رابطة أمهات رابعة وخامسة....تعالو نآزر بعض بهالفترة لي نهاية الامتحانات

[سبائك]

السلام عليكم


شلونكم امهات

بصراحه انا من اليوم بدتني قمتة القلب وضيقة الخلق وأحاول أتهرب من تدريس ولدي بدخول المنتدى<<<اذا شفتوني طولت بالمنتدى عرفو انها فترة الامتحانات

قلت ببتدي معاه مراجعه من اليوم ما بقى شي على الامتحانات خاصه انها بتكون من اووووووووووول الكتاب((الله المستعان))

وبس ناديته علشان نبتدي واهو يبتدع لي انواع الاستراحات والحيل علشان ما يدرس......وبين وبينكم انا بعد مالي خلق عوار قلب

وطبعا اخوانه الي اصغر منه يبدعون بالمقاطعات الي تخرب علي حبل افكاري فبسرعه امل واقط الكتاب

الحين شلون الطريقه؟؟

شبتدي فيه احس اني متدووووودهه مو عارفه شبدي فيه شخلي شلووووون؟

 

[Me too]

الله يكون في العون انا من رايي تبتدين معاه بالمواد اللي تبي حفظ مثل العربي اذا صف خامس حفظيه القصائد المقرره وهي ابتهال وعلم الكويت والمسجد وايات من سوره ابراهيم والدين الاحاديث المقرره والرياضيات راجعي معاه جدول الضرب علشان تخففين عليج وقت الامتحان

 

[F.A]

انا بديت مع ولدى بالعلوم لأن أسهل شى وقعدت أراجع معاه القرأن الكريم من البداية لان الأبله قالتله انسوى قرعه وانت الورقه اللى تسحبها فيها السوره اللى بتسمعها
والله يستر

 

[q879]

انا بعد عندي رابعة وخامسة بس الي برابعة لازم ادرسه لانه يبيلها مجابل وبديت معها حفظ القران مع جدول الضرب

 

[سبائك]

ان شاءالله اليوم بخليه مراجعه للقرآن وجدول الضرب والله المستعان

 

[برونزيه شقرا]

اللع يعيينا عليهم
شكلهم كل شي تبخر من راسسسسسسسسسسسسسسسهم

 

[أم عبد العزيز]

أنا ولدي برابع مطلع عيني رافع شعار لا للدراسة معور قلبي
:krkrkr:
ما أدري شنو أسوي معاه لكن ببتدي معاه بالسهل والله يعينا

 

[سبائك]

واي استغفر الله ما ادري ليش اذا فكرت ادرس ولدي تييني النومة

 

[سلطـ زمانها ــانة]

اللللللله يعيييييينكم ويوووووووفقهم يااااااارب

شدوا حيلكم فترة وتعدي ان شاءالله

 

[math2020]

حبايبي لا اتغثونهم بالدراسة خلو حق كل يوم مادة احسن سوي جدول فيه الايام مع المادة اجذي راح يسهل عليكم علشان ليه يه يوم الامتحان بس اتصير مراجعة سريعة والله ايوفق اعيالنا

 

[سبائك]

تصدقون من الساعة 7 ناديته قلت له تعال ادرس عندي بالدار قال لي يمة بشوف فضة قلبها ابيض قلت له اول ماتخلص تعال

خلصت جان يقول لي في برنامج قصيييييير بس اشوفة وايي قلت انزين

خلص البرنامج الاخ طااااااااف ما يا

رحت قطيت عليه جم كلمة بالعضل

ياني عقب مده قال يمة وين الكتاب الي بدرس فيه قلت له روح ييب لك قلم ومساحة وهذا ويه الضيف راح و لي الحين ما رد!!!!!!!!

شغبر بعمري بنات!!!!!!

 

[السنعة2]

سبائك لا تعليق

الله يعينكم ويعيننا وياكم

 

[سبائك]

آآآآآمين يالسنعة

توه ياني يقول لي يما انا خايف من الامتحانات!!!!!!<<<وايد واضح الخوف!!!!

 

[um fawaz]

الامتحانات تبدي تاريخ 15-1 .. بالله شلون بندرسهم من اول الكتاب لي اخرة والله حرااام عليهم يهال هذيله ...
انا ما بيط جبدي الا كتاب الوطنيه احس ماله داعي هالمادة اجتماعيات وخلاص وطنيه من وين اطلعت لنا بعد لا وكلها حفظ انا احفظ عمري اول بعدين احفظه .. ولدي برابعة المشكله جان زين يعطونهم عطله جم يوم نفس المتوسطه نراجع لهم

 

[فديتج]

واايييييييييي ذكرتونييييي حدي كتأبت:0bee2e8d89:ومالي خلق أدرس
الله يعينا على هلفتره نحاتيها أكثر منهم وأنا بعد بزوده وقت الامتحان أوديه الصبح المدرسه
بطني يعورني جنه انا الي بمتحن وهو ولا علبااااال طااااااف الله يهديهم ويصلحهم:bbbiu:

 

[أوركيد]

سبووج ..حبيبتي شلوونج..:33_1185028183:

ولهانه عليج ...ويوم شفت موضوعج ..إلا ملامس لعوار قلبي <<< حلوة ملامس مو ؟؟؟

آنا ولدي اللي بخامس ..على صووب بدون تعليق ..ماابي احش فيه :eh_s(14):

وأكثر شي مينني ..التربيه الوطنية <<ما يحب الحفظ

عذااااااااب ..واهم ولا بالبااال ...طناااش
:016:

اقووول ...

ما ودج عقب الحرب ماتنتهي ترفهين عن نفسج ؟؟:ggdw:

 

[سبائك]

واااااااااااي اوركيد ويييييييييينج تعالي اشكيلج وتبجين لي ههههههههه

انا اقول شرايج نرفه عن نفسننا قبل الامتحانات واثنائها وعقبها؟؟ لووووووول

الله يخليج شدي من أزري على طول طلي بهالموضوع وعطيني لمحة أمل تكفين

 

[جولي لولي]

واااااااااااااااااااااااي ضيقة خلق لنا

شحاااااااااااال عيااااااالنا

ولدي برابعه ابتدائي

ماادري شلوووووون ادرسه حدي حايسه ومتدوده

يااااااااااااارب يوفقهم

وحسبي الله ونعم الوكيل

 

[mooomooo]

السلااااام لاحلى سبكهاوه


اشلونج يا قلبي ؟

والله يعينج ويعينكم اجمعيين

اللي صدمني حماتي ولدها برابعه بعد قايلتلها المدرسه ان الامتحانات من الوزااارة

الله يسهل عليكم

انتي خصصي كل يوم ماده عشان ترتاحين

 

[math2020]

انا عند اقتراح كل الردود وتعليقات الامهات فيها الياس والانهيار من التدريس
خل نقترح اقتراحات ايجابية بدال ما انضيع وقت بالقيل والقال
انا راح اقترح اقتراح ان كل يوم مادة ولا اتخوفون اليهال من الامتحاااان كل امتحان اخاف خريج ثانوية عامة:eh_s(14): على شنو كالهالتخرع
انشالله باجر راح ابدي اراج مادة الاجتماعيات حق الي في رابعة وعلوم حق الي في خامسة
والي عندها اقتراح خل اضيفة علشان الكل يستفيد
وبالتوفيق للجميع:ggdw: