رأس ولدي عوي..:(

[alhabibah]

قوة بنات

آنا يبت ولدي تاريخ 10/5/2010 .والحمدلله شيكو عليه وكل شي طبيعي. بس الحين لما أطالع راسه أحسه عوي من ورى.
أهو بكمل 4 شهور 10/9، وآنا يبته طبيعي بس اشفطوه.

عادي إن شكل راسه عوي وإلا أراجع الطبيب؟ يعني معقوله الشفط مأثر عليه للحين؟ وماأدري ليش توني ألاحظه ما لاحظت في الأشهر الأولى؟

بنات إللي عندها فكرة بالموضوع تفيدني الله يعافيكم؟

 

[alhabibah]

رد : رأس ولدي عوي..

للرفع

وينكم بنات؟

 

[.،:"$الـعـوبــــة$":،.]

رد : رأس ولدي عوي..

عادي ياقلبي لا تحاتين مع الوقت يتحسن الراس ويقل شكل الانتفاخ حييييييييييييييييل !!
ولد اختي شافطينه من قمة راسه ! أول شي كان شكله غريب ! الحين حيييييييييييييييييييييل تغير !
بس للحين تحسين فيه تفخه واحنا مسمينها بفة طبيعية فديته !
ووحدة نعرفها ، شافطين الجاهل من على جنب الوجه ! تخيلي بالاربعين المرة لما يشوفون الناس الجاهل يتخرعون !
لأن تجمع مثل الماي بالراس على جنب ! والحين الولد شحلاته ومافيه الا العافية !!
لا تحاتين ياقلبي ،،​

 

[*صَبا*]

رد: رد : رأس ولدي عوي..

دام مشفوط عادي

في ياهال يشفطونهم وروسهم تصير مثل المانجا " الهمبه"
هاي حسب الشفت شلون كان

بس الحمدلله اهم شي فيه سليم خلاص لاتحاتين
لين يكبر بيخف
واذا رقد على ظهره بيصير راسه مسطح

 

[أحلام العمر]

عادي انا ولدي جذيه بعد راسه عوج والحين احاول اغير مكان نومه يعني انومه علي المكان المنتفخ
وجذي بيتسوي الراس
لا فكره انا جايبه ولدي قيصري بس مدري ليه عوج بس امي تقول الحل
بانج تنومينه عكس نومته دايم

 

[الأميرة جوري]

بنات اعتقد من طريقه النومه امى تقول يخرب راسه اذا علي طول يمين او يسار ولدي الحين مهملته كله ينام جهه اليمين واهو الحين له شهرين واحس حيل داخل راسه جهة اليمين بلحق عليه لايخرب راسه واكو مخده تعدل الراس يكون راسه واهو نايم سيده <<بس ديري بالج اذا كان شارب حليب اخاف يترع ويرجع ويشرق <<صارت مع بنتى يعني لمن يشرب خليه ساعه علي جنب او تكونين عنده ,,,,,

 

[قبلة مطير]

حبيبتى هذا يحدث كثير وشكل راس البيبى ممكن يتعدل ما دام للحين بالاشهر
شوفى حبيبتى حطى مخدتين صغار حولين راسه علشان لا يحرك راسه
بس كونى يمه علشان لما يستفرغ تشوفينه وانشالله بيتدعل بس يبيله وقت
ولا تتهاونين بالموضوع علشان حرام ما يكبر وراسه جذيه

ويخليه لج ربى ويحفظه

 

[كـ غلا ــلي]

لاتنومينه بنفس الوضعيه كل مره غيري مره نوميه عالجانب اليمين ومره يسار ومره على مؤخره راسه وهمن في

مخدات تنباع بالصيدليات سالي عنها

 

[alhabibah]

رد : رد: رأس ولدي عوي..

.,،:"$الـعـوبــــة$":
كـ غلا ــلي
قبلة مطير
الأميرة جوري
أحلام العمر
*صَبا*

جزاكم الله خير بنات..
طمنتوني ، عسى الله يحفظكم ويحفظ عيالكم.

 

[غنوة ستايل]

رد: رد : رأس ولدي عوي..

عادي ياقلبي لا تحاتين مع الوقت يتحسن الراس ويقل شكل الانتفاخ حييييييييييييييييل !!
ولد اختي شافطينه من قمة راسه ! أول شي كان شكله غريب ! الحين حيييييييييييييييييييييل تغير !
بس للحين تحسين فيه تفخه واحنا مسمينها بفة طبيعية فديته !
ووحدة نعرفها ، شافطين الجاهل من على جنب الوجه ! تخيلي بالاربعين المرة لما يشوفون الناس الجاهل يتخرعون !
لأن تجمع مثل الماي بالراس على جنب ! والحين الولد شحلاته ومافيه الا العافية !!
لا تحاتين ياقلبي ،،​

انا بعد ولدي حبيبي احسه جاي من الفضاء على شكل راسه
جزاج الله خير طمنتي قلبي

 

[روعة الكلام]

رد : رد: رد : رأس ولدي عوي..

اي الشفط يسوي جذي والنوم على صوب واحد بعد يسوي جذي انتي غيري مو كلة صوب واحد مع ان ولدي لليحين صوب واحد ما يرضة اذا غيرتة عنيد