رااااسي بينفجر لحقوني عفيه

[[[ عيون جابر ]]]

السلام عليكم
شلونكم بنات
:eh_s(2):


انا الحين بالاسبوع ال13 ودكتوري قالي وقفي الفوليك اسيد والدوفستون وبلشي برجنا بلان ، بنات من اخذهم يحوشني صداع مزمن اربط راسي من العوار هذا رابع يوم لي وانا اخذهم بموت من الصداع موراضي يخف
انتو جذي ولا انا فيني شي غلط !؟؟؟؟؟:eh_s(2):

 

[بدوية بملامح كشميرية 86]

سلامة راسج
والله يعون عليج ياارب
اكيد الحبوب ماصحلوا لج
روحي لدكتورج يغيرهم
وربي يسعدج وتقر عينج بشوفة ضناااج

 

[cute_batoota]

راجعي دكتورج لان اهما ما يسوون جذيه بس يمكن مو موالمينج اغيرلج ياهم احسن ولا العذاب الله يسهل عليج يارب

 

[[[ عيون جابر ]]]

يعني العله فيني طلعت
مراجعتي اليايه بعد اسبوعين بقوله عن الصداع

 

[تعبت اشكي =(]

انا نفسج بموت من الصداااااااع مادري من شنوو وياكثر الي اكله من ادويه

 

[نحوله عسوله]

لا تاكلينهم يمكن امأثرين عليج

مع انه انا استخدمهم ماسببوا لي صداع الحمدالله بس فرق بين كل وحده وحده

وقفيهم وخلي الدكتوره تغيرهم لج

 

[keeekaaa]

انا بعد بالاسبوع التاسع بس انا لي الحين بالفوليك اسيد بموت من الصداع احس عيني تنبض جنها
بتطلع من مكانها والله امس كله قاعده بظلمه و منسدحه و نايمه ولا تحركت
كليت بندول ازرق المغرب و بليل تخيلي وانا نايمه احس بالعوار الللللله يعينج حاسه فيج
بس يمكن الحبوب موزينه لج لانه جسمج مو محتاج هالفيتامينات و انا قريت انه لما يرتفع هرمون
الحمل يسبب صداع والدم يرتفع بنسبة ٤٥٪ الى ٥٠٪ بالجسم فا يزيد تدفق الدم بالاورده عن حجمها
المعين مما يسبب الصداع
الله يشفيج و يتمم عليج و على كل حامل ان شاءالله

 

[ورد الطايف]

راجعي لدكتوره وخليها توصف لج غيرها

الله سهل عليج

 

[المها الابيض]

انا اللي اعرفه انه يسبب امساك بس صداع مادري
راجعي الدكتور ليش تنطرين نوعدج وخليه يغيرهم لج

 

[ام ساره 4]

أنا آخذهم ما سببولي صداع يمكن في سبب ثاني للصداع سويتي تحاليل يمكن فيج نقص حديد بس ضروري تراجعين الطبيب

 

[@ام يوسف@]

انا اكلهم ماسببوا لي شئ اعتقد ما يناسبونج او ضغطج مرتفع راجعي الدكتوره

 

[أأأميرة الورد]

الله يشافيج حبووووبه

 

["*آآآنؤؤؤقهـ*"]

لازم تراجعين طبيب. اي في شي غلط

ماتشوفين شر

 

[قمري]

الفوليك اسيد يتخذونه لين الشهر الثالث وعموما الصداع اتوقع من النساة لان انا بهالمرحله دايما اكون مصدعه ومارتاح لين ارتفع شوي

 

[sa.rona]

ببجري الصداع استمر معاي 4 شهور وكان صداااع اه واااي مو طبيعي اربط راسي واضغط يعني اربطه حيييل
وحالتي حاله ضعفت حيييل وتعبت نفسيا واكل ما اكل
وكنت اراجع عند خاص وقال هذا عادي في بعض الحوامل يحوشهم صداع وبعدها رحت للحكومه ابي اتأكد لانه شي مو طبيعي وكلامه نفس الكلام
والله يعينج ويتمم عليج ع خير

 

[عنووشه]

راجعي دكتورتج احسن لانه ماناسبتج الحبوووب

 

[alsn3aa]

انا بعد اكل هالحبوب بس للحين اكل فوليك وحايشني صداع بس مو على طوول لا على فترات واكثر شي من المغرب وورا اوف صداع مو طبيعي والم ناحية الكلا عندي ذذبحني بس ما قلت لدكتورتي

 

[[[ عيون جابر ]]]

صداع براسي والم بعيوني تخيلو
وكنت مسويه تحليل دم من اسبوعين والدكتور قالي دمج وايد زين ومافيج سكر ولا شي
والصداع يحوشني حزة المغرب ليما انام يلازمني
راح ارااجع الطبيب مره ثانيه مع زوجي منها اشوف جنس البيبي ومنها اكلمه عن الصداع هذا

مشكوووورين بنااااااات

 

[جمالي خيالي]

الصداع مو من البريجنابلان

كان المفروض توقفين الدوفاستون تدريجي مو فجأه! واتوقع هذا سبب الصداع جسمج تعود عليه ووقفتيه فجأه

اذا كنتي تاخذينه مرتين باليوم تخففيته لي مره باليوم لمده اسبوع تالي يوم وترك لمده اسبوع لين توقفينه

وعالعموم الصداع بالحمل شي طبيعي الله ياجرج ويخفف عنج

 

[ام الحلوااات]

راااجــــــــــعـــــــــــي دكـــتــــــــــورتــــج ومــــــا تــــشــــــــوفـــيــــن شــــــــــــر ان شـــــــــآء اللــــــــــــه