رابع وخامس؟؟؟؟امتحانات تجريبيه؟؟

[حرير]

هالاسبوع حبناه انه اخر اسبوع ومافي شي...
تفاجات ولدي بخامس الاحد والاثنين اختبارات اللغه العربيه؟؟؟
وبنتي برابعه الاثنين رياضيات؟؟؟
شنو اهميتها....خلاص الجو حار خل يدرسون للفاينل احسن...
وسمعت ان هذه الامتحانات علشان لايغيبون الطلبه!!!صج؟؟؟

 

[78MariMar78]

ماادري بس ولدي أعطوه جدول امتحانات تجريبيه ويوم الاثنين 25/5 آخر يوم
ان شاءالله بيعطوه رقم الجلوس والجدول وبيغيب.....

والله يساعدنا على امتحانات آخر العام
واللي عرفته انهم راح يخلوا امتحان العربي (ورقتين) في يوم واحد والانجليزي (ورقتين) في يوم واحد

 

[حرير]

الله يعين حسروا بعيالنا هالسنه...وماادري شنو الفايده!!!

 

[الدلال]

انا كل يوم اقول حسبي الله على اللي كان السبب

ولدي قام 24 ساعه يهووجس ويخاف يسقط

ليش جذي مكبرين السالفه جنهم داشين حرب

ترى هذول يهال وعقولهم ما تستوعب كل هالمواد اللي حاشينهااا معلومات مالها دااعي

 

[ريفيل]

وهمي ما في درجات بس حرام فرصة الاطفال يراجعون قبل الامتحانات

 

[اميرة القلوب]

وانا معاج اختي اضم صوتي لصوتج واقوووووووووووول حسبي الله ع اللي كان السبب هولووو فيهم وهم صغااار

 

[فروحة الكويتية]

وأنا معااااااااااااااكم

 

[on line]

بنات الحين لي غيبتوا عيالكم بيصير شي
وربي حرام هالجهال كرهوا شي اسمه امتحانات ودراسه
اخذوها مني المدرسات ارصدوا الدرجات واغلبيه الجهال يروحون بس للهواش وفوضي علي الفاضي واذا احد حاس عباله ضعاف يبلش معاهم من الحين احسن لهم باوراق عمل لان المدرسات اعتقد مالهم خلق يدرسون
انا عن نفسي غيبت عيالي واذا علي التدريس ليش اضغط عليهم موثانويه عامه هذي كلها رابعه ولا خامسه بتدائي
وكل وحده من البنات تعرف مستوي عيالها
ومتكله علي الله وربي يوفقهم ويسهل عليهم الدراسه ويعدي هالامتحانات علي خير

 

[أم عبووووود]

حبيبتي المتحانات هذي كلها تجريبية وتهيئة حق اخر السنه االه يوفقهم ارب

تدرين عيل انا ولدي اللي برابع حفلة تفوقه الخميس :0bee2e8d89:

كل هذي نحاسة فيهم علشان مايفكرون يغيبون

 

[78MariMar78]

بنات في أحد عنده امتحانات عربي وانجلش

 

[أم عبووووود]

بنات في أحد عنده امتحانات عربي وانجلش

حبيبتي نزلت الانجليزي والعربي دااااااااايما يوصلني اخر واااحد مادري ليش هالمادة عسرة :0bee2e8d89:

الله يوفق عيالنا يارب

 

[حرير]

الله يوفقهم يارب....وجزا الله خير ام عبود سباقه في موضوع الامتحانات...
اما النحاسه صارت فن في مدارس حولي التعليميه
تدرون تسميع القران الاربعاءو الخميس.....؟؟؟ليش الله يهداهم

 

[اسوووره]

الله يعينهم هاليهال والله ... بنات عيل انا اليوم وديت ولدي برابع المدرسه و توني داشه البيت جان يدق علي من المدرسه يقولي يما تعالي

اخذيني ماكو احد بالصف !!! قتله منو يمك قالي في ابله قتله عطني اكلمها و يوم كلمتها قتلها حبيبتي يعني خلاص اغيبه قالتلي ماقدر اقولج

غيبيه و تصير مسؤوليتي عقب قتلها لا حبيبتي بس عشان اعرف و اخليه بالبيت اجابله و ادرسه دام ماكو احد جان تقولي عيل درسيه بالبيت

احسن !!! يعني عشان ماتقولي غيبيه قالتلها بهالطريقه يعني انتو فهموها ...

 

[أمانيQ8]

اي والله بنتي بخامس وامس عليها تجريبي انجليزي واليوم تربيه وطنيه تصوري لا اموزعين عليهم جداول عشان التجريبي ولا شي بس امبلغينهم يعني باجر امتحانها يبلغونها اليوم ...وصفحات مو هينه مثل التربيه الوطنيه من صفحة 65الى اخر الكتاب!

وخذوا منا فلوس على اساس في حفلة تخرج بس لا حس ولا خبر لحد الحين واهم ماخذين منا المبلغ والموافقه من شهر والاربعا اللي فات خلصنا من حفل تفوقها
زين ليش كل هالطواله كافي مكيفاتهم بالصفوف تعبانه بذمتي اخذهم بالهده يركبون السياره يلصقون ويهم بالمكيف اهي واختي
ولا ازيدكم من الشعر بيت بنتي اللي بأولى ابتدائي الحين تمتحن!!وباااجر عليها اختبار رياضيات ...وللعلم ان اغلب المدارس الابتدائيه عطلوا فيها صفوف اولى وثانيه وثالثه اختي ناظرة مدرسه سألتها قالت غابوا من اسبوع ودخلنا درجاتهم وخلصنا ومدرسة بنتي
الاربعا اللي فات ابلة الألعاب عطتهم كتاب مهارات خاص بالتربيه البدنيه توهم امبلشين فيه
اشراااااااااااااااااااااااايكم؟؟؟؟

 

[حرير]

درجه الحراره مأثره على ناظرات المدارس (مع الاعتذار)ولا اولى ابتدائي شكو امتحانات اللحين بنشوف الوزير الجديد او الجديده شنو فناتق بطلع لهم خو كل وزير لازم يترك بصمه لاتنسى وراه

 

[7ayrah]

الله يعييييييييييييييين عيالنااااااا
ويعييييييين اولياء الامووووور
اوف اوف متى بس نخلص

 

[فروحة الكويتية]

الله يعييييييييييييييين عيالنااااااا