ذبحني التفكير حامل وعقدني السونار مساعدة ولو بدعوة

[بنت الارسنال]

الله يعوضج عاجلا غير اجلا يارب

 

[dana_kuwait]

قل لن يصيبنا الا ما كتب الله لنا .. عليج بالدعاء والله يثبته انشاءالله ويخيب ضنهم ويبين النبض ياااااااااارب وترى مايبين النبض الا بالاسبوع الثامن تقريبا نطري شوي وانشاءالله ماكو الا العافيه وطمنينا عليج اول بأول

 

[مس ميشو]

السلام...
والله قصتج تعور القلب و توتر الي ما يتوتر بس تاكدي انه كل اللي الله يكتبة خير انشاء الله و الله يرزقج انشاء الله الذرية الصالحة....

والله اتمم و اسهل عالجميع

 

[حلوةومرتبطة]

شوفي حبيبتي الي الله كاتبه بيصير فوضي امرج لله و توكلي عليه ، بقولج انتي مثل فصتي بس انا غير عنج بشوي بس ما ودي احبطج
ترى الحمل فاسد ادعي اذا الله كاتبه لج يثبته و اذا لا ينزل و يعوض عليج و يفرح قلبج بالحمال قلبي عندج و الله يسهلها

 

[<<لمار>>]

روحى حق دكتور شاطر وثقة ومن راى حازم ارميح وسوفى شنو راية وبعدها وكلى امرج لرب العالمين وعسى ربى يرزقج الذرية الصالحة

 

[سهم الليل]

السلام عليكم

مشكورين كل الي ردو ودعو لي

ربي يفرج عليكم دنيا وأخرة


طبعا اليوم ريلي أصر أني اروح الصباح

المهم رحت وطلبو تحليل هرمون الحمل سويته

وطلع 5453

يعني نزل وايد عن الثلاث الاسابيع الماضية

لا تعصبون علي هم طلبو مني سونار قلت لهم كنت مسوية أمس قالو لازم

المهم نفس كلام الباجي الجنين توقف عن عمر 6 اسابيع ويومين

وكيس الحمل بروحه الي يكبر يعني الحين مضبوط 11 اسبوع 3 ايام

قالوا لي ما راح نسوي لج شي نطري ينزل بروحه

نفس الكلام كلهم محد راضي ينزله لي ولا يسوون تنظيفات

لا العيادات الخاصة الي همهم الفلوس رضو

ولا الحكومة الي على طول يدشون الواحد المستشفى ويسون له العملية حتى لو مو محتاج ولا يخلونه شهور ينطر دوره

كلهم رفضوا
المهم

بحاول اشرب شي دافى وامشي على طول واشتغل وأنطط واصعد وانزل من الدري

شسوي ماكو الا هالحل

اي صج هم سوا لي اليوم تحليل cbc وتحليل التجلط وقالو كل اسبوع سويه لمن ينزل الحمل


يالله هانت مادام وصل 5000 وشوي معناته ان الهرمون بنزل كل اسبوع

يعني على شهر 7 الفرج

مشكورين على دعواتكم

 

[84 Miss Chocolate]

والله مادري بس الله يسهل علييج و يرزقج بالذريه الصالحه يارب

 

[الحلوه الأموره]

الله يسهل عليج يارب ... انا اقول لا تشربين لا شي حار ولا شي ... ماتدرين "يحي العظام وهي رميم"

بعدين اذا ماكو امل راح ينزل بروحه بدون مناطط ولا شي ... وقولي الحمدلله دوووم

وعسى ربي يرزقج يارب بأقرب وقت

الله يصبرج ويصبر زوجج ... والخيره فيم اختاره الله

الله يسهل لج حبيبتي ويرزقج ويرزق كلمن يبي الحمل

 

[درة أهل الطولات]

ما فهمت شي


الله يعينج

 

[@ Om Ali @]

يا بعد عمري الله يعوض عليج وتحملين قريب ان شاءالله

كثري من الاستغفار وقراءة سورة البقرة والله شي عجيب

 

[حشمه]

دام قالج الدكتور بالحكومه جذي خلاص

نطري لين الله يكتب انه ينزل

وحاولي تشربين زعتر ودارسين والله يسهل عليج ان شالله

ويعوضج ان شالله بالحمال الصحيح

 

[دموع السحاب]

يماااا

مطري شهر 7 يمكن يبين النبض؟؟؟


مادري و الله الله يفرح عينج بالذريه الصالحه

 

[سهم الليل]

السلام عليكم ورحمة الله وبركاته


حبيباتي الي دعو لي مشكورين

ربي يوفقكم الى كل خير

وربي يعوضني

الحمدلله لقد تم الاجهاض على خير

والجنين طلع متوفي والله العالم شنو السبب

هم طلعت فصيلة دمي سالبة وزوجي موجبة

واخذت ابرة لانهم خافو يأثر على الحمل القادم

الله يعلم يمكن موت الجنين بسبب اختلاف فصيلة الدم وكانو خايفين ان جسمي كون اجسام مضادة

لني سليمة وزوجي سليم وصار تأخير بالحمل لمدة 3 سنوات

وكتب ربي لي الحمل هذا الشهر ولأول مرة اعلم أن فصيلة دمي ساااااالبة حيث كانت بالهوية موجبة

وتغيرت شلون مادري

المهم مشكورين كلكم والله يعوضني بالحمل السليم المعافى ان شاء الله

 

[سهم الليل]

حبيباتي ادعو لي اني أحمل الشهر الي ياي ولا الي بعده

لني والله من شفت العوار مال الطلق والاجهاض صج صعب بس هم خلاني ابي أحمل

لأنه فطرة من رب العالمين الأمومة رغم التعب


صج ودي احمل لأنها لحظات صج صعبة بس الحلو فيها ان بعدها تشوفين جنينج بين ايدج ربي يتمم عليكم


أخواتي الحمل ويأجركم على كل لحظة ألم ويغفر لكم ويطهركم

ويكتب لنا الي فيه الخير يارب

لا تنسوني

 

[Q.8.h]

انا اعرف وحده بالرابع مات الياهل في بطنها وقالو لها عيشي حياتج طبيعية واذا حسيتي بعوار تعالي فسبحان الله نفس اليوم كانت تشتغل في البيت ولا اييها العوار وهي مسكينه اربع شهور فكان ولادة بس ان ميت فاكيد راح ينزل بروحه ونطري مثل ما قالو الدكاتره

والله يعوضج خير يارب

 

[سهم الليل]

اختي

انا الحمدلله أجهضت وربي يعوضني ان شاء الله

خلاص مافي نطرة


ان شاء الله سهالة المرة الياية

 

[fluffy]

الخيره فيما اختاره الله

الله يصبر قلبج ويكتب لج اللي فيه الخير

 

[<<لمار>>]

ربى يعوضج بالذرية صالحة ويرزقج ويرزق كل محرومة من امة محمد والحمد الله انة عرفوا السبب عشان الحملة الياية تكمل على خير وانتى اهتمى بنفسج ورحى نفسيتج ترى النفسية تاثر

 

[مس هنادي]

ان شاء الله ربي يعوضج خير وتبشرينا الشهر الياي بالحمل
ياااااااااااااااااااااااارب

 

[سهم الليل]

مشكورين على الدعاء

سبحانه أرحم الراحمين وكل شي منه حلو


ربي يكتب لنا الي فيه الخير ويتمم علينا نعمته