رابطة أمهات رابعة وخامسة....تعالو نآزر بعض بهالفترة لي نهاية الامتحانات

[manarah]

الله يوفق اعيالكم ينات ويفرحكم فيهم .. ماعندي احد بهالمرحلتين بس وانا اقرى موضوعم احس بطني قام يعورني من الخرعه صج الله يعين هاليهال ... موفقين انشالله

 

[الدلال]

ولدي اليووم مسكين نام واهو يبجي :eh_s(16):

تعب من كثر من الدراسه وهذا وانا من امس مدرسته جم فصل

بس العلووم وااايد ومعلووماته دسمه

بس للحين مو قادر يركز,, وقلبه مع اللعب, ويوم شاف الوقت خلص وماقدر يلعب نام واهو يبجي

خنت حيلي والله

وحسبي الله على من حط قرارهالامتحانات حق راابعه,, والله ماله داعي الكتاب كاامل :eh_s(2):

 

[um fawaz]

الله يوفقهم يارب .. بس انا ودي اعرف اشلون ندرس الورقه الاولى والثانيه انجليزي ؟؟!!!!
شلون الطريقة وشنو ندرس بالضبط

 

[سبائك]

بنات ترى اكتشفت ان التدريس حاف بدون تطبيق واسئله من امتحانات سابقه ولااااااا شي

تخيلو درست ولدي ولما عطيته امتحان يحله خربط فيه تخربط مو طبيعي

استعينو بامتحانات سابقه الي تحطهم ام عبود الله يجزاها خير
وكتب جمعية المعلمين
وامتحانات وزارة التربيه الي بموقعهم
والي تقدرون توفرونه من امتحانات سابقه واااااااااايد ينفعون

وبالتوفيق يارب

 

[مــسـك]

الحمدلله

درست ولدي من الساعه اربعه الى ثمانيه

واخذ فاصل الساعه خمس ونص بس نص ساعه ورجعنا كملنا

اوراق مراجعه من مدرسته بس مو محلول

وهو يحل وانا اراجع واشوف صح ولالا

الله يوفقها ويسهل عليها وفرت على وقت وايد

بس جننتني هالقسمه المطوله

قلت يمه خلها مسالة القسمه لا تحلها

قال عليها اربع درجات مادري عنده سالفه ولا يبي يخرعني هالصبي

نايم فديته

والله يوفقهم ويسهل عليهم

 

[أمواج البحر]

ولدي اسم الله عليه ممتاز و ذكي

وبعد قلبي يومين و اهو يدرس و شاد حيله وما تأفف ولا اشتكى

اليوم قاعده اراجع معاه ... اقوله اذكر المجموعات الغذائيه و اذكر مثال لكل منها

يقولي شنو يعني مثال!!!!! بس لما شرحت له عرف وجاوب

ياربي لبش مو موضحين حق اليهااااااااااااااااال

والله حرام عليهم ... مو مشكله قلنا شدووو عليهم بالدراسه بس مو لدرجة امتحانات فاينل

يااااااااااااااااربي يااااااااااااااااحبيبي يوفق عياااالنا

 

[كما تدين تدان]

يارب توفق ابنيتي وعيالكم 000والله آنا مكتئبة ولاعت جبدي يومين ندرس العلوم آنا وبنتي 00الله يعين على الباجي00

 

[أمواج البحر]

وديته الامتحان وقلبي مقموت وخانقتني العبره

ياارب توفقهم و تسهل امورهم

 

[سبائك]

واي امواج انا جذي يايتني حالة قلق ومعدتي تعورني تذكرت ايام الامتحانات

 

[أمواج البحر]

ولدي حبيبي يقول الامتحان سهل الحمدلله

ويقول تقريبا كل الاسئله متأكد من اجوبتها

 

[ضحكة الدنيا]

وانا بعد قلبى قامتنى اليوم فعلا عيشونا جو الامتحانات
بس احاول ماابين حق عيالى علشان مااخرعهم من الامتحانات
عاد بنتى على طريف

 

[ضحكة الدنيا]

الله يوفقهم يارب .. بس انا ودي اعرف اشلون ندرس الورقه الاولى والثانيه انجليزي ؟؟!!!!
شلون الطريقة وشنو ندرس بالضبط

وانا بعد بعرف شلون

 

[شهد_77]

انا ولدي رجع وكان عليهم امتحان اللغه العربيه الورقه الاولى وياي مستانس يقول الامتحان وايد سهل وحليته عدل الله يوفقه وويفوق عيالكم اجمعين يارب ويوم الاحد الورقه الثانيه بس ماني عارفه بالضبط شنو ادرسه يعني القواعد والدروس ولا شنو بالضبط مادري

 

[الدلال]

اليوم ولدي امتحن علووم واهو براابعه يقوول ان الامتحان 6 او 7 صفحات اعتقد, لان ولدي مضيع من كثر مادرس امس

ويقوول ان الامتحان سهل بس مايندرى عنه , والله يسهل عليهم ياارب

 

[أم عبووووود]

السلام عليكم ورحمة الله وبركاته

حبيباتي صح كلام اختي سبائك والله الامتحانات اللي انا احطها والراجعات وااااااايد مفيدة

اليوم عبوووودي ربي يحفظه ويكافيه الشر امتحن امتحان العلوم يقول الامتحان سهل وصعب وهو من 6 اوراق غير الورقة الاولى اعتقد يكتبون فيها الدرجات بس والله لا تشوفوني الصبح شكلي انا اللي بامتحن ما ارتحت الا ما دق عليي بالدوام وقال يمه خلصت وبعد عمري الوكيلة والاخصاية يزاهم الله خير مارين عليهم وقايلين لهم لاتخافون انتو شطار والامتحان سهل ومعطينهم ماي ياعمري وليدي يقول يمه نشف ريجي وانا بالامتحان

يالله ربي يوفق عيالنا ونشوفهم من المتفوقين بالدين والاخلاق والعلم

 

[أم عبووووود]

بالنسبة للانجليزي دزوا مع عبوووود ورقة هذا اللي فيها بالضبط ولدي بمدرسة الشايع
الورقة الاولى : دراسة الكتاب من unit one حتى نهاية الكتاب +اوراق العمل والمذكرة

الورقة الثانية تعبير /استيعاب/خط/ترقيم/ورقة الاملاء
*ملحوظة : يدرس الطالب الكتاب كاملا مع اوراق العمل في يومين الامتحان الاحد 18/1/2009 والاثنين 19/1/2009

يعني انتو درسوا كل شي كل يوم والله يوفق عبووود وعيالكم

 

[سبائك]

يالله يارب تفتح على بصيرة عيالنا وتوفقهم وتسهل عليهم الامتحانات

بعد قلبي ام عبود والله العظيم توني قاعده اسال ولدي شنو بيعطونكم بالورقة الاولى وشنو بالورقه الثانيه؟؟

انزين العربي شنو الورقه الاولى وشنو الثانيه؟؟

 

[^SwEeTa^]

السلام عليكم

اشلونكم يا أمهات

الله يوفق عيالكم

بالنسبة حق رابعة اللي امتحنوا علوم اليوم (منطقة حولي التعليمية)

شنو سووا عيالكم؟؟؟

انا مدرسة علوم .. بس هلكنا و احنا نصلح .. الامتحان صح طويل لكنه حلو لا تحاتون .. تصدقون ما طلعنا إلا الساعة 3:15 من المدرسة

على فكره .. ترى احنا نحاتي عيالكم أكثر منكم .. ما شفتوا أشكالنا و احنا نطل من باب غرفتنا ندور خبر عن البنات و اهم بالامتحان!! :eh_s(1):

و الله ان قلوبنا تتراقع أكثر من البنات .. جنه احنا اللي نمتحن مو اهم!! :050103nbh_prv:

و يوم طق الجرس رحنا ركضه عند باب اللجنه نشوف أشكال البنات!!:ada: ودنا نعرف شنو مسوين

الله يوفق الكل .. و يسهل على عيالنا يا رب :yaaaaaarb:

 

[الدلال]

الله يعطيكم العافيه وهم بعد انتوا الله يعينكم

ويارب تمر ايام الامتحانات بسرعه ونخلص ونفتك

 

[math2020]

انشالله ما ايضيع تعبنا وتعب اعيالنا وبالتوفيق لللجميع انشالله