رابطة "دودات الكتب " .. حياكم

[روح كويتيه]

روووونه انا الحين اتدرب بالقبس وشغلي محليات تحديدا تغطيات اوضاع الانتخابات


بس والله وناسه

اي خدمه تبون انا حاضره

واذا تبين اسالج عن جرايد يبون انا حاضره

 

[.]

السلام..

شلونكم..

حبيبه نعيما وبالعافيه الروايات قراءه ممتعه ان شاءالله..

روووونه انا الحين اتدرب بالقبس وشغلي محليات تحديدا تغطيات اوضاع الانتخابات


بس والله وناسه

اي خدمه تبون انا حاضره

واذا تبين اسالج عن جرايد يبون انا حاضره

هلا روح..

انتي شنو تخصصج اقصد بالجامعه؟؟

ومشكوره..

موفقه يارب..

 

[Little_Queen]

روووووح .. منو كانو رفيجاتج ؟؟ يمكن أعرفهم مادام بالقبس انا اعرف عندكم نورة المليفي و محمد النبهان

محررين بالصفحة الثقافية ..

و هذا يأخذنا الى سؤالج الثاني بخصوص مجالي في الجريدة .... انا في الصفحة الثقافية بجريدة الوطن

-----------

رونة ..

شي انتي تحبينه .. وراضية عنه . و اهلج راضين .... شكو خايفة من النااااااااااااااس !!!!

من راقب الناس يا رونة مات هما ...

و ارضاء الناس غاية لا تدرك .. والله لو شتسوين المجتمع بينقد بينقد ! كيفهم بطقاق يطقهم طالما ما اغضب ربي ولا اهلي ... اهما شكو فيني ؟؟؟

و لا شو رأيك ؟؟؟؟؟؟؟؟؟؟؟؟؟؟ ...

----------------


حبيبة أمها ............... ليش هالسادية هذي و هالتعذيب نص الليل ؟؟؟ بروحها ريلي تعورررررني آآآآي أصابعي تعورنييييييي !!

---------------



المعرض اليوم كاااااااااااااان تحفة .. تححححححححححححححححححححححححححححححفة

وناااااااااااااااااااااااسة

معرض الكتاب المستعمل فعلا اجمل معرض كتاب مستعمل شفته في حياتي


كان فيه كتتتتتتتتتتتتب قييييييييمة و كتب ناااااااااااااادرة و قديمة والله كنوووووووووووووووز

اشتريت : كتاب النظرات للمنفلوطي .. 3 أجزاء

و اشتريت رواية : فسوق .. لعبده خال ..

و اشتريت رواية : عابر سرير .. أحلام مستغانمي

و اشتريت كتاب : التصوف الاسلامي !!!!!!!!!!!! ادري بتستغربون بس لأنه كلش ماعندي أي خلفية عن موضوع الصوفية و التصوف و الفن الصوفي .. ووايد اسمع عنه و بغيت اعرف شنو هالمنهج و شنو هالفكر ... و شكله الكتاب ممتع و مثير للفضول .. بس يبيله بااال و روااااق !


-----------


الله يسلمكم انا رحت الرابطة من 4 و نص ... قعدنا انا و عم احمد و ابنه العزيز علي سكرتارية الرابطة و تساعدنا بنرتب الطاولات و رصينا الكتب و الكراسي ..

معرض الكتاب المستعمل + حفلة التوقيع كانت في الحديقة مالت الرابطة و الجو كان يهبل


انا مسكت جناح حفلات التواقيع اليوم

و بصراحة كان اقبااااااااااااال مو طبيعي على رواية " خذها لا أريدها " لأستاذة ليلى العثمان ... اهي اكثر وحده باعت اليوم ماشالله

و هم بعد في المركز الثاني رواية : اليوم التالي لأمس ... لد.وليد الرجيب .... في المركز الثاني ...

و رواية حمد الحمد " زمن البوح " ، و " صمت يتمدد " لد.سليمان الشطي .... حلو في المركز الثالث


و هم بعد صمت الفراشات باعت وايد ...


المفاجأة انه د.عادل عبدالمغني المؤرخ المشهور كان موجود ويايب كتابين حقه : لبنان التي احببتها - كتاب كبير و كله صوووور و ذكريات قديمة ، و مجموعه قصصية ...

و وزعهم مجانا على الضيوووف مع اهداء منه


و داخل الرابطة سوينا ورشة قراءة قصص للأطفال للأديبة لطيفة بطي ... و عقبها سوت تطبيق حق الاطفال انهم يرسمون افكارهم حول القصة ...


و هم بعد كنا يايبين مخطوطات قديمة و أشياء اثرية متعلقه بالكتاب و مسوين كورنر صغيييروووووون لعرضها ...

و طبعا ما ننسى الندوة الاساسية الي شارك فيها أ.اسماعيل فهد اسماعيل الاديب المشهور ..



باختصار كان يوم وايد وايد حلو


و انشالله في الويكند اتمنى نشوفكم هناك ...


معرض الكتاب مستمر لحد يوووووووووووم السبت ...

و حياكم الله


و باجر انشالله رح انزل صور اليوم و الفصلات مالوتنا انا و ربعي !

 

[Little_Queen]

رونة .. ماذكر جم قصة حطيت. ..


بس للي ماشافت مدونتي من قبل و حابه تزورها حياها الله

www.little-kingdome.blogspot.com

فيها شوي من ابداعاتي بس اقرب الى الخواطر و الفضفضات ... مو ابداعاتي الحقيقية يعني انا مجالي في القصة القصيرة بفنية أكبر من الي موجوده في الموقع ..

يعني المدونة اولا و اخيرا مثل دفتر الشخابيط احب افضفض فيها و اسولف

 

[Little_Queen]

وين جوجو ؟؟؟؟؟؟؟؟؟؟؟

 

[.]

السلام عليكم..

شلونكم بنات؟؟

ليتل ..

الله كريم بشوف الوضع اقدم طبعا عقب ماستخير ..

و شكله اليوم ممتع اليوم رحت ذات السلاسل ماسكه نفسي ماابي اشتري شي لانه ناويه اروح معرضكم ان شاءالله..

اهو بس العصر؟؟

وناطرين الصور ..

مشكوره..

 

[.]

لتول ..

اهداء بسيط

http://www.q8yat.net/showthread.php?p=8923251

 

[بمبة المفترسة]

مساء الخيرات
شلونكم بنات وصبايااااااااا

ليتل كوين شكله المعرض كان وايد حلووووووووو بغيت اروح بس خفت يطلع مو حلووووووو شوقتيني
ومعرض الكتب المستعملة مستمر ؟؟؟؟ ولاا لاااااااا
وليلى العثمان كانت موجوودة ؟؟؟؟؟؟؟ ودي اشوفها اموت عليهاااااااا
وعادل العبد المغني اموت عليه حسافة طافني
وشلون اقدر اشارك بمعرض الكتب المستعملة عندي شكثر كتب؟؟؟

 

[حبيبه امها]

هلا دودات شلونكم ؟؟؟

نماين

الله ينعم عليج حبيبتي ومشكورة انج فكرتي فيني




لتووووووووووووووووووووووووول

انا شكو ؟؟؟؟؟؟؟؟؟؟؟ هذي نماين الي كاتتبة عن الريول انا شكو !!!!:lkmnkl:


يعطيج العافية على معرضكم ... انزين قوليلي حلوة رواية ليلى العثمان اليديدة ؟؟​

 

[Little_Queen]

نياهاهاهاها


ايييييييييييي المعرض كان حلووووووووووووووو
و شهادة رووونة و موضوعها و تغطيتها للمعرض أكبر دليل


عشان مره ثانية تسمعون كلاااامي لما أقولكم روحو انا لو حاسه و لو لذرة انه يفشل و مو شي ماكنت بعزمكم يا حلويييين و تاخذون فكره سيئة عن الرابطة ... ترى قاعده أدرس تسويق و اعرف هالسوالف و الدعايه و الاعلان


لا والله كان خوش معرض و عادل عبدالمغني يا بمبه كان قاعد يوزع اصداراته مجانااااا فديته !

كان موجود
و ليلى العثمان موجوده
و حمد الحمد
و وليد رجيب
و سليمان الشطي
و خالد سالم
و ليلى محمد صالح
و وااااااااااااااااااااااااااااااااااايد نااااااااااااااس والله

لطيفة بطي .. هدى الشوا ... سارة العتيقي ..
----------------
حبيبة :
اي اي نماااين الي كاتبه عن الريووول مو إنتيييي سوري النمرة غلللللط ..

و الله ليلحين ما قريتها تصدقين ؟؟ بقراها و اقولكم رأيي .. ... بس عاد مري المعرض لا تقولين ماكو وقت
---------------------

بمبة المفترسة ..


لا والله كان خوش معرض .. و رح يستمر لي يوم السبت

عندج اليوم الجمعة و باجر السبت بإذن الله ...

و بالنسبة للكتب المستعملة اهو للأسف انه المعرض خلاص بقاله يومين و ينتهي .. لو قايلتلي من قبل جان خذيتهم منج حطيتهم بالرابطة ...


بس عموما انتي يمعيهم لأنه في فكرة مستقبلية انه يكون معرض دائم للكتب المستعملة


------------


رونة !!! شكرا من كل قلبي والله

 

[.]

السلام عليكم..

ازيكم..

بالنسبه لقرااتي توني مبلشه باول روايه من رابطه وهي زمن البووح - تحولات ..

بكتب عنها تقرير ان شاءالله يطلع حلوو بس كالعاده شغلي كله ببلوقي المسكين خخخ..

ولتل لي خلصتها بقرا ظلي ..

والتغطيه حتى ببلووقي حطيتها تجربه تستحق التغطيه والنشر مو بس الذكر..

والعفوو ولو اختي كانت تدورج امس خخخخ..

 

[Bq]

ولكم باك رووونه
انشاء الله قرايه ممتعه لاتنسين تكتبيلنا عنهم
لتل أنتي مره حطيتي ورايه مالت حمد الحمد ما أذكر أسم الروايه بس في شخصيه وحده أعرفها أسمها ساره وعندها رفيجه حيل معاه بعدين اتسافر مع ريلها ......... شنو اسمهااا؟؟

 

[.]

هلا دمعه..

اي ان شاءالله كل اكتب عن قراءتي..

القصه بتليقف بعد اذن لتل << لقافه يديده خخخ ..

اسمها زمن البوح - تحولات..

ومرسوو

 

[Bq]

لالالالالا عادي عادي أطوف أطوف لوووووووووول

تسلمين روونه

 

[طوق البنفسج]

ليتل كوين ..

روايه فسوق حلووه .. انا توني باديه فيها وصلت الفصل ال 7 اتونس حلوه فكرتها

و بسالج عن رابطه الادباء ايصير اني مستمعين من غير مانقدم شي .. وين مكانكم انا جنه اعرف انهب العديليله بس وين بالضبط مادري

 

[Little_Queen]

شكرا على اللقافة رونه يعطيج العافية خيتو )


و اي صح اسمها زمن البوح التحولات

ادام الله لنا لقافتج الجميلة يا رونة
-------------

دمعة ... خلاص رونة جاوبت السؤال و انا كررت الاجابة ...

--------

طوق البنفسج ... والله الوالدة خمطتها من الكيس و بدت تقراها .. فليلحين ما قرأتها و مارح اقراها الا عقب ما الوالدة تخلصها !

ودي أبلش بكتاب التصوف الاسلامي !!!!!!!!!!! مادري شفيني معلقه على هالكتاب بس احسه قيم و فيه معلومات عن عالم غامض انا ماعرف عنه ولاااااااااااااااا نقطة ! خصوصا ان هالمنهجية هذي صارت في الفلسفة و في الشعر و الادب بشكل عام و مادري انا مو فاهمتها ابدا و لا عارفه عنها ولا شي ...

بس الكتاب متييييييييييييييين شكله يخرع

و رابطتنا الله يسلمج بالعديلية قطعه 4 ، بجانب نادي كاظمة الرياضي ، جبالنا أكو كبابجي و البنك الوطني ...

و احنا يم رابطة الاجتماعيين ، و هم بعد يم جمعيه الرعاية الاسلامية <<<<<<<< الي ليلحين مادري شنو وظيفتها بالظبط ... بس فيها دوااارف و يهال ! الظاهر والله اعلم انها حضانه


مكاننا سهل كلش كلش


و حياج الله عاااادي اتيين مستمعه و العين اوسعلج من المكااان


و انشالله رح يكون عندنا جلسة يوم الاثنين القادم ... الساعه 7 ، كجلسة لمنتدى المبدعين الجدد

و هم بعد رح يكون اكو ندوة عن الانتخابات ...

فحياج الله اذا حابه تحضرين الندوة ...


و حياج الله أكثر اذا حابه تحضرين منتدى المبدعين و تسمعين قصصنا و أشعارنا

 

[Bq]

لتل بالرابطة يبيعون كتب أشعار <<<<< سؤال غبي
بس والله ماأدري ولا مره رايحتلها وجرير ولا مره صادفه كتب عن الأشعار والخواطر مشتهي أشترى

 

[Little_Queen]

دمعة غلا ............



اكيد يبيعون دواوين شعر عيل شحقه اسمها رابطة ادباء ؟؟؟

فيها الشعر و فيها القصة القصيرة و فيها الرواية ..

تعالو على طاري الشعر ...

احد منكم قاري شي من قصايد : حبيبي و قلبي و نور عيني والله اني احبه " بس هالمره من طرفين مو طرف واحد "

استاذي حبيبي علي السبتي ؟؟؟

 

[Little_Queen]

طبعا علي السبتي تاريخ كبير من العراقه و الاصالة الشعرية ...


امممممممم ... اذا اردتم الاستماع لشئ من شعره ... فاسمعو اغنية " شوقي إليك " لعبدالله الرويشد .. هو كاتب كلماتها ، و الموسيقار الكبير غنام الديكان هو ملحنها ...

هذه بعض الابيات ...

شوقي إليك كشوق الطير للشجر
أو شوق ناشفة الاعراق للمطر


ماذا لو ان سلاما عبر بارقة ..
او هاتفا منك وافاني على حذر؟


كيف اصطباري و ما في العمر متسع
و الحب يكبر في خل مع الكبر


و هاجس خلل الاحلام يفزعني
يحيل ليلي سرابا آه من الكدر

--------------------

تاريخ ميلاده من:1935 ميلادي

ـ على حسين السبتي
ـ ولد في الكويت عام 1935 وتعلم في مدراسها
ـ عمل مديرا عاما لمؤسسى أهلية ورئيسا لتحرير مجلة اليقظة
ـ دواوينة الشعرية بيت من نجوم الصيف 1969 اشعار في الهواء الطلق " 1980 وعادت الاشعار 1997

" منقول من موقع جائزة عبدالعزيز البابطين "
------------

و هذي بعض الابيات من قصيدة مشهورة له بعنوان " دع عنك " ..

دع عنك
علي السبتي

دعْ عنكَ ما في الأمرِ من سرِّ
أوَ ما عرفتَ مسالِكَ الأمرِ؟


فعلامَ تخشى.. من مُماطلةٍ
في كلِّ وعدٍ لونُها يُغري؟


قاومْ جراحَك فالدُّنا عجبٌ
إلا عليكَ.. السرُّ كالجهر


يا صاحبي والهمُّ يجمعُنا
دعني أبثّكَ لاعجاً يَفري


أنا ما شكوتُ لغير ذي ثقةٍ
حمَّلْتُهُ ما ضَجَّ في صدري


فاحمِلْ إلى بلدٍ وصيّةَ مَن
لولا المنى لاندسَّ في القبر


كُلُّ العروقِ تفجّرتْ غضباً
حتى عروقُ الشِّعْر في شِعْري

----------


و طحت لكم على كنزززززز .. كننننننننزززززززززززز


http://alialsabti.com/


هذا الموقع لإصدار صوتي غير مخصص للبيع ، و كان للاهداء فقط من الشاعر نفسه ...

و من نعمة الله ان رزقني رؤيته في ذلك اليوم لأحصل على نسخه منه ..

ارجو ان تستمتعو بسماع القصائد ...

شخصيا أفضل قصيدة :حديث مع إمرأة من بلور ...


فاسمعووووها و قولوا لي آرائكم ..

و أيضا قصيدة الشرايين الصدئة ..

 

[حبيبه امها]

هلا دودات شلونكم ؟؟؟

انا خلصت االقصة الثانية الي بكتاب ورود ملونة _ واسم القصة رحلة صمود
اعجبتني لانها قصة حقيقة كاتبتها صاحبتها ودازتها للكاتبة علياء الكاظمي ...


ودي ابلش زمن البوح - التحولات ... ها رونة معاي ؟؟؟ نبلش يميع

ويوم الخميس رحت ترفاليو اليديد زيادين الارفف الخاصة بالكتب في مجموعه بسيطة شريت كتاب واحد
تشي غيفارا - نهاية بطل وميلاد اسطورة ...
هم ودي ابلش فيه وراح اقولكم عنه ...


طوق البنفسج

انا قريت فسوق حلوة اعجبتني وكتبت عنها اهني ... بس احذرج فيها جراة ​