ذبحني الأرق منو عندها حل ؟؟!

[mĬŝ∫Řξξm]

توضي +استغفري تدرين انا ااذا ماجاني النووم بس استغفر ولااحس بنفسي الا اليوم الثاني !
وربي اعجوبه الاستغفار سبحانك ياربي مأعظمكـ!

 

[راتشيل]

انا نفس حلتج قبل بس خذت حبوب منوم بس لمدة شهر وبعدين قدرت انام عادل بدون حبوب​

 

[تُخْفِي غَلَاها]

,’


لا اله الا الله
اكــــــــثري من الاســــتغفار و شغلي القــــــــران قبــــل لا تنـــــــامين
الله يــــــــــــمسح على قلبج حـــــبيتي ويشرح صدرج من كل ضــــــق


.,​

 

[Brown Suger }..]

مششكورين بنات ماتقصرون حبايبي ,,

منو تعرف أعشاب زينه و مجربه تساعد عالنوم أو تريح الأعصاب بليييز !!؟

 

[لمى الهاجري]

هاي تجمع بنات دشوه http://www.q8yat.com/t1017144.html

 

[Patcholli]

حبيبتي اكيد في شي شاغلج ساعات ماتحسين فيه بس يكون فعلا في شي شاغلج

انا مثلج عانيت من الارق والصراحه مالقيتله حل بروحه يالي وبروحه راح

جربت بعض الاشياء يمكن اهي اللي خلت الارق يروح عني ..

اولشي غيرت كفر فراشي شريت واحد يديد وناعم والوانه هاديه

غيرت اضائه الغرفه كنت انام بالخرمس الحين قمت احط اضائه خافته

شريتلي عطر ناعم وخليته خاص حق وقت النوم وصرت من اشمه احس انه فعلا الحين وقت النوم

كنت اخذ شاور قبل لا انام والبس بجامه يديده ونظيفه

قبل النوم كنت اقرى سورة البقره وفعلا قبل لا اخلصها انا دايخه واحط راسي وانام ..

 

[Horror Lady]

نفس الحاآلة

اب اب

 

[شندوخه]

حبيبتي والله ذكرتيني بنفسي ولي يومج ارق مستمر مانام الا باديه للارق
بس جربي هالاعشاب وايد حلوه

بابونج ويانسون مليسه
نقعيهم في مطاره وشربي منهم من يبلش المغرب

 

[^^roma^^]

انا لما يصير فيني ارق وعندي دوام اضطر اكل منوم​

 

[Green tea 93]

قبل النوم لا تفكرين بشي و عودي نفسج كل يوم مثلا الساعه 10 انتي بالفراش مطفيه الليتات و مشغله قرآن و بعدي الالكترونيات عنج قبل النوم عشان المخ يتهيأ للنوم

و قبلها شربي كوب نعناع كا تدرين شكثر يدوخ اهو و اللبن و لا روب

لا تخلين هذا شغلج الشاغل و قولي ادعية قبل النوم و قولي هذا الدعاء اللهح غارت النجوم و هدأت العيون و انت حي قيوم لا تأخذك سنة و لا نوم اهدئ نومي و انم عيني

 

[حكاية رحيل]

مشروبات بتساعدكم في علاج الارق قبل النوم


قبل أبدأ بسرد طرق العلاج المختلفة يجب عليك :

1-قراءة ما تيسر لك من القران الكريم.
2-الا تفكر أبدآ بالأدوية المنومة للآثارها الجانبية التي لا يحمد عقباها.
3-تجنب شرب الشاي والقهوة قبل موعد النوم بعدة ساعات.

1-مشروب القرنفل:

تنقع ملعقة صغيرة من حبات القرنفل المكسرة في كوب من الماء المغلي، ويترك منقوعآ لمدة 10 دقائق ثم يشرب قبل ميعاد النوم.

2-مشروب الكمون:

يغلى 10 جرامات من مسحوق الكمون في ربع لتر ماء ويشرب قبل ميعاد النوم.

3-عصير التفاح:

يشرب كوب من عصير التفاح الطبيعي قبل ميعاد النوم.

4-مشروب اليانسون:تنقع بذور اليانسون في كوب حليب ساخن لفترة من الوقت، ثم يشرب قبل ميعاد النوم.

5-خل التفاح بالعسل:
يضاف 3 ملاعق من خل التفاح إلى كوب من العسل الطبيعي ويؤخذ منه ملعقات قبل النوم.



تحياتي

 

[لعشقي روآيه]

الله يشفيك غناتي..

حاولي تقومين الليل(صلآه الليل)

وتقرأين القرآن..

 

[ŦSЩД3УФИУ]

شـؤؤفــــي هـالمقطـع من محاظرة
للشييخ خالد الجبير بعنوان : عندك أرق ؟

http://www.youtube.com/watch?v=xi8cZP04kPI&feature=youtube_gdata_player

 

[molten cake]

اذا جربتي شي وفاد ..بليز دزيلي عالخاص... انا بعد اعاني بس من سنين مو اسبوعين