك انا اشيلك واساعدك خليه هو يتصرف ويلقى حل مع امه

 

[Um Tuki]

لين طلعتي بروحكم صج صج بترتاحين ..
و اما عن ريلج هذي امه صح بس مو معناته تخرب حياته و تفشله جدام الناس و يسكت

خل يكلمها .. ما يصير جذي ..

احس ريلج وايد هادئ و سمحييييييييييييييلي ع الكلمة .. ( صاير جنه الطوفة الهبيطة )