راتب المطلقة!!! تعالوا بفيدكم

[غزلان-2]

الله يوفقهم المطلقات ويرزقهم اللهم امين

يارب تبارك لهم

بليز ابي رد واللي يعافيكم

 

[قطعة حلا2]

اختي غزلان زاد الراتب 112 يعني 447 +112=559 دينار ياقلبي........

 

[قطعة حلا2]

غزلان انتي عندج عيال ولا لا....واذا عندج هل انتي رافعه قضيه علا طليقج نفقه ولا لا

 

[جلكسيه اس 3]

مشكوره على الموصوع. المعاش زاد و كان معاه اثر رجعي
و الحمدلله على كل حال و الي اتقول المعاش اقطعوه بسبب الحضانه والله الله يعينج يقلبي و هذي قوانينهم بس عشان يكسرون ظهر المطلقه
اهو بروخه كل شي غالي ما اقول الا الله يعينج
و بنات بسالكم الي مو مضافه مع ابو اعيالها ف ي بيته شنو تقدر اتسوي انا سمعت يعطون بيوت رخيصه للمطلقات عفيه اذا اتعرفون الطريقه قولولي *

 

[جلكسيه اس 3]

و الي يسالون عن المعاش كان اربعميه و سبعه و اربعين و هالشهر نزل ٧٨٨ و ترا اهو مال شهرين

 

[قطعة حلا2]

سكرتيره ياقلبي انتي مطلقه........طيب بسالج ليه هالقانون يعني انا شدخلني بنفقه عيالي وبعدين انا اخذ اعانه من الدوله تعيني هالدور يخصمون مني عشان عيالي يستلمون نفقه من ابوهم عفيه قلبي انتي تعرفين احد بالشوون يفهمني قوانينهم ياقلبي...

وبالنسبه للبيت المطلقه هذا طال عمرج اذا انتي مطلقه وعتدج عيال تروحين بنك التسليف والادخار وهناك يعطونج ورقه فيها الطلبات اللي يبونها انا قدمه على طلب بس ماعطوني جواب لحد اللحين لان عمري 24 سنه

 

[غزلان-2]

هلا خواتي انا مومتزوجه

بس ابي افيد وحده اعرفها سالتني وقلت مالي الا احلا كويتيات

ومشكورين خواتي على الافاده والله يررزق الجميع اللهم امين

 

[غزلان-2]

قطعة حلا الله يعينج ان شاء الله

 

[-فلانة-]

بنات راتب الشؤون يمشي حق المطلقة الموظفة والا لأ؟؟
وشنو شروط التقديم على قرض بنك التسليف؟؟ ​

 

[غزلان-2]

اختي فلانه اهو ينزل للمطلقه اللي غير موظفه

اما الموظفه عندها معاش ما تستحق الاعانه

 

[قطعة حلا2]

اللهم امين اختي غزلان زين بنات انا اللحين بدش جامعه هل لي الحق في الاعانه ال200 ولا لا؟؟
ولامايعطوني بنات اللي عندها الخبر الاكيد عفيه تعلمني

 

[جلكسيه اس 3]

سكرتيره ياقلبي انتي مطلقه........طيب بسالج ليه هالقانون يعني انا شدخلني بنفقه عيالي وبعدين انا اخذ اعانه من الدوله تعيني هالدور يخصمون مني عشان عيالي يستلمون نفقه من ابوهم عفيه قلبي انتي تعرفين احد بالشوون يفهمني قوانينهم ياقلبي...

وبالنسبه للبيت المطلقه هذا طال عمرج اذا انتي مطلقه وعتدج عيال تروحين بنك التسليف والادخار وهناك يعطونج ورقه فيها الطلبات اللي يبونها انا قدمه على طلب بس ماعطوني جواب لحد اللحين لان عمري 24 سنه

حبيبتي والله انا مادري بس كل الي اعرفه ان قوانينهم جذي اهو صح اانفقه للمطلقه بس لو تلاحظين انا نص المعاش حق اعيالي يعني قاعده ادفع اكثر من ابوهم حق اعيالي لدرجة ولدي لمن يروح عند ابوه يبي يلبس الملابس الب انا اشتريها و ما يبي يلبس ملابسهم الي اهناك و حتى جواتي الي اهناك ما يبون يلبسون
بخصوص البيت انا فوق الاربعه و عشرين اتمنى اذا وحده بالمنتدى عندها علم بهالموضوع اتفهمني

 

[قطعة حلا2]

هلا سكرتيره والله ابوهم خير شر مايشتري لهم ولا شي كل ماطلبوا من ابوهم شيء قال رحوا لامكم فلوسكم عندها يجوني عيالي منشحنين علي مع اني ماقصر وياهم بس تعرفين ودهم باي شي من ابوهم...........والله ياقلبي انا اصحج تروحين بنك التسليف لان كل واحده لها حاله يعني انا وياج مطلقات لكن انا حالتي غير لاني اصغر منج يعني طلبي مطول انتي روحي لهم وساليهم افضل لج واااااااااااااايد..

 

[DalaL||]

الله يعافيج ماذكرتي وين تروح شنو الاجراءات شتسوي شنو الاوراق المطلوبة

بالتفصيل يالغالية وماقصررررررررررررررتي

 

[وحيدة امى]

الله يفتحها بوجهكم ويرزقكم

 

[اشلون يعني &]

مشكووووووره زين معاش الي ماتزوجت جم

 

[مظلومة حيل]

يعطيج الف عافية

 

[((shoOoshoOo))]

الله يرزقهم يا رب​

 

[خالتها]

السلام عليكم
بالنسبة للاوراق المطلوبة للتقديم للشئون
شهادة طلاق
اعلان رسمي من المحكمة انش مو متزوجة حاليا
شهادة نفقة للاطفال من المحكمة
تسجيل تجاري لش ولأبوش من وزارة التجارة
تسجيل عقاري لش ولأبوش من وزارة العدل
التأمينات لش ولأبوش
بدل بطالة من الهيكلة
جنسيتش وجنسية ابوش
ميلادية الاطفال
3 صور شخصية
تحويل راتب من البنك
هذي الاوراق كلها ولازم تتجدد كل 6 اشهر
وبالنسبة للمعاش حاليا 559 دينار
انا توني مقدمة اوراقي وقالولي يمكن بعد شهرين ينزل المعاش
والله يوفق الجميع ويكتب لنا الخيرة في كل شي

 

[brettey]

الله يعطيج على قد نيتج لا والله دام باع وطلق يستاهل كسار الظهر ولا له حق يتهنى دام انه ظالم فلس واحد لاتخلين اذا من حقج