السلام عليكم ورحمة الله وبركاته
خواتي في هذا المنتدى الطيب اتمنى كل وحده تقرى الي بكتبه لان الي بكتبه شوية بحق اختي وصديقتي الي شاركتني سنه
معاي بدوامي احنا نشتغل بمدرسة متوسطه بنات..........
تخيلوا كنت كل ما اجي الصبح الدوام..........
الاقيها موجوده انا معاها نجي مبجر كنا ملتزمين بدوام ومانغيب كلش وكنا نوقع حق في بعض المرات
ومافي قلوبنا حقد او كراهيه او مصلحتي وبس لالالا كلش ماكانت هالاشياء موجوده بينا ..............
كانت مرات تقول ان الابله
الفلانيه ضايقتها او اي شي بس كنت ............
اصبرها على هشي هذا وكانت تقتنع كنت انا معاها مانغيب ولازم انداوم مع ان اهي غير تخصصي وشغلي بالمدرسه
كانت تسلم على الابلات وتبتسم كانت هاللانسانه على نياتها قلبها ابيض حيييييييل حييييل اتذكر دايما تقولي انتي تعرفين اشلون
اتصرفين امن انا على نياتي وكنت اعلمها سبحان الله ..........
مع ان المدرسه كانت تكرفهاااا مسكينه وكانت صابره حيييل هالانسانه اتذكر لمن كانت تاكل واتذكر لمن بجت واتذكر
لمن كانت تضحك حتن ضحكتها عجيبه اتذكر لمن كانت تجيب مطاره القهوى وتقولي انتي اول وحده تشربين منها واتذكر
لمن كانت تجيب حلاااا واتذكر كل شي سبحان الله حتن مشيتها اتذكرهاا لان كانت تسوي حركات تضحكنا واتذكر لمن
كانت ترقص وكنا نضحك سبحااان الله بس هالانسانه كانت حزينه من دااخل برغم من انها كانت تضحك كانت حزينه وماتبين
هشي لنااا وكانت فيها ميزة انها ماتجذب كلش ولالالا تباهي يعني رحت السوووق الفلاني يعني راحتله
يعني سبحان الله وكانت من النااس الي تستغفر ربهااا وايد وتصلي وتصووم ماشالله عليهااا يعني ذكريات مستحيل ننساها
ومع انها اول سنه لوظيفتها ..........وتدرووون يابنات قبل لا تتوفى بيووم كانت دازتلي مسج كاتبه فيه يااربي اشووفج
عروووس ...........
و كانت عندها امنيه وحده انها تشوف ولدها
6 مادري 7 سنوات ماشافته لان اهي كانت مطلقه من ريلها وماكانت تشوف ولدها وكانت اتقولي لووشافني الحين ولدي
ماراح يعرفني ودايم تقوولي اتوقعين بشووفه يووم من الايام ........
ياسبحان الله دنيا وكنت متفقه انا وياها ان ناخذ اجازة هالسنه هذي لان ماخذنا من قبل
سبحان الله صج الدنيا اخذت منااااا اعز اخت بهدنيااااا لكن بقلووبنا مابننساها بدعااااء
ماقول الا لا حوله ولا قوة الا بالله العلي العظيم وحسبي الله ونعم الوكيل
اختكم : لحظه فرح
تدرين شلي حاز بخاطري يالحظة فرح
انكم ودعتوهااااا اخر يوم دوام وانا لا
لاني كنت بإجازة
اذا كنتي تذكرينها كل صبح
انا عكسج اتذكرها لما اطلع من الدوام وتكون معاي بنفس الطريق
بسيارتهم الصغبرة السلفر
اتذكر كل يوم لمن اسابق سايقهم
اتذكر لمن اتخانقني ثاني يوم وتقول تركدي
اتدكر لمن اقولها ليش ما تسوقين
وثقولي اخاف
اتذكر اول يوم لها تعيين
اتذكر انها ولا يوم خذت عرضي
اتذكر حلوها وقهوتها
اتذكر عبرتها لمن يسألونها عن ولدها
الله يرحمج يامنيفة
ويغفر لج
...........محد حاسب زوجها انها مانع عنها ولدها ؟؟!! ........ظلم 
