رأيي الشخصي حول الروايات والكاتبات..،،

[fo0oshey2]

السلام عليكم ...

اليوم ابي اوضح وجهة نظري حول كثيير من الروايات بالمنتدى والكاتبات ..

بدعد ماخذيت لفة طوويله عرضيه بالقسم ، عشان اشوف اسلوب الكاتبات وبعض الروايات عشان اشوف كاتبة او رواية تلفت نظري .. وللأسف كانت النتيجه مخييبه للأمال نسبة الروايات الجيده والاسلوب الحلو لا يتعدا 2% ...

اولا :: راح اتكلم عن عناوين الروايات ..

- العنواين اغلبها بيووت شعر او مقطع من اغنيه << وبصراحه مادري ليش الاغلبيه العظمى تخلي عناوين روايتها جذي .. هل هي قلة الخبره ، ام نقص الافكار ، ام ان مالها خلق ادور عنوان ..
انا الي اعرفه ان عنوان اي موضوع او رواية يجب ان يكون يشد القرا اما بغموض العنوان او بساطته ..
مثلا .. " الغباء " << القراء من يقرى الغباء بتييله الف فكره شكو الغباء بالرواية وشنو يقصد بالغبااء .. اما اذا حطينا بيت شعر حزين << الكل بيعرف انها قصة حب حزينه ..

ثانيا :: فحوااه الروايات ...

- %98 من الروايات رومنسيه << وماني عارف سبب اختيار الاغلبيه للرومانسي ، هل لأن بالمجتمع بس اكو احداث رومنسيه ؟؟ بالعكس اكو دراما وكوميديا وحزن واكو قصص تراثيه واجتماعيه ورعب وخيال ووايد اشياء ..

ثالثا :: اسلوب الكتابات ..

- اغلب الكتابات " مع احترامي " ماعندهم اسلوب بالسرد .. خل نقول 94 % من الكاتبات اسلوبهم وااحد وطريقتهم وحده .. والقلليل الي متميز .. واكو ظاهره غريبة لاحظتها عن بعض " اقول البعض " انهم اذا اكو رواية ضربت بالمنتدى يرحون بعض الكاتبات يقلدون اسلوبها بالكتابه عبالهم بيوصلون لنفس المستوى مع الاسف ...

رابعا :: سير احداث القصص ...

- لاحظت ان اغلب الروايات بين بارتين وثلاث حدث مهم .. وباقي الرواية كلام حب بين البطل والبطله .. والمشكله ان بأغلب الروايات الحدث المهم يكون ان البطلين تهاوشوا او افترقوا او احد خرب بينهم .. وعادة يكون واضح من اول بارتين ان النهاية بتكون جذي وجذي ، وان النهاية حزينه .. بس لما بعض المتابعات " الله يهديهم " يحنون على الكاتبه لاتخلي النهاية حزينه .. فبقدرة قادر تنقلب الرواية من الحزينه لي السعيده .. مع ان الاحداث ماتساعد على هالشي وهذا يدل على ضعف قدرة بعض الكاتبات على الربط بين الاحدااث ..

خامسا :: ابطال الرواية ..

-عندي سؤال : ليش كل الابطال مزااييين ومجسمين وفااصلين ويونسون ويهبلوون ومادري شنو ؟
قريت اكثر من رواية البطل نفسه اهوا بهالرواية وبهالروايه وبهالرواية .. مادري ليش الاصرار على انه يكون حلو ومجسم .. حسسوني ان كل الي يحبون جذي او ان كل الشباب بالكويت مجسمين وفااصلين ؟؟ والبطله لازم حلوه وعيونها وسااع وبيضه وطويله وجسمها حلوو .. شنو السر بهالشي ابي افهم .. والام لازم طيبة وتحب عيالها ... اتمنى نشوف رواية البطل جيكر والبنت متينه (؛

سادسا :: متميزوون ...

صراحه اكو كاتبه بالمنتدى واايد عاجبتني واسلوبها حلو واختياراتها لأسماء روايتها حلوو حييل ويليق بالقصه الي تكتبها ... وماتخلي البطل حلو ومادري شنو .. وتعرف تربط بين الاحدااث ..
الكاتبه اتوقع اسمها " rerez " وروايتها ... "الفتاة الهاربه ، يادنيا ارحميني ، ضاعت حياتي بلحظه ، قرين فجر ..
بصراحه اقولها موفقه ورواياتج واايد حلوه ومنها للأعلى ..


وبس يعطيكم العافيه​

 

[om_7soon]

عجبني خامسا ابطال القصة
لووووووووووووووووووووووووووووول اصراحة انا معاج بكل كلمة قلتيها كل كلامج صح وجهة نظرج صحيحة
انا ملاحضة ان بكل رواية لازم يكون مجسم وحلو وفصله p:
الله يعطيج العافية وما قصرتي حياتي الله يعافييج
*

 

[fo0oshey2]

الله يعافيج حبيبتي ..

بس للعلم هذا راي اخوي " bo.7soon " مو انا

 

[Føzöø]

اي والله صاجه 

 

[om_7soon]

up up up up up up

 

[ايطاليه]

صاجة والله بكل كلمه قلتيها

ومن الكاتبات اللي يعجبوني ريريز ونجدية واحلاهم وفي كاتبتين بعد ماذكر اساميهم

انا ماقمت ادش القسم مثل اول ولا اقرى

 

[كول تكره سكول]

وانا بجاوب على كل انتقاداتج وياريت تتقبلين اجاباتي بكل رحب وسعة صدر

السلام عليكم ...​

اليوم ابي اوضح وجهة نظري حول كثيير من الروايات بالمنتدى والكاتبات ..​

بدعد ماخذيت لفة طوويله عرضيه بالقسم ، عشان اشوف اسلوب الكاتبات وبعض الروايات عشان اشوف كاتبة او رواية تلفت نظري .. وللأسف كانت النتيجه مخييبه للأمال نسبة الروايات الجيده والاسلوب الحلو لا يتعدا 2% ...​

هذا اسلوب الكاتبه مافهمت قصدج ؟ يعني تبين نغير اسلوبنا ,, ؟ اوف كورس مراح نقدر هذا اسلوبنا ما نقدر نغيره :rerrerek:

اولا :: راح اتكلم عن عناوين الروايات ..​

- العنواين اغلبها بيووت شعر او مقطع من اغنيه << وبصراحه مادري ليش الاغلبيه العظمى تخلي عناوين روايتها جذي .. هل هي قلة الخبره ، ام نقص الافكار ، ام ان مالها خلق ادور عنوان ..
انا الي اعرفه ان عنوان اي موضوع او رواية يجب ان يكون يشد القرا اما بغموض العنوان او بساطته ..
مثلا .. " الغباء " << القراء من يقرى الغباء بتييله الف فكره شكو الغباء بالرواية وشنو يقصد بالغبااء .. اما اذا حطينا بيت شعر حزين << الكل بيعرف انها قصة حب حزينه ..
مممم طيب ليه اكتب عنوان القصه غباء او وناسه او جذي وهالشي كلش ما يتعلق بالقصه ؟ :eh_s(10): مو احسن شي اكتب عنوان لايق على القصه يعني مو معقوله بيعرفون الاحداث من العنوان !؟​

ثانيا :: فحوااه الروايات ...​

- %98 من الروايات رومنسيه << وماني عارف سبب اختيار الاغلبيه للرومانسي ، هل لأن بالمجتمع بس اكو احداث رومنسيه ؟؟ بالعكس اكو دراما وكوميديا وحزن واكو قصص تراثيه واجتماعيه ورعب وخيال ووايد اشياء ..
معاج بهالنقطـه :rerrerek:​

ثالثا :: اسلوب الكتابات ..​

- اغلب الكتابات " مع احترامي " ماعندهم اسلوب بالسرد .. خل نقول 94 % من الكاتبات اسلوبهم وااحد وطريقتهم وحده .. والقلليل الي متميز .. واكو ظاهره غريبة لاحظتها عن بعض " اقول البعض " انهم اذا اكو رواية ضربت بالمنتدى يرحون بعض الكاتبات يقلدون اسلوبها بالكتابه عبالهم بيوصلون لنفس المستوى مع الاسف ...​

مافهمت قصدج ما عندهم اسلوب ؟ بالعكس انا اشوف اسلوبهم وايد حلو ؟! ,, لا غلطانه كل وحده واسلوبها , مادري اذا هالشي يصير ولا لا انه وحده تقلد اسلوب ثانيه علبالها بتوصل لها ؟!

رابعا :: سير احداث القصص ...​

- لاحظت ان اغلب الروايات بين بارتين وثلاث حدث مهم .. وباقي الرواية كلام حب بين البطل والبطله .. والمشكله ان بأغلب الروايات الحدث المهم يكون ان البطلين تهاوشوا او افترقوا او احد خرب بينهم .. وعادة يكون واضح من اول بارتين ان النهاية بتكون جذي وجذي ، وان النهاية حزينه .. بس لما بعض المتابعات " الله يهديهم " يحنون على الكاتبه لاتخلي النهاية حزينه .. فبقدرة قادر تنقلب الرواية من الحزينه لي السعيده .. مع ان الاحداث ماتساعد على هالشي وهذا يدل على ضعف قدرة بعض الكاتبات على الربط بين الاحدااث ..​

مممم معاج بهالنقطه :rerrerek:بس مو الكل في بنات رواياتهم حلوه ,, يعني مايصير كل بارت فيه حددث !! من وين هالافكار بتطلع ؟! ,,

خامسا :: ابطال الرواية ..​

-عندي سؤال : ليش كل الابطال مزااييين ومجسمين وفااصلين ويونسون ويهبلوون ومادري شنو ؟
قريت اكثر من رواية البطل نفسه اهوا بهالرواية وبهالروايه وبهالرواية .. مادري ليش الاصرار على انه يكون حلو ومجسم .. حسسوني ان كل الي يحبون جذي او ان كل الشباب بالكويت مجسمين وفااصلين ؟؟ والبطله لازم حلوه وعيونها وسااع وبيضه وطويله وجسمها حلوو .. شنو السر بهالشي ابي افهم .. والام لازم طيبة وتحب عيالها ... اتمنى نشوف رواية البطل جيكر والبنت متينه (؛
معاج بهالنقطه ,, بس بعرف شفرقت اذا حلوه ولا جيكره هل بتتغير الاحداث مثلا ؟! الموهم الاحداث مو الشكل ؟ :rerrerek:​

سادسا :: متميزوون ...​

صراحه اكو كاتبه بالمنتدى واايد عاجبتني واسلوبها حلو واختياراتها لأسماء روايتها حلوو حييل ويليق بالقصه الي تكتبها ... وماتخلي البطل حلو ومادري شنو .. وتعرف تربط بين الاحدااث ..
الكاتبه اتوقع اسمها " rerez " وروايتها ... "الفتاة الهاربه ، يادنيا ارحميني ، ضاعت حياتي بلحظه ، قرين فجر ..
بصراحه اقولها موفقه ورواياتج واايد حلوه ومنها للأعلى ..​

اي اسلوبها حلو ماشاء الله ,, الله يوفقها :rerrerek:

وبس يعطيكم العافيه​

تقبلي كل اجاباتي وياريت ما تزعلين :d

 

[MiSs FoOoFoOo]

صح كلام اخووج :rerrerek:

 

[fo0oshey2]

حياكم الله ، واحترم راي الجميع .. ولولا اختلاف الأراء لباارت السلع

 

[HaAaDoOol]

مو كلهم لا بالعكس شويه جذي

بس الي الصرااحه لازم يكونون مزااين ومجسمين هههههه

بناات تكفووون شوووفووواا روايتي اسمهاا ( اغار من اختي )

قصه رومنسيه ( شوق & فهد )

وياااريت تقولولي راايكم فيهاا

اذا اهياا فيهاا مجسمين وزاايين قولولي

واذا فيهاا تفرقوا ومادري شنوو قولولي

والله القصه حلوه اقرواها وعطوني رايكم

 

[أمحق وفى ـا]

آآآمممممم عـنـدي تـعـلـيـق عَ كـل نـقـطـه ..

عـنـوآن آلـروآيـه .. لآن يـمـكـن آلـكـآتـبـه مـآعـنـدهـآ آلـقـدره تـكـتـب بـيـت شـعـر وبـ آلـعـكـس آحـلـى آنـه يـكـون مـن آغـنـيـه آو قـصـيـده

وآلـرومـآنـسـيـه .. مـآدري بـس آحـلـى شـي رومـآنـسـي

آلأسـلـوب .. لآن آلـوآحـد مـآ يـقـدر يـغـيـر آسـلـوبـه آو بـ آلأآصـح مـو حـلـو آلـوآحـد يـغـيـر آسـلـوبـه آحـلـى لـو آلـوآحـد يـطـلـع بـ آسـلـوبـه آلـصـج لآن رآح يـعـطـي دآفـع لـ آلـروآيـه وآلـكـآتـب رآح يـكـتـب إللـي بـ خـآطـره مـن غـيـر خـوف

آلأآحـدآث .. مـآ آدري بـس هـآذآ آلـشـي إللـي يـضـيـق آلـخـلـق آن مـآكـو آحـدآث بـ بـعـض آلـبـآرتـآت

آلـشـكـل .. مـو عـن لآزم كـل شـخـص يـطـلـع يـهـبـل وحـلـو .. بـس آلـوآحـد يـحـط آلآشـخـآص مـزآيـيـن بـ روآيـتـه عـشـآن آلـقـآرئ يـنـدمـج < مـآلـه شـغـل

وآلـمـتـمـيـزيـن .. آلـصـرآحـه آلـكـآتـبـه gala q8 .. كـل روآيـه آحـلـى مـن آلـثـآنـيـه

وفـي مـتـمـيـزيـن شـكـثـر بـس مـو مـعـآنـآ بـ آلـمـنـتـدى مـثـل .. متكحله بـ دم خاينها .. بقايا شتات .. ضمني بين الاهداب .. وغيرهم شكثر

بـس إللـي يـقـهـر لـمـآ تـكـون آلـكـآتـبـه مـو قـد آلـكـتـآبـه ومـآتـكـمـل آلـروآيـه وآنـآ آلـصـرآحـه قـريـت روآيـآت رووعــه بـس بـ آلـنـهـآيـه مـو كـآمـلـه

وفـي روآيـه جـرحـنـي وصـآر مـعـشـوقـي .. صـحـيـح صـآر لـهـآ آكـثـر مـن سـنـه بـس لـو آلـكـآتـبـه تـكـمـلـهـآ وآلله بـ آذن آلله رآح آقـرآهـآ لآنـهـآ جـد جـد عـجـيـبـه وتـسـتـآهـل آلـقـرآءه ..

وتـقـبـلـي مـروري وقـرقـرتـي ..

 

[أمحق وفى ـا]

كـويـتـيـه k.w .. آن شـآء آلله رآح آقـرآ روآيـتـج آلـحـيـن

 

[Reem al-h]

ثاااانكس علي الموضوع وصح كلامج انا قريت وااايد روايات بس كلهم حلوين ما فيهم شي بس انه علي موضوع ان كل الروايات رمانسيه لان هذا النوع من الروايات يجذب البنات وعلي الاسلوب يمكن شوي بس انا الروايات الي قريتهم مختلفين بالاسلوب والعناوين صح بس علي المزايين انا معاج كلهم حلوين صراحه عقدوني

 

[ليلو جبريت]

كل الكلام الي قلتيه صحيح


اول شي البنات مو عارفين الفرق بين القصة والرواية

و الي يكتبونها ماتتسمى رواية ترى تعد سوالف

وين المقدمة ؟
وين علامات الترقيم ، وين البناء الفني للرواية ، وين اسس الفقرات والجمل ؟

هي محاولات وهن عاجبهن الوضع لكن الي تبي تصير كاتبة حقيقة لازم تتعلم اسلوب الكتابة الصحيح \


انتي نقدج في محله ، مره وحده حبت تراسل دار نشر في لبنان وعطتني رابط روايتها لما نقدتها وقلت لها ان دور النشر راح ترفضها بسبب الاسلوب وطريقة الكتابة قالت
انتي شفتي عدد الردود ؟؟؟

وعلى العموم الي تقراء روايات من النت يعد رصيدها في القراءة صفر
لان الي حابه تتذوق الادب لازم تقراء لكبار الكتاب او الكتب المطبوعه لان تحمل الشروط والمواصفات الصحيحة
وروايات النت لاتحمل هالشروط

 

[HaAaDoOol]

امحق وفى : مشكوووووووره اتمنى انهااا تعجبج الرواايه

 

[fo0oshey2]

ليلو جبريت
عدل كلامج ، بكل كلمه قلتيها


وحياكم الله كلكم اراء ونحترمها

 

[بنكوووو]

صح السانج
rerez واااايد كاتبه متميزه و مشهوره بكتاباتها

 

[ليلو جبريت]

عاد تتوقعين بياخذون كلامج على محمل الجد ؟؟

باعطيج رابط لحظة

 

[ليلو جبريت]

مري يا الناقدة

http://www.q8yat.com/blogs/271599/blog855-page3.html#comment2080

هذي بتكون روايتي الثانية لسنة 2012
بعدي ما اخترت دار نشر بس الاغلب الفارابي او الساقي او الاداب

 

[fo0oshey2]

هاذي مقدمة الرواية صح ؟؟

موفقه اختي وان شالله اذا نزلت بمعرض الكتاب راح اخذلي نسخه واقراها واعطيج راايي ( :

موفقه يااارب