ذكرياتك الحلوه بالسفر ؟؟ شنهي شاركيني تعالي بنسولف شوي

[شهدQ]

طبعا كل وحده تسافر تصيرلها ذكريات حلوه بالسفر

انا اليوم بتعرف على ذكرياتكم واكيد من خلال ذكرياتكم

راح انتعرف على مميزات وعيوب البلدان حول العالم


دوله حلوه وعجبتك شنو احلى مافيها من ذكريات

واسوء دوله ومافيها من ذكريات


وين ودك تصيفين هالسنه اذا حصل نصيب واصرفو المنحة


يالله تعالو خلينا نسوي اول موضوع دردشة يتكلم عن سياحة بنات الكويت برى


واكثر دوله يتمتعون فيها بنات ديرتي ويحبون يستعيدون ذكرياتهم عنها


منو تبدأ ؟؟؟؟؟؟؟؟........

 

[H.Heavn]

مشاركة: ذكرياتك الحلوه بالسفر ؟؟ شنهي شاركيني تعالي بنسولف شوي

ايييه يا شهد ذكرتينا بالذي مضى! من احلى واورع ذكريات السفر بالنسبة لي اهو لمن كنت انا وامي وابوي وخواتي نسافر مع بعض كل سنة لندن، واحلى سفرتين من هالسفرات اهو لمن انا كنت صغيرة وكنا نروح لندن زو وبلاك بول ومتحف الشمع وما الى ذلك وسفرة صارت قبل جم سنة لمن ابوي مسكين صار فيه ديسك وراح يتعالج بلندن. السفرة الثانية تونس اكثر لان بالنسبة للعايلة هالسفرة كانت اول سفرة من اكثر من خمس سنين نرجع نرد نسافر مع بعض والاحلى من ذالك كانت اختي المتزوجة مسافرة ويانا ويا ولدها الصغير وكان وقته عمره اربع اشهر. اسوأ سفرة بالنسبة لي اهي لمن امي الله يسامحها قصبني (قصبن عليج وما بقا اغراء ما سوته لي!!!) اني اروح مصر! في الواقع امي قصبتني ثلاث مرات اني اروح مصر مصر يبيله قروب بنات تروحون مع بعض عشان تكون السفرة اونس ولا اشرايج؟

 

[شهدQ]

مشاركة: ذكرياتك الحلوه بالسفر ؟؟ شنهي شاركيني تعالي بنسولف شوي

صحيح حبييتي مصر ام الدنيا وحلاتها بالجمعه واللمه او روحه مع شريك الحياة هم تصير ونيسه

بس تدرين هالسنه مصر اغلب الناس بيصرفون النظر عنها بسبب اكتشاف 7 حالات انفلونزا الطيور عندهم

خو مصري وعنده انفلونزا الطيور يوكلك الطير وتدفعين احسن مايقطه بالزباله هههههههههه ينخاف منهم


لندن انا مارحتلها بس سمعت انها حلوووه بس ماادري ليش اتشائم لما اسمع طاريها ولا طرت على بالي اروحله


ماليزيا قمه بالروووعه وونيسه حيل وماتحسين بغربه روووعه شوي عليها وفعلا ذكرياتي حلووه فيها خصوصا السوق الصيني والجزيره يبانيغ فعلا ممتعه


اما عن هالسنه على حسب الميزانية وانتظار صرف المنحه ......؟

 

[طوق البنفسج]

مشاركة: ذكرياتك الحلوه بالسفر ؟؟ شنهي شاركيني تعالي بنسولف شوي

انا بالنسبه لي الحمدالله كل سفراتي استانس فيها بس احلى شي النمسا ياربي صح جنه الله بالارض اتينن مع انها غاليه نااار بس تسوى بصراحه

الي ماحبيتها لبنان على كثر ما اناس امدحت فيها رحنالها 10 ايام لاعت جبدنا مادري الناس على شنو مستانسين كلش ماتونس ولا بحمدون المحطه شارع اربع قهاوي و ذبحه عليه كان يم فندقنا ولا قعدنا عليه صج ما افكر اروح لها مره ثانيه

هالصيف انشالله ناوين على رومانيا و ربعها و الله يسهل انشالله

 

[H.Heavn]

مشاركة: ذكرياتك الحلوه بالسفر ؟؟ شنهي شاركيني تعالي بنسولف شوي

والله يختج كلنا ناطرين المنحة عشان نسافر خاصة اني بخاطري اروح اغامر شوي. الله يا انا بخاطري اروح شرق اسيا وخاصة ماليزيا ولندن حلوة بس لو تروحين الحين جنجد رايحة البصرة مو لندن؟!؟!

 

[شهدQ]

مشاركة: ذكرياتك الحلوه بالسفر ؟؟ شنهي شاركيني تعالي بنسولف شوي

تدرين جربي ماليزيا راح تعجبك رووعه وحيل تسانسين فيها واحلى مافيها متروسه اماكن يعني جدولك دايما مزحووم

 

[شهدQ]

مشاركة: ذكرياتك الحلوه بالسفر ؟؟ شنهي شاركيني تعالي بنسولف شوي

تدرين جربي ماليزيا راح تعجبك رووعه وحيل تسانسين فيها واحلى مافيها متروسه اماكن يعني جدولك دايما مزحووم