رأي راح يزعل نسبة كبيره من بنات المنتدى

[mn.mn]

كلامج عدل يا قلبي والله عورني قلبي وعيوني دمعت يوم يبتي طاري الياهال والقرقيعان والعيد ياربي مصيبتهم مصيبة الله يهونها عليهم

 

[اخت رجال]

انا معاج أختي بكل اللي قلتيه
والريال إذا بغى يزوج غيري خله يزوج عليه بالعافيه لأن من باعني بعته ولوكان غالي
هذي وجهة نظري و ترى الريال مهما كان ما يسوى أضيع آخرتي واغظب ربي على شانه

 

[فجــر]

يعطيج العافيه كلامج فووق الروعه ..

 

[وصٍيت قلبي عليك]

يعطييج الف عااافيييه وتستاهليين بوووسه على خشمج ورااسج ><

معاج بكل اللي قلتييه

صحيح كثار منآ يقولون كلام وكلاام .. بس ف لحظه غصب

خلاص ياأنج ترضين باالأمر الوااقع وتقعدين ف بيتج وعند عياالج

ولج الحشيمه والكرااامه والا تنفصلين بكل هدووء

والله مايسوى ادمر بيوت واتسبب ف وفات اوااادم مالهم ذنب عشانه بس " بيتزوج"

من راح الله يسهل دربه

 

[looz2009]

الله يجزاج خير

والله يرحمهم برحمته ان شاءالله

ويصبر قلوب أهلهم ويعينهم اللهم آآآآآآآمين

 

[~باقة ورد~]

صح لسانج فديتج آنا معاج بكل حرف وكل كلمه ولو الوحده تقتنع بشرع الله

وتعرف إن بالفعل الله حلل للرجل أربع صدقوني راح يهون عليها الأمر

يعني ترضين يسوي اللي يبي بالحرام وبالحلال اللي شرعه رب العالمين ما ترضين

ليش يا بنات إتقوا الله في أنفسكم وآنا أشوف إنها ما فيها شي يتزوج دامه حلال لا تقولون إحنا غير وإحساسنا غير

آنا عني والله لي الحين مو متزوجه بس أشوف الحلال بكل أوجهه حلو

يكفي إنج ما راح تخلين زوجج يسوي الشي هذا بالحرام واللي ما ترضينه لنفسج اللي اهو (الحرام)

لا ترضينه لغيرج يعني شنو إستفادت لما حرقت بيوت وقلوب كل أهل الكويت الله ياخذ بحق كل بيت ويقتص منها

والله يمسح على قلوب كل المنكوبين وأهلهم وعلى قلوب أهل الكويت كلهم ظلمت أهلها وعيالها وخواتها

حسبي الله ونعم الوكيل...

كلام وايد يقرقع بقلبي بس السكوت أحسن من إني أقوله

كل اللي أقدر أقوله وأردده

حسبي الله ونعم الوكيل

هو نعم المولى ونعم النصير​

 

[برونزيه ليدي]

اذا بيتزوج مايشوف شر

 

[maraiem]

شاكرتلكم مروركم جميعا

 

[دعاء الكروان]

كلامج عدل ومايزعل وجزاج الله خير

 

[سارا ديور]

يا حلوج يا ميمي

طول عمرج عاقله

:tek:​

 

[maraiem]

يا حلوج يا ميمي

طول عمرج عاقله

:tek:​

فديتج يالحلا والزين والسنع كله .. وانا اقول شاللي مغير موضوعي ... شفت نوره زاد .. اثاريج داشته مشاركه فيه ... عسى ربي ما يحرمني طلتج يالغاليه. :tek:

 

[سارا ديور]

اقول ميمي

ترا دوري بردودي كلها من اول مادخلت

عمري ما قلت والله لذبحه والله لحرقه هههههههههههههههههههههههه

اشوا انا مو معاهم​

​

 

[maraiem]

هههههههههههههههههههههههههههههههههههههههههههه ... ابيه .. ضحكتيني وانا جد مالي خلق اضحك .. عمري انتي بتعليميني فيج .. انتي الذوق والسنع والعقل والثقل كله ... عسى ربي يهنيج بما رزقج من عقلية .. وشرفتيني يا حبي بمعرفتج .. وبمرورج للموضوع

 

[ماريسول]

الله يجبر بخاطرهم

 

[فرااااولة]

.. ان هذي المره اللي سوت هالشي .. المره اللي شبت النار واحرقت قلوب اهل الكويت كلها .. من شرق لي الاحمدي لي الجهرا لي الرميثيه لي ام الهيمان ..حرقت قلوب الكل .. كانت يوم من الايام تقول نفس الكلام .. تردد نفس الاسطوانه .. اللي العديد من البنات يرددونها( اذبحه اذا شاف غيري .. يا ويله .. الخ )

اوكي صج اني اغار واقول احرقه بس احرقه اهوو مو العرس ابكبره واهو مو مووجوووود

لا يا معودة لا تقولين احرقه..باجر وحدة تقرى اللي قلتيه وتقول اي صج ليش ما احرقه اهو
وتحرقه وذنبها برقبتج..خو الحين كل شي ممكن يصير..كل العجايب والغرايب قمنا انشوفها

 

[CUTE ENGINEER]

صاجة حبيبتي البنات
الله يهداهم مايدرون الكلمة اللي تنقال تأثر باللي يقراها أو يسمعها
حتى لو الوحدة رافضة مبدأ الزواج الثاني المفروض التعبير
عنه يكون بأسلوب محايد مافيه غضب وتهويل لأن
محد يضمن إن اللي يقرون ما يقتنعون فيه
ويقولون إي آنا لازم أسوي جذيه
والكلام ينطبق على وايد مواضيع

مشكورة حبيبتي

 

[اسراء205]

صح لسانج

 

[maraiem]

مشكورين وايد على الردود

 

[أغلى الناس]

عدل كلامج انا دايما اقول جذيه بس والله اذا صارت الصجيه لا احرقه ولا شي مايبيني مايشوف شر حتى لو اهله ظلموني اتحسب عليه وعليهم وربي كفيلهم وخلاص انا ما شريته ولا املكه اهو لي باختياره اذا مايبيني مايشوف شر عيالي يسوون عندي الدنيا واللي فيها والدنيا ماتوقف والحياه ماشيه باذن الله مو بايد البشر

 

[ثلج]

كلامج عين العقل

الف شكر