مشكوره حبيبتي على هذا الراي ورايج جدا جدا احترمه وأقدره
لكن الغيره موجوده في الحرمه من انخلقت البشريه وهذا شي معروف انتي بكلامج راح تغيرين الفطره
لانه من وجهة نظري ان الحرمه اذا تحب زوجها و ماتغير فانها مو طبيعيه
الا اذا كانت ماتحبه هذا شي ثاني فبالطقاق ومايشوف شر واهم شي نفسي وعيالي و.............الخ
فالسيده عائشه ام المؤمنين رضي الله عنهاكانت تغير من خذيجه رضي الله عنها وهي مـــــــــــــيــــــته
ساره زوجة ابراهيم عليه السلام غارت من هاجر وهي التي خطبتها له
فما بالج احنا اللي مانقارن فيهم
مـــــــــــنـــو ترضى مره تشاركها حياتها وزوجها وبيتها وكل شي يبه وضعج الاجتماعي مهزوز
شكثر حريم صارت فيهم جلطات بسبة الريايل وانا اعرفهم شخصيا
لكن هذا مايبرر فعلة هالـ...............شقول عنها
غير حسبي الله ونعم الوكيل
مع الاحترام الشديد لرايج
اشكرج اختي على مرورج ورايج .. بس انا ما قلت للحريم صيروا عديمات الاحساس .. او لا تغارون .. لا تكونون طبيعين .. انا اللي ابي اوصله
اولا : انج حسي ..وغاري .. وكوني طبيعيه .. بس لا تتحدين شرع الله وتثورين لان الريال اختار يعدد ..مهمن كانت الاسباب .وتحاولين تسمين الامور بغير مسماها.
ثانيا: ذكري الله عند الغضب .. وكوني انسانه مسؤوله عن خياراتج في الحياة .. وعن كل ما هو ومن هو متعلق فيج.
ثالثا : لا ترددين كلام بس جذي .. لمجرد تسجيل موقف .. او غشمره .. او تفاخرا .. او اى مسمى ذكروه بعض الخوات هني .. وتقولين : انا بس جذي قلت .. لكن مو معناته اني بسويها صج!!! ليش اختي انتي تعلمين الغيب؟؟؟ تعلمين شلون ابليس ممكن يوصلج ؟؟ اذا تعلمين .. انا استسمح منج وارجوووج .. ابي اتعرف على البنات اللي جذي لان امنيتي اني اتعرف على بنات معصومات ومنزهات عن الخطأ!!!!!!
كلام عام .. اوجه للكل .. اذا للحين ماعرفتوا الهدف من موضوعي .. دشوا قسم الحياة الزوجيه في المنتدى .. واختاروا اى موضوع يتعلق بالزواج الثاني .. او التعدد .. او الخيانه .. وشوفوا الردود ... بس وانتوا تقرون .. حطوا الجهرا .. ونصره العنزي جدام عينكم .
