ذبحني بالبكاء طفلي رضيع شنو اسوي

[qazlaan]

خواتي انا توني والده قبل ٣ اسابيع وولدي الله يهديه ارضعه طبيعي رضاعة صدري بس المشكله يبكي وايد بالليل مافي نوم نقضي سهر انا وياه في الفترة الصباحية والمسائية ينام بس اذا قام يعني انا قمت يبكي بكي يسمعه كل الناس والجيران لما اشيله يسكت انا دايما اذا بكى اشيله وارضعه فهل تعود على شيله اني اشيله كلما بكى ولا حليب صدري مايشبعه وبعد مو راضي ياخذ مني مصاصة ابيه يتعود واسكت فيه لما يبكي ابي احد يساعدني ويرد على اسئلتي ويقولي شنو مشكلة ولدي هو صحته الحمدالله زين فساعدوني بنات

 

[عنووشه]

اول شي الحمدالله على سلامتج



ثاني شي هذا طفل الاربعين داااااااايم جذي نومه لين يكمل شهرين ويتعدل نومه كل مايكبر



كل الاطفال جذي اول ما ينولدون لا تخافين


وكل اشوي حطيه على بطنه بس ما يطيح سره عشان ترى بطنه يمغصه من الجلاب اللي يحطونه على سرته



وماتشوفين شر لا انتي ولا البيبي

 

[ظبيه البراري]

عنده غازات دهني بطنه زيت زيتون ونيميه علئ بطنه الله يحفظه لك

 

[شوق الجازي]

الحمدالله على سلاامتج

حبيتي اكيييد الغازاات بس مثل مااقالو لج خوااتي دهنيه بزيت الزيتون ودفيه

وداايماا نووميه على بطنه هالحركه تريحه واايد

والله يخليه لج

 

[هيبة الطاووس]

رد : ذبحني بالبكاء طفلي رضيع شنو اسوي

اذا ترضعينه طبيعي من وين يت له الغازات حبيبتي البيبي طبيعي يبجي بسبب رطوبه
داخل جوف الراس والبجي يطلع الرطوبه بره وبعدين لا تنومينه على بطنه هذا بيبي ياللا يتنفس
يمكن اسم الله عليه يقطع النفس عنده اذا نام على بطنه .

عودي نفسج تنامين على نومته وتقعدين معاه
وسوي له شنو اللي متعود عليه أريحلج ومو دايم البجي ترا يكون عن مرض
هو ما يعرف غير البجي مرات يضحك وهو يبجي ولا تعلمينه على المصاصه ترا بنتي مطلعه عيني منها
بس تطيح تفز تبجي من النوم وتشوفيني كل ثانيه قايمه وقاعده بسببها والله مرات أدوخ من كثر القومه والقعده

 

[هيبة الطاووس]

رد : ذبحني بالبكاء طفلي رضيع شنو اسوي

صج نسيت وقت النومه حضني اليبي صوب صدرج
وطقي خفيف صوب الحفاظه من تحت دقات خفيفه تلقينه شوي شوي
يسكت ترا آنا أم يديده وتعلمت شوي شوي

الله يخلي البيبي لج

 

[om Firas]

يمكن ولدي يشكي من الغازات عطيه ماي غريب واايد يريح البيبي ويخليه يخدر وينام فتره اطول
وحمدلله على سلامتج