رابطة ما بعد التكميم ونزول الوزن

[Ghaderooo]

سلام عليكم

انا سويت التكميم يوم الخميس الي طاف تاريخ 28/2/2013 عند ابراهيم العنزي وااايد زين وعجيبيييب يعطيه العافيه بصراحه
بس انا ليلحين ماقست وزني بعد العمليه ناطره مراجتي بس مادري ماحس نفسي نازله

وزني قبل العمليه 85 وطولي 150

و ودي الحق على عمري ما ابي شعري يطيح ف شنو تنصحوني اسوي شي مضمون ورخيص

وبنات بسالكم لما كنتوا سوايل ما مليتوا
انا بصراحه نفسيتي تعبانه ومليت خصوصا ان الدكتور مقيدني بسوايل معينه ف بعرف الكل جي ولا انا بطينيه ككككك

 

[راعية الذيب]

السلام عليكم

انا اليوم رحت للدكتور بعد ما دقت علي سكرتيره الدكتور لاني قلت لها امس اذا اقدر اروح له باجر يعني اليوم

ورحت له وقالي انه علي اني اسوي تحليل شامل للدم وسونار لبطني ومنظار لمعدتي

ورحت لسكرتيرته وقالت ان خلصت التحاليل اليومبن هذولي راح يكون موعد عمليتي بتاريخ 17 \3

وعسي الله يستر

تكفون ادعو لي
انا من طلعت منه وقلبي مقموت

 

[توحه1]

استخيري ولاتحاتين سهالات ان شالله
رايت الذيب
ولاتقطين شي من اوراقج يمكن تسوينها عند دكتور ثاني انا جذي سويت وخلصة وستخرت وتضايقت
وكاني بعد ساعات بسويها باذن الله عند دكتور ثاني ومستشفى خاص

 

[شمرية مزيونة]

بنات ادعولي انا بسوي عمليتي عقب باجر يوم الثلاثاء 12/3/2013 ادعولي اطلع بسلامة انا حدي خايفة من العملية

 

[rooza]

بنات انا عمليتى يوم السبت قص المعده دعواتكم لى خايفه حيل بعد العمليه شوه نظامى بالسوائل مادري شوه اكل وعن التعب والدخوه بلانى دوام وماابي اعلم حد

 

[rooza]

الله يقومج بالسلامه يالشمريه وطمنينا عليج

 

[badlya]

السلام عليكم بنات نصيحه الي ودها تسوى عملية تكميم او شد تسوى عند الدكتور محمدالجارالله -- روعه واخلاق سويت عنده تكميم وشد بطن وذراع ----- جزاه الله خير
الله يسهل على كل وحده بتسويها ويقومها بالسلامه --ترى العمليه سهله مافيها عوار الا الغازات يبيلها حركه --والتزام بتعليمات الدكتور

 

[DO7AWE]

مرحبا علي الكل
شخباااركم صبااياا
بنات انا بسوي العمليه انشالله وعسي ربي بتمم علي بالصحه والعافيه وكل من قال امين
بس معاي مشكله بمعدتي
سويت منظار وتحاليل كلها زينه الحمدلله
لكنًن معاي جرثومه وغطاني مظاد مده اسبوعين وخلصته الحمدلله بس لاحظت بعد المنظار
انًً معاي حرقه بالمعده موطبيعه وغاثتني
مادري طبيعي صارلي شهر مسويته
اللي صارلها جذي تطمني

 

[توحه1]

بنات اشكثر نزلتوا بعد الاسبوعين الاولين ؟؟؟
كم كيلو

 

[DO7AWE]

بنات بليييز ردوا

 

[عيون القلب]

سلام عليكم

انا سويت التكميم يوم الخميس الي طاف تاريخ 28/2/2013 عند ابراهيم العنزي وااايد زين وعجيبيييب يعطيه العافيه بصراحه
بس انا ليلحين ماقست وزني بعد العمليه ناطره مراجتي بس مادري ماحس نفسي نازله

وزني قبل العمليه 85 وطولي 150

و ودي الحق على عمري ما ابي شعري يطيح ف شنو تنصحوني اسوي شي مضمون ورخيص

وبنات بسالكم لما كنتوا سوايل ما مليتوا
انا بصراحه نفسيتي تعبانه ومليت خصوصا ان الدكتور مقيدني بسوايل معينه ف بعرف الكل جي ولا انا بطينيه ككككك

حمدالله على سلامتج :eh_s(17):

بالنسبه للفيتامينات انا قالت لي اخصائية التغذيه ما اخذها على طول غلط

لان الدهون اللي فينا فيها الخير و البركه

يعني بعد شهرين من العمليه اسوي تحاليل و اشوف شنو اللي ناقصني و آخذه

هذا غير طبعا الأبر الشهريه حقت فيتامين ب كومبلكس و ب 12 هذولي من عقب ما نكمل شهر نبدأ نآخذهم

ضروريين جداً لانهم ما يمتصون عن طريق المعده ، لأن المكان اللي يمتصهم راح مع الأستئصال يعني ما ينفع إلا الأبر

بالنسبه للملل اي نعم لابد منه خصوصاً مرحلة السوايل :eh_s(1):

انا بمرحلة السوائل الصافيه ما مليت بالعكس كنت مستانسه و فرحانه بالعمليه

بس لما صرت بمرحل:eh_s(1): السوايل الثقيله من رابع يوم مليت و هي مدتها اسبوعين :eh_s(4):

لدرجة آخر 3 ايام فيها صرت ما آكل شي بس ماي و عصير مالي خلق حتى للشوربه و الروب و المهلبيه استغفر الله

انا الحين كملت شهر و بديت بالمهروس من 3 ايام و الله يعين

معدتي مو متقبله المهروس بسرعه تتعب من لقمتين :eh_s(2):

 

[rooza]

مساء الخير ياحلوين صار لى 5 يوم متكممه والحكدالله عمليت بالسبت ويوم الاثنين طلعت كتبلى الدكتور بس مشروب اومنسيف شراب وبروفين شراب مال الاطفال وكتب لى بنتوزول حبوب اول الصبح والحمدالله ربالعالمينتشجعت سويتها من كثر ماارقرا يومياتكم بنات كيف اتفادي اللوعه والخمول وبالنسبة للجرح لين الحين احس بنغزات فيه متى ابدي اممشي وكله نايمه ومااطلع من الغرفه خير شر اشرب عصير تفاح بدون سكر وماى الدياي وماء ومااحس شربي وايد اخاف اشرب حيل يستويى تسريب عشان جيه احاسب والدكتور كاتب ليى من الاسبوع الثانى ابتدي بالشوربات الثقيله وبعض صديقاتى مابدوا بالشوربات الثقيله واالعصاير الثجيله إلا بعد اسبوعين من العمليه شوروا على حبيباتى وربي ينولنا اللى فى بالنا

 

[توحه1]

رووزا
ابدي مشي ولو 10دقايق
حتى لو بصالة بيتكم
المهم تمشين وكل 10دقايق شربي ماي لمن تخلصين البطل
والشوربه والسوائل الثقيله من بعد الاسبوعين لا تبدين الحين
خلك على الخفيف والشفاف

 

[توحه1]

بنات
كم نزلتوا خلال شهر من العمليه

 

[شمرية مزيونة]

السلام عليكم الحمدالله سويت العملية وطلعت بسلامة صارلي 11 يوم من سويت العملية بس انا قعدت 6 أيام بالمستشفى انا فيني ربو والبنج تعبني وايد وسوتيها عند دكتوري المبدع فهد الأصفر ووقف معاي وايد تابع حالتي من عقب العملية والحمدالله ومستانسة وايد من نزولي

 

[توحه1]

حمدلله على السلامه شمريه مزيونه
وفالج الرشاقه بصحه وعافيه
والله يعدي هالايام على خير

 

[شمرية مزيونة]

تسلمين توحه فديتج

 

[توحه1]

يسلمج ربي من كل شر

 

[راعية الذيب]

استخيري ولاتحاتين سهالات ان شالله
رايت الذيب
ولاتقطين شي من اوراقج يمكن تسوينها عند دكتور ثاني انا جذي سويت وخلصة وستخرت وتضايقت
وكاني بعد ساعات بسويها باذن الله عند دكتور ثاني ومستشفى خاص

تسلمين يا الغاليه

اوراقي موجودين بملفي بدار الشفاء

 

[راعية الذيب]

انا زوجي كل اشوي يخوفني بالعمليه واهلي اغلبهم يقولون سويها

انا اجلت عمليتي لانه طلع انه قرحه بالمعده والتهاب بالاثني عشر وعطاني الدكتور عماد الحمر ادويه وقالي اجيه مره ثانيه

وانا عندي موعد عنده بتاريخ 2\4 وان شاء الله خير

وعمليتي ان شاء الله خليتها بتاريخ 6\4 عند الدكتور خالد العنزي

والله يستر