رابطة ما بعد التكميم ونزول الوزن

[لحظات عابره]

الله يعافيج مشرفتنا ماتقصرين حبيبتي. ..
بنات مدري شفيني اليوم أحس منهد حيلي وموقادره أوقف وجسمي في رعشه خفيفه. ..توقعون هبوط بالسكري ؟؟مدري شسوي أن شربت عصاير معدتي تعورني
وان شربت ماي أحس مافيني حيل أتحرك وكله طايحه والله أبتلشت شسوي

 

[Q8 fashion]

ما اشوفين شر انشالله لحظات

 

[Q8 fashion]

امس كليت سمبوسه جان معدتي تذبحني

 

[شهد-الكويت]

شهد ليش غيرتي الدكتور مو كنتِ بتسوينها عند الهيفي

انا مسويتها عند خالد ممتاز روعه شويه عليه

هلا وغلا اوووفه اشلونج انا بنت خالتي واختها عند الهيفي بس نزولهم بطيئ ورفيجاتي كلهم عند خالد العنزي مشالله كلهم يمدحونه قلت بسويها عنده اضمن وبس

 

[شهد-الكويت]

هلا سمسميه ولحظات عابره وكلكم حياكم الله وحياكم

 

[لحظات عابره]

ما اشوفين شر انشالله لحظات

هلا فشن. .الشر مايجيج ياقلبي. ..... دريبالج شلون تاكلين سنبوسه وأهيا ثقيله دريبالج على عمرج خلي الأكل بعدين لاحقين عليه أهم شي هالشهر ننزل نزول حلو. .وباقي الأشهر نمشي عالمهروس لين المعده أتعودت عالأكل. ... بس أنا مليت من العصاير مدري شسوي. .حولت عالفيمتو أحط عليه ثلج وأشربه كل نص ساعه أشرب لي 3 رشفات أحس أرتحت عليه

 

[لحظات عابره]

هلا شهوده شخبارج حبيبتي مايخالف لاتستعجلين عالعمليه أذا ربي أراد أنج تسوينها بيسهلها لج أن شالله الخيره فيما أختاره الله. .... أنا قعدت سنه ونص عشان أقنع أمي وزوجي والحمدالله ربج سهلها لي والحمدالله

 

[مذهلة 78]

هلا وغلاااااااااااا مذهله الله يسمع منج انشالله لاحقتكم اناااا بسويها عند خالد العنزي وبقنع ابوي لان رافض بساحله

الله يكتبلج اللي فيه الخير و انشالله ابوج يقتنع والافضل انج تاخذينه معاج عند الدكتور عشان يسمع منه ويطمن اكثر

 

[مذهلة 78]

الموضوع وايد حلو يعطيكم العافيه

الله يعافيج مشرفتنا ومشكوره عالتثبيت :eh_s(7):

 

[مذهلة 78]

الله يعافيج مشرفتنا ماتقصرين حبيبتي. ..
بنات مدري شفيني اليوم أحس منهد حيلي وموقادره أوقف وجسمي في رعشه خفيفه. ..توقعون هبوط بالسكري ؟؟مدري شسوي أن شربت عصاير معدتي تعورني
وان شربت ماي أحس مافيني حيل أتحرك وكله طايحه والله أبتلشت شسوي

حبيبتي هذي اعراض هبوط بالضغط انا كان صير فيني جذي وهالشي من قلة الاكل لان الكميه اختلفت عليج اذا يتلج هالحاله

شربي لبن او بسكوت مالح لو قرمه والا تحاتين فتره وتعدي كلنا مرينا بنفس هالمرحله وسلامات يالغاليه

 

[مذهلة 78]

امس كليت سمبوسه جان معدتي تذبحني

حبيبتي تو الناس على هالاكل الثقيل لا تجهدين المعده بهالفتره تو الناس لاحقه

 

[مذهلة 78]

هلا وغلا اوووفه اشلونج انا بنت خالتي واختها عند الهيفي بس نزولهم بطيئ ورفيجاتي كلهم عند خالد العنزي مشالله كلهم يمدحونه قلت بسويها عنده اضمن وبس

حبيبتي النزول مرتبط بالجسم نفسه وعندج مثلا اوفه سوتها عند العنزي وانا عند عبيد الحربي ونزلت قبلها وقبل العضوه ام منار الله يذكرها بالخير انا كنت تقريبا نازله فوق ال20 كيلوا واهي كانت تقريبا 5 كيلوات

يعني العمليه تفرق من جسم ليه جسم

 

[مذهلة 78]

بقولكم شغله تضحك

معانا وحده بالدوام ماشالله كانت حيل متيييينه والله بدون مبالغه جسمها نفس جسم
المرحومه الفنانه مريم الغضبان بالضبط

شفتها اليوم والله ما عرفتها من كثر ماهي ضعفانه وزنها ما يتعدى ال60يوم قتلها ماشالله صايره تهبلين جان تقولي ايي والله مسويه ريجيم قاسي هههههههههههه

طبعا مسويه تكميم والكل يدري وساكت بس اهي ما تقول

اي احد يسألها تقول ريجيم قاسي

 

[مذهلة 78]

بنات انا الدوره متأخره علي صارلها شهر ونص ورحت الطبيب وقالي لانج وزنج نازل وايد صايره عندج سماكه ببطانه الرحم ونتيجه التحاليل للحين ما طلعت

في احد صار معاه جذي

 

[شهد-الكويت]

قوه بنااات تعرفون دكتور محمد العجمي اشرايكم في منو مسويه عنده

 

[شهد-الكويت]

اب اب اب

 

[لحظات عابره]

هلا شهوده أنا عند الدكتور محمد. مشالله ماعليه خوش دكتور. ..وبالعكس لما تروحيله حتى كلامه يريحج يحسسج أن العمليه غزه أبره أذا بتروحين له أستخيري. .مافي أحسن من الأستخاره

 

[لحظات عابره]

حبيبتي هذي اعراض هبوط بالضغط انا كان صير فيني جذي وهالشي من قلة الاكل لان الكميه اختلفت عليج اذا يتلج هالحاله

شربي لبن او بسكوت مالح لو قرمه والا تحاتين فتره وتعدي كلنا مرينا بنفس هالمرحله وسلامات يالغاليه

مذهله والله ماقصرت شربت لبن وسويتلي شوربة
ماجي. .وشربت فيمتو الحمدالله جنه أحسن شوي عقب ماخذيت شور. .الله يعين أنشالله تعدي على خير هالمرحله. ..بس متى أقدر أشرب السوائل عادي مثل هالناس مشفوحه عالماي أبي أرتوي ؟؟؟؟؟
أقدر أشرب قهوه وموكا لأنه غرامي ماأستغنى عنهم

 

[لحظات عابره]

بقولكم شغله تضحك

معانا وحده بالدوام ماشالله كانت حيل متيييينه والله بدون مبالغه جسمها نفس جسم
المرحومه الفنانه مريم الغضبان بالضبط

شفتها اليوم والله ما عرفتها من كثر ماهي ضعفانه وزنها ما يتعدى ال60يوم قتلها ماشالله صايره تهبلين جان تقولي ايي والله مسويه ريجيم قاسي هههههههههههه

طبعا مسويه تكميم والكل يدري وساكت بس اهي ما تقول

اي احد يسألها تقول ريجيم قاسي

أمبيبببيه من صجج. .شتخش كل شي واضح ألحين أغلبيه بناتنا مسويات هالعمليه. ..حتى اللي مايعرف بهالسوالف تفتحت عيونه. ...عشان جذي أنا من يسؤلوني بدوامي أبفلص. .لأن كل شي واضح مايحتاج أجذب. ..عاد أنا صارلي شهرين من دوامي أجازه وبداوم 19 هالشهر يعني راح أجيهم كاشفه عمري. .بس ماأقول الا ربي يكفينا شرهالناس لأن كل شي يتفاجئون منه. ..والله خايفه على عمري ماني ناقصه تعب بعد... أبرقي نفسي قبل ماأدخل عليهم. العين حق والله

 

[الحور 1989]

اب اب اب