شلونج حبوبه شخبارج؟؟ حبيت اعلق علا نقاطج... بس ديربالج تزعلييين
اول شي انا وياج بان كل الروايات اغاني و اشعار وانا ما اايد هالشي وايد معنا روايتي الحاليه عنوانها مقطع من اغنيه و حدي تحسفت ليش عنونتها بهالشي ... بس مو انا الي اخترت العنوان.. بنت خالتي و شريكتي بالكتابه اهي الي اختارت وانا الي الفت القصه ...
الشي الثاني هم وياج بس شنسوي اغلب القراء يحبون الرومانس و هم الكاتبات يبون.. بس مادري يعني عادي كل قصه رومانسيه و لها احداثها و روتينها الخاص
الشي الثالث فاسمحيلي... مو كل الكاتبات فاشلين علا قولتج... بالعكس.. و انا اشوف انه كل كاتبه و لها اسلوبها الخاص يمكن يتشابه اسلوب كاتبتين او اكثر بس مو شرط يكونون مقلدين كاتبه معينه ...
الشي الرابع فهذا شي لابد يصير و لازم يصير لانه شلون نقول الاحداث ورا بعض؟؟ يعني اعطيج مثال للتوضيح... مثلا انا قصتي انه واحد يغازل وحده لين حبوا بعض مثلاً... مايصير اقول ابارت انه غازلها( الحدث الاول..) و البارت الي وراه اقول انهم حبوا بعض ( الحدث الثاني) و مو كل القصص فيها احداث وايد مثل ما قلتلج انه كل كاتبه ولها اسلوبها و طريقتها بالتاليف ... في قصص يمكن تكون احداثها مجرد 10 احداث مهمه او اقل ... لكن تلاقين الصفحات و صلوا بالاميات و البارتات و صلوا بالستينات من المواقف... القصه مو بس احداث.... القصه احداث و مواقف و احياناً المواقف تكون واااايد اكثر من الاحداث و هالشي يضيف للقصه حبكه و تشويق ساعات...
الشي الخامس
مممم مو معاج بصراحه...
تدرين ليش؟ لانه اذا كان الصبي مو حلو و جذاب ماراح يتشوقون القراء.... لكن ممكن يصير في بعض القصص انه البطل او البطله( و هذا اغلب) انه جيكر او جيكره.. و بعدين شلون واحد يحب وحده متينه ؟ خو اول الحب اعجاب
... و غالبا ما يكون الريال اهوا المبادر بالاحداث.... فلازم يكون حلو عشان تلتفت له الانظار.... و بنفس الوقت تصير القصه واقعيه.... اما الهبال للابطال فهذا مجرد اضافه كوميديه للقصه ..
اذا كان الصبي مليق القصه تصير سخيفه... خاصه اذا كانت رومانسيه .. لازم اندشش كوميديا عشان تصير من ارض الواقع لان اذا كلا رومانس في رومانس تصير قصه خياليه بالنسبه للمجتمع الكويتي
الشي السادس
الله يوفقها انشالله^_^
و بس .. ثنكيوو
