!!{ رئيس محكمة مصرية: الإعدام في انتظار مبارك}!!

[أنوار العشق]

حسني مبارك كان زين بس الحكم طغاه والفلوس أعمت عيني
أنا مو مصريه بس شفت مثل ماشافوا الناس شلون زور المجلس الوزاري وزور مجلس الشعب يعني مايقارب 500 عضو مزورهم عشان شهر 9 الجاي يورث أبنه الحكم !!

 

[soso.]

وسياسته مع اسرائيل كانت احلى واحلى:eh_s(7):

صح سياسته مع اسرائيل مو زينة بس يفضل ان سياسة الحكومة اليديده مع ايران تكون نفس سياسة مبارك معاهم وبعدين ترى اسرائيل وايران اثنيناتهم يشكلون خطر علينا وكلهم يحاولون يحتلون بلدانا الله يكافينا شرهم يعني ماكو فايده من الحكومة اليديده إذا صارت ضد إسرائيل وحسنت علاقاتها مع ايران المفروض تكون سياساتها نفس الشي مع الدولتين :bbbiu:

​

 

[فخر البداوه]

اللهم لا شماااااته .. كان وين وصار وين .؟؟؟؟؟؟؟؟؟؟

 

[اشتاق الى ربي]

ارحموا عزيز قوم ذل .. مصر ماراح ترجع نفس قبل ابدا من بعد حسني مبارك ..
انا ضده ولكن بقول كلمة حق مصر اللي ضيعها جمال من عقب ماطاح ابوه مريض ..
اللي تسبب في كل هذا جمال ومو حسني افهموا يا بنات ..
وهذا اللي تبيه أمريكا وايران ان حسني يطيح وفعلا طاح والله يستر من اللي جاي وبتشوفون ..
والله يرزق مصر البطانه الصالحه التي تعينهم على الحق .. ويجعلها بلد أمن وأمان

 

[الباحثات عن الجمال]

لا حول ولا قوة إلا بالله.

 

[أحبه موت]

كل ظالم له نهاية وان شاءالله يكون عبره حق غيره​

 

[فالنتينو]

حرام يكسر الخاطر مو نحوه خلاص ويشيبون بعد

 

[بنت اوسكو]

رغم انه يعجبني في حكمته الخارجيه وشلون كان له دور كبير في تقريب وجهات النظر العربيه

بس مع شعبه الظاهر ينطبق عليه مثل باب النجار مخلع​

 

[شفايف كرزيه]

الله يكفينا الشررر
الطمع شييييييييييين

 

[Killer^Girl]

حرام

 

[بكيزة الدرملي]

أعوذ بالله شو هالتشاؤم عند بعضكن
فال الله ولا فالكن
ان شاء الله مصر ترجع لعصرها الذهبي
يقولون أحسن شي ما يجي الا بعد أسوأ شي
و عدم الاستقرار في مصر شيء طبيعي جدا جدا جدا
وايد دول و شعوب مرت الي مرت فيه مصر و شوفوها الحين
في ألمانيا اتذبح عشر الاف شخص أيام جدار برلين
شوفوا ألمانيا الحين و غيرها وغيرها

تفاؤلوا و خلكم واقعيين
الحرية لها ثمن و الحمدلله أعداد الي دفع ثمنه عشانها في مصر يعتبر قليل بالنسبة لغيرها

 

[MiSsY HottY]

ما يستاهل حسني

ماشاء الله اشوف الكل هني عليه

مع انه موفقه معانا مشرف لاتقولون بفلوسنا لا ياقلبي اهو من اول من استنكر الغزو و الشعب اللي اللحين تدافعون عنهم اغلبهم كانو مع صدام

بس للاسف اغلبا صار ناكر للجميل

اشفيكم بنات اصحووو شنو يعني وقف معانا لو دولة فقيرة جان ما وقف ماسكين هالكلمة وقف وقف حمدالله والشكر عميل اسرائيل اسرائيل اللي محتلة القدس صباح الخير بالليلللللللللللل نسيتوا لما صك الحدود والمصريين تظاهروا شفيكم صج اللي ايده بالماي مو نفس اللي ايده بالنار

 

[نسمات 26]

كل ظالم وله يوم وعقبال الباقي

لازم يتحاسب ما قصر في المصريين المساكين وهالدماء الي نزفت تروح جذي من غير حساب

ولازم نتفاءل ان شاء الله مصر الجايه احسن واحسن وأحنا بعيدين عن التشاؤم

وإلي يده بالماي مو مثل الي يده بالنار

 

[MiSsY HottY]

واللي قالت انه جمال اهوا السبب ارفعلج القبعه بنات ترا جمال من ابوه مرض بدا لعب بالفلوس من يومهم مجرمين ولا نسيتوا لما كسروا ظهر شريهان احس فيه بنات ما يعرفون شي بالسياسه شوفوا اولاد شوارع شكثرهم مصر ما كان عندهم اولاد شوارع اول وحمدالله وضعهم كان زين من متوسط لين غني بس من بعد مبارك وضع بدا يسوء بالتدريج وعمته الفلوس والثروة اهوا والحزب الوطني كله عشان جي ما عندهم الا فئتين الغني والفقير والفئه المتوسطة اهيا اللي اهلها يشتغلون بالكويت والخليج وبرا عرفتواااا

والخبله هذي غاده عبدالرازق وجم فنان وقفوا مع الحزب الوطني من مصلحتهم لنه يظبطونهم بالفلوس واهما يروحون لهم حفلات وخياس وعلاقات ووساخهههههههههه فهمتوووووووووا​

 

[taybaa]

لكل ظالم يوم

 

[وصال 86]

صج مصاروه

طول هالسنين يمحونه واحنا نحبه واهوا قائدنا والريس والريس وياويلج اذا ذميتيه
الحين صار كخه

ياغاليه قصدك صج مصريين​

وحبيت اوضحلك شئ مدح وسائل الإعلام شئ ومدح الشعب شي ثاني وإلا ماكان القنوات الليبية تمدح القذافي حتى الان لأنه مازال قائدا عليهم وبعد خلعه بتشوفي الوجه الاخر من الإعلام كذلك في مصر اللي تمدح وسائل الإعلام والأفلام والمسلسلات
اما الشعب موقفه معروف​

واحب برضه اقول للبنات اللي تقول ارحموا عزيز قوم زل
سؤال:ليه ماقولتوا الكلام ده في إعدام صدام؟؟؟
عارفين ليه لأنه اذاكم وكذلك مبارك احنا كمصريين تأذينا منه
كل جريمه في مصر هو كان ورائها ولكن مايظهر ابدا في الصورة والراجل الكبير اللي بتقولوا عليه ده واعي لكل شئ لأخر لحظة واسمعوا تسجلات خطاباته غير انه كان بيأسس لأخر لحظة لتوريث الحكم لإبنه "الراجل العجوز"
كان واعيا وعاقلا في اتخاذ قراراته إذن يطبق عليه العقاب اياً كان نوع العقوبة
70 مليار دولار غير ما اكدته مؤخرا بنوك سويسرا وامريكا 100 مليار دولار
واقترحت امريكا على مصر إعطائها القروض بضمان ثورة مبارك في امريكا
وفوق كل هذا 45% من الشعب تحت خط الفقر في بلد رئيسها عنده 100 مليار دولار ويسكن في قصر من ذهب لو كان مصر فيها حاكم عادل ما اتغربنا واشتغلنا في بلدنا وعيشنا ملوك.....
عندنا كل شئ تجارة صناعه سياحه قناة السويس اللي دخلها صافي اكثر من 55 مليون في اليوم الواحد وغاز طبيعي بترول علم وعلماء نفخر بهم ومع ذلك كان عندنا رئيس سفاح
انا عن نفسي احارب واموت واحتسب زوجي واولادي شهداء عند الله وما يحكمني مثل مبارك
وجزاكم الله خير على ارائكم لكن الاخت اللي تدخل وتقول المصريين بيندموا اقولها احنا ادرى بحالنا ونموت بكرامه افضل ما نعيش منكسرين ومهضوم حقنا
واخيرا والله الذي لا إله غيره اسأل الله بدعوة صادقه ان يرزق مبارك واعوانه توبة صادقه قبل الموت وهي خير من الدنيا وما فيها​

 

[^SwEeTa^]

لا حول و لا قوة الا بالله

الدنيا معفوسه و احنا ضعنا بالطوشه ماندري منو الصح و منو الغلط!!

 

[ما كو اسم]

في بدايه كسر خاطري بحكم عمره يعني الاهانه بهالعمر صعبه
بس لمن اتذكر شسوى بالفلسطنيين اقول هذي حوبتهم الله يجازيه الي سواه مو شويه الكل دعى عليه بسبت فعلته

الملاحظ في ردودج الخبث المبطن .

من باب اولى تكلمي عن دور حسن نصرالله وشنوا سوا في الفلسطنيين اذا كانوا يهمونج اصلا يالذكيه

 

[Flower20]

شعبه وكيفه يسوون فيه اللي يبوونه

واللي تقول وقف معانا بالغزو
وقف بفلوس مو مجانا

يستااهل هذي نهاية الظالم

 

[Flower20]

الملاحظ في ردودج الخبث المبطن .

من باب اولى تكلمي عن دور حسن نصرالله وشنوا سوا في الفلسطنيين اذا كانوا يهمونج اصلا يالذكيه

يعني
لازم تتكلم عن حسن نصر الله ونشتمه ونقول انه سوى جذي وجذي عشاان ترضين عنها ؟
الموضوع يتكلم عن حسني مباارك

ولا تبين الاخت تقرا افكارج قبل لا ترد عشان ترد رد يعجبج ؟؟ مثل ما انتي قريتي افكارها وحكمتي انها خبيثة ؟؟
والله لا يردك يا حسني :ggdw: