~~~ ذميت ظلمك وانا من عادتي مدحك ~~~ بقلمي

[عجيد الريم]

~ ~ ~ ذميت ظلمك وانا من عادتي مدحك ~ ~ ~

الجزء الثالث ...

تأليف :: عجيد الريم ....



كان خالد هاك الوقت مسرع ... وقلبه يدق من كثر الخوف على اخته ... ألف فكره وفكره خطرت على باله هذيج الدقيقه ...
شو فيها ؟؟؟؟ ليش كانت تصيح ؟؟؟ اكيد حد ضربها ... وشو قصة الشاذات ؟؟؟؟
من كثر خوفه حس ان الوقت بطئ ووده هالدقيقه يوصل ....



في سيارة حمد ...
هذاك الوقت كان حمد متجه صوب بيت أهل خوله ... عسب ياخذ حرمته وبنته ...
وكانت روضه في السياره وياابوها ...
شل حمد تيلفونه واتصل في خوله ..
حمد:: ألو ...
خوله ومن صوتها يبين انها تعبانه وايد :: ألو ...
حمد:: يالله خوله اتجهزي خمس دقايق وبمر عليج ...
خوله :: جي توه الناس .. خلني شوي يالسه وياخواتي ...
حمد ماوده يخليها أكثر بس مابيقدر يقوللها لأ لأنهم في النهايه أهلها ..
حمد :: ماعليه حبيبتي ... متى تبيني أردج ؟؟؟
خوله :: يعني على الساعه 11 ...
حمد:: خيبه .. نص الليل ...
خوله :: ماعليه انته سر أيلس عند ربعك وعقب مر عليه ...
حمد وهو متضايق :: انزين رويض اييبها عندج ولا انزلها بيت أبويه ..؟؟
خوله :: ماعليه هاتها عندي ...
حمد :: اوكي ... يالله باي ...
خوله :: باي ...
حمد وهو يكلم نفسه :: الله يعيني عليج ياخوله .. انا روحي مب قاصر تعب ... بتعبيني الحينه بتفكيرج وبوسواسج وخوفج على بنتج ..



في الحديقه...
خالد اتصل في شيخه ...
خالد :: ألو ...شيخووه انا عند الباب اطلعي ...
شيخه :: هااا ..اوكي يالله طالعه ...
وسكرت عن اخوها بدون ماتتريا حتى رده
شيخه التفتت على عليا ربيعتها ..
شيخه ::عليووه وين سيارتج ؟؟؟
عليا ::وصل اخوج ؟؟؟
شيخه ::هي وصل ..يالله نشي ....
مشت عليا ووياها شيخه ... وهن يمشن ..شافن ان شله كبيييييييره واقفه صوب السياره ...
عليا يودت أيد شيخه بخوف ...
عليا :: تشوفين اللي أشوفه ...
شيخه :: والخيبه كل وحده شمتنها تقولين كبتتات مب أوادم ...
عليا كفخت شيخه ::وقته استظراف دمج الحينه ..اخاف ننظرب ...
شيخه ::انطبي وامشي ... منو يروم يمد ايده ..جي الدنيا مافيها قانون ؟؟؟
كملن عليا وشيخه طريجهن صوب السياره ...
شيخه سارت صوب البابوعليا صوب الباب الثاني ...عليا دخلت السياره ... بس شيخه يت بتفتح الباب ...
جان تي وحده من البويات وسكرت الباب بالقو ...
منى وهي تتقرب من شيخه::شوفي انا سكت المره الأوليه عشان موزه ..بس شكلج ناويه على عمرج ...
شيخه :: وحليلج انتي ... الظاهر ماعرفتي شو أروم اسويبج انتي وهالشاذات ...
موزه انهدت على شيخه كانت بتظربها بس منى يودتها ...
منى ::حرام عليج تشوهين هالويه الحلو ..خليها انا والشله بنراويها ...
شيخه ::دزت منى وموزه ويابعض بكل قوتها على البويات وبطلت الباب بسرعه وقفلت البيبان ...
شيخه صدت صوب عليا ::تحركي بسرعه ...
عليا ... مااروم ....
شيخه :: شو ماترومين ...
عليا .::ريلي متيبسه زايغه ...
شيخه ::اففففففف انقزي ورى بسرعه انا بسوق السياره ....
عليا وهي تصيح :: شيخووه مب رايمه بموت ...
شيخه وهي تيود عليا من جتفها وتحاول انها تدزها على الكرسي اللي ورى ..
مب وقت خوفج الحينه يالجبانه ... نشي ...
نقزت عليا ورى ..وشيخه لأنها قافله البيبان عن البويات اللي تحاوطوا على السياره وطبيعي مابتروم تنزل فنقزت على كرسي عليا عسب تسوق ...
موزه وهي تركض صوب سيارتها :: ماشي فايده ... منو بيركب سيارتي بلحقهم ...
تحركوا البويات وركبوا سيارة موزه ...
واستوى سباق غير طبيعي في الحديقه :: شيخه كثر ماتقدر كانت تحاول انها تتحاشى البنات ووتحاشى السيايير الين ماتوصل عند اخوها ...
عليا وهي تصيح ::ارتحتي حبيبتي ... هكن لحقونا .. الله يعينا على الظرب ...
شيخه ::انطبي محد بيمد أيده ... بس اسمعيني اول مااوصل صوب سيارة اخويه اقفلي البيبان والحقينا محد بيروم يسوي شي ...
عليا :: يالله بالستر بس ..
وصلت شيخه صوب سيارة خالد ...
ووقفت جدام السياره بالضبط ...
اول ماصلت نزلت وقالت حق عليا بسرعه اقفلي البيبان والحقينا ...
بطلت شيخه باب السياره ونزلت ..
اما عليا فتلاحقت عمرها وقفلت البيبان على طول ...
اول مانزلت شيخه من السياره ..توجهت صوب سيارة اخوها ...
شوي جان تشوف ان سيارة البويات شاحت ووقفت جدامها بالضبط ...
خالد خاف وايد على اخته خاف انها تندعم ..بس تم يشوف شو بيستوي ؟؟ لأن هالسياره مب غريبه عليه ....
شوي ونزلت موزه من السياره ... ونزلت منى وياها ...
موزه مانتبهت ان خالد في السياره ويشوفها ...
في البدايه خالد ماعرفها لأنها لا عباه ولا وقايه وكانت كأنها واحد من الشباب ...بس عقب يوم ركز فيها عرفها انها موزه ....
موزه وهي تتقرب من شيخه وتيودها من رقبتها :: الظاهر انتي مابتستانسين الا يوم بتنظربين ...
شيخه وهي تدفرها :: انتي أيه يالشاذه نشي ..لا انتي ولا عشره من امثالج يرومون يسووبي شي ...
منى :: استح..........
شيخه وهي تقاطعها :: جب انتي ... انتي لو فيج خير جان ماسويتي عمرج واحد من الشباب ... شو الفرق بينج وبين الرياييل ؟؟ مستانسه على عمرج انتي وبنت عمي ؟؟؟ ارتحتن يوم سبلتن بعماركن ؟؟؟
موزه عطت شيخه طراق .. من قوة الظربه شيخه دار راسها وطاحت على سيارة اخوها ...
خالد ماتحمل اكثر نزل من السياره ..ويود موزه من شعرها ...
موزه مانتبهت منو هذا لأنه يودها من ورى ...
منى طبعاً بما أنها واحد من الشباب ...
فصرخت على خالد ::انته أيه نزل أيدك اقولك .. جي جذه ميودنها ؟؟
خالد التفت على منى وهو بعده ميود موزه وصرخ بأعلى صوته ::جب ... انفدي السياره لا أكسر راسج ...
منى :: انته منو ؟؟؟
خالد ماعطاها سالفه ...

 

[عجيد الريم]

مسك موزه ووجه ويهها صوبه ومسكها من ايدها بأقوى ماعنده :: ان مديتي أيدج ثاني مره على اختي والله لا أقصص صبوعج ... تفهمين .
موزه انصدمت ان اللي جدامها خالد ...
تمت تشوفه ومبحلقه عينها مب رايمه تنطق ....
موزه من قوة أيد خالد تمت تصرخ :: خالد هد أيديه جلعتها ...
ماكملت كلامها الا حست بطراق قوي ياينها من خالد ...
خالد :: هذي هي نفسها الصفعه اللي صفعتيها أختي ....
موزه طاحت من قوة صفعة خالد ... وتمت متخاديه مب عارفه شو تسوي ...
خالد توجه صوب اخته ومسكها ... ودخلها السياره ...
شيخه ::خالد .. خل عليا تلحقنا بسيارتها .. لأنها زايغه منهم ...
خالد :: وينها هي ؟؟؟
شيخه :: ام السياره البيضا ...
خالد :: اوكي ...
خالد سار بسيارته صوب سيارة عليا ...
نزل الجامه ..
خالد ::اختي الحقينا بسيارتج بنوصلج بيتكم ...
عليا كانت منزله الجامه ::ان شالله ...


من صوب ثاني وبالتحديد بيت اهل خوله ...
خوله :: مادري ياشوق أحس اني مول مب طايقتنه ..
شوق :: خوله تخبلتي ... الحينه هو شذنبه ؟؟؟
خوله وهي تضحك ضحكة استهزاء ...:: مايخصه ... جي هالبنت بنت منو ؟؟؟ مب بنته ؟؟؟ هو السبب ... قتله مانبا عيال .. لزم وفي راسه الف سيف يبا ياهل ... هكو الياهل وصل ... بس معوق ....
شوق من كثر ماحرجت على خوله فرتها بالمخده اللي عدالها ..
شوق ::انطبي ... حرام عليج تقولين عنها معوقه ...
خوله ::وجي أشرد من شي مأكد ؟؟ هكي جدامكم البنيه .. ماتشوفينها ؟؟؟؟ شوفيها عدل .... بتكبر بس عقلها بيتم مثل ماهو مابيتغير فيه شي ...
شوق :: حرام عليج ياخوله ... قولي الحمدالله .. والله غيرج يتمنى اليهال بس مب ملاقي ...عندج انا أكبر مثال ... من كم سنه معرسه ؟؟؟ كملت 5 سنين ... وودي اليوم قبل باجر بياهل ... بس الله ماكتبلي ...ليش احتج ؟؟؟ ربي يختبرني ... ليش ارفض واجحد ؟؟؟
خوله :: ياختي قولي الحمدالله ماعندج عيال ....ولا تيج ياهل مثل الغلا ...
شوق ::الله يخليها لج ياختي .. والحمدالله على كل حال ...على العموم انا بسير الحينه ..
خوله ::وين العزم ؟؟؟
شوق ::بو الشباب وعدني انه يطلعني عسب يعشيني بسير ويا ماي هزبند ...
خوله ::انزين عيل في دربج قولي حق ستيفان تيبلي موبايلي اخاف ماي هزبند بعد يتصل ...
شوق :: اوووووكيك ..
وباستها على خدها وطلعت سلمت على امها وظهرت من البيت ...



في سيارة خالد ...
عقب ماوصلوا عليا البيت
كانت شيخه طايحه على الكرسي ومقهوووووره من موزه ...
والصوب الثاني كان خالد يسوق بدون مايدري هو وين ساير ...
بس كان يفكر كيف بيعيش مع انسانه مثل موزه ...
انسانه ماتختلف عن الرياييل بشي ...
انسانه مااحترمت عمرها وسوتلها عصابه ....
انا لو ماوصلت أظني كانت بتذبح اختي ....
ماحس خالد بعمره الا وهو ميود أيد اخته ...
شيخه كانت طايحه ومغمضه عينها ...
اول مامسك اخوها ايدها شافته بنص عين ...
شيخه :: بلاك ؟؟؟ مابموت بعدني لا تخاف ...
خالد ::وقتج الحينه تنكتين ؟؟؟
شيخه ::شسوي من القهر ...
خالد ::شو سالفتها هذي ؟؟؟
شيخه ::مسويه عمرها بوي ...
خالد وهو مستغرب :: بوووووي؟؟؟
شيخه ::يعني بمعنى أصح مستريله ... انا سرت وشفت الشاذات اللي هناك .. زين مانتحرت ... يعني معقوله الوحده تمشي وترقم بنيه ؟؟؟ ولا ربيعتها يايه تسألني اذا احب وحده عسب الأخت تبا تحبني ؟؟؟ خالد بالذمه هذا منطق ؟؟؟؟
خالد ضحك ضحكة أستهزاء ...:: والله بنات آخر زمن ...

في بيت راشد ...
كانت ام علي سايره صوب حجرة شيخه ووياها مكنستها ... اول مادخلت .. شافت الحجره معتفسه بكبرها ...
ام علي .. يابوكم ..هذي دومها جذه لايثه ؟؟؟ هذي يوم بتعرس اظني تبى الناس يمشون ويخمون وراها ...
تمت ام علي تنظف وتشلشل الاغراض الطايحه وتردهم مكانهم ...
شوي جان تبطل الكبت ...
حصلت كم قميص ...
ام علي :: ودومج جذه ملبسه هالشعابيط ؟؟؟ شقايل تلبسهم مادري
حست ام علي باللقافه كالعاده وطلعت بنطلون من بناطلين شيخه ...
ام علي :: ويه بتموت من الحر حد يلبس هالصروال ؟؟؟
شوي جان تطلع قميص من القمصان .. ويتها فكره تبا تجرب القميص ..
لبست القميص .. بدون ماتنتبه ان هناك سحاب على الطرف ...
واكيد دخلت أيدها قبل راسها ...ويوم دخلت راسها .. نشب القميص ...
ام علي بأعلى صوتها ... ويه بموت ... نووووووووووره ... سومانااااااااا ... غربلج الله ياسومنا ...الحقوني بمووووووت
...كان راشد في غرفة المكتب ....اول ماسمع امه تصرخ ... يا يركض الحجره كان زايغ ان امه استوابها شي
اول ماشافها مارام أيود عمره ... سار صوبها وهو ميت من الضحك ... حاول يطلع القميص من راسها ....
ام علي ::اتريا يتني عصبه في رقبتي شوي شوي ...
راشد :: يامي الله يهديج شلج بقميص البنيه ... حد يلبس قميص فوق الكندوره ؟؟؟
ام علي ::طب ثمك واسحب القميص وانته ساكت لا أقص لسانك ...
راشد وهو بعده يضحك:: ان شالله امي ..
اول ماسحب القميص من راس امه ...
ام علي :: وين حرمتك ؟؟؟
راشد ::جي ؟؟؟
ام علي ::ازقرها تفرك رقبتي بفكس ؟؟؟ يابوك هذي بنتك اظربها لا تخليها تلبس هالشعابيط ...
راشد ::وانتي جي تتعبثين باغراضها وتلبسين ثيابها ؟؟؟
ام علي وهي تكفخه .. :: اوص جب ... عن طولة اللسان سر أزقر حرمتك بسرعه ...
راشد :: ان شالله امي ...
طلع راشد وهو يضحك من الحجره ويهز راسه ... سار زقر حرمته .. ويت ووياها الفكس وتمت تفرك عمتها ام ريلها ...

 

[عجيد الريم]

الساعه 10 ونص ....
كان حمد هاك الوقت ساير صوب حرمته عسب يردها البيت ....
حاول انه يبعد فكرة ان حرمته تعبانه ..وقرر انه يهتم ببنته وحرمته كثر مايقدر عشان مايخسرهم ...
وهو في الدرب اتصل في حرمته ..
خوله اول ماشافت رقمه تأففت منه ...
ردت على التيلفون وهي لايعه جبدها منه ...
خوله ::ألو ...
حمد ::هلا وغلا بحرمتي فديتها .. يالله عاد بسكم تولهت عليكم ...
يالله الحينه صوبكم ... اطلعولي برع
خوله وهي محرجه :: انا ماقتلك مر عليه وقت متأخر جي ياي الحينه ؟؟؟
حمد انصدم من رد حرمته ...
حمد :: انا ماادري قلت يمكن مليتي هناك وتبين تردين ...
خوله :: وجي أمل بيت اهلي ؟؟؟ اليلسه هنه أرحم من اليلسه عندك في البيت ... اففففففففف انا مالي بارض ارمسك وايد يالله الحينه طالعه ...
وسكرت الخط في ويهه ...
حمد وهو مصدوم ويشوف التيلفون ... بلاها هذي شو قلتلها الحينه عسب تنجلب عليه جذه ؟؟؟

هالوقت وصل خالد البيت ...
كانت شيخه حاطه راسها وراقده على السيت ...
خالد التفت عليها ... استحى يواعيها حس انها تعبانه وتبغير ترقد مب هاينه عليه اخته ...
بس شو بيسوي مب معقوله يخليها الين الحينه راقده ...
خالد ... شيخه .... شيخه ...
شيخه انتبهت ان اخوها يزقرها ....
شيخه بطلت عينها ... وتمت تشوف اخوها ...
خالد :: يالله وصلنا البيت ...
شيخه .. اوكي...
نزل خالد وبطل الباب حق اخته ...
نزلت شيخه ودخلت داخل البيت ....
وهم داخلين ...
شافوا يدتهم يالسه في الصاله ....
ام علي ::الحمدالله على السلامه ... جان تأخرتوا بعد شوي ؟؟؟ بعده وقت ...
خالد ::: الله يعيننا الحينه على لسان يدتج ...
شيخه وهي تصاصر اخوها :: الحمدالله ان الشله مب وياها ولا بتكمل ...
ام علي :: انتوا ايه جني الا ارمسكم ؟؟؟ صمخان ؟؟؟
شيخه وهي تحاول ترقع الموقف سارت صوب يدتها ... :: أأأأأأأأأ هلالالالالالالا يدووووووه ..شخبارج ؟؟شعلومج ...؟؟شو مسويه ... يالله ياني متولهه عليج ...
ام علي :: جب يالله جب ... بسج لواته جي متأخرين الين الحينه ؟؟؟
خالد :: شيخه كانت في الحديقه وياربعها ماطاعت تطلع الا يوم اتصلت وترجيتها تطلع ..
شيخه التفتت على اخوها وهي مبطله عينها :: يالنذل ... انا ؟؟؟
ام علي شلت مكنستها وكفخت شيخه :: مسودة الويه ... الين الحينه ويالبنيات في الحديقه ؟؟ ماتستحين ؟؟؟
شيخه :: امي والله من متى طالعين من أذان المغرب بس الدرب زحمه ...
تم علي ::بس هذا اللي احصله منكم ..كل واحد يجذب من صوب ..بس ان ماخبرت ابوكم ... مسودين الويه تتأخرون الين هالوقت .. والله لو أن الشور في أيديي جان هالباب ماتخطيتووه ... حسبي الله على بليسكم ...
يالله كل واحد جدامي حجرته .. واللي بشوفه يمشي في الصاله بكسر ريوله ..
شيخه ::وجي حظر التجول مالج هذا ان شالله ؟؟؟
ام علي ::بعد مسودة الويه تطولين لسانج ...؟؟؟ يالله انفدي حجرتج يالله ... وانته بعد يالله حجرتك ... مابا اشوف حد منكم ...
شيخه ::اووووووووووووكي ياام علي ...
التفتت شيخه على خالد ..:: خالد
خالد :: هاااااااااه
تعال نتسابق ...
خالد ::يالله ...
شيخه :: واااااااااااااحد ... اثنيييييييييييييييييييين ..ثلاث ...
وكل واحد ركض على الدري وخالد غلب شيخه ... ووصل حجرته ورض بالباب بأقوى ماعنده ...
وشيخه بعد .. نفس الشي ..
ام علي من تحت :: غرررررررررررربلات بليسكم بتطيحون ... حسبي الله عليكم مسودين الويه .... مب منكم من أهلكم اللي عاطينكم ويه ...

في غرفة شيخه ...
دخلت شيخه غرفتها وهي تضحك على اللي صار ...
تمت متسانده على الباب الين ماتخذ نفسها شوي ...
شوي واختفت ابتسامة شيخه .. تذكرت بنت عمها واللي سوته ..
فتحت شعرها وفرت الشنطه من ايدها وطاحت على الشبريه ...
تمت طايحه يمكن لمدة عشر دقايق وتفكيرها كله منصب على موزه وليش سوت جذه ؟؟؟
شوي تذكرت انها ماصلت لا المغرب ولا العشا ....
نشت وسارت صوب الكبت عسب تظهرلها بجامه
وهي سايره صوب الكبت بطلت اللابتوب ... عسب تسير تجهز عمرها وتصلي وعقب تتفيج للمنتديات .. وللمسنجر
...

اما في غرفة خالد ...
كان خالد هاك الوقت يصلي بعد العشا ... لأنه مالحق يسير المسيد ...
عقب ماخلص صلاته ..
انسدح على فراشه ...
رد راسه لورى
غمض عينه وشاف جدامه صورة ابوه وكيف كان شكله الصبح وهو يقوله لازم تاخذ بنت عمك ..
خالد ::كيف اواجهك يابويه واقولك مااباها ..
كيف اقولك اني بكون اتعس شخص في هالكون جان خذت موزه ؟؟؟
كيف بقولك اني احب وحده ثانيه وودي انها تكون ملكي ....
هاللحظه خطرت على باله مروه ...
مسك التيلفون وده انه يتصل فيها ...
بس عقب غير رايه وطرش لها هالمسج ..
"" مستحيل اتخلى عنج ""

ونرجع لغرفة شيخه ...
كانت شيخه توها مخلصه الصلاه ...
سارت صوب الكمبيوتر وفتحت المسنجر على طول ...
تمت يالسه تجيك على الأيميل وتشوف شو آخر الأخبار عند الشله ..
وهي تتنقل من موقع الين موقع ...
فجأه شافت ان شخص دخل المسنجر ...
تذكرت ان هالأيميل ايميل محمد ولد عمها ...
حست هالدقيقه بالذات انها كارهتنه ...
مب طايقه حتى انها تسلم عليه ..
طنشته ولا كأنه موجود ..
ولفترة الساعه تموا ساكتين ..
والساعه 2 المسا صارت هالمحادثه من بينهم ....

 

[عجيد الريم]

سكرت شيخه المسنجر على طول ..

حست ان قلبها صدق يدق من الخاطر ...

ياترى ..

شو هي التطورات اليديده .؟؟؟

شو موقف خالد من موضوع موزه ؟؟؟
وشيخه ..هل بتعاقب محمد ؟؟؟
خوله ...شو قصتها ؟؟؟ وهل بيكون في قصتنا ضحيه يديده ؟؟؟
موزه .. هل هالموقف بيغير شي فيها ؟؟؟
تساؤلات ممكن اننا نلقالها جواب في الأجزاء الجديده

والسموحه ...