ذبحــــــــــني التفكير ...!!

[‏ḾĭŜŝ•»ậήảツ«]

السـلامٌ عليكم ..

صبـــــــــاح النور والسرور :eh_s(17):

مدري كيف أبدى وأقول سالفتي هي مو مشكله لا بسسٌ شىء يحير ويملل ..!!:eh_s(10):

أنا تقدم لي شاب بشهر 6 أخطبتني أخته له كلمت الوالدهـ وقالتلنا انو عن طريق ناس جايين من

بعيدَ وقالت لاأمي ردي لنا خبر قالت أمي أوكي بنســأل وبنرد ومن عقبها بااقل من اسبوع دقت تقول

طولتوا علينا بالرد المهم امي قالت خلاص خلي اخوك يدق على ابوهـا ويتفاهمـ معه َ,,,

ودق الولد على الوالد وقاله بعد يومين بكونً عندك لاني بعيد وهو فعلنا مو قريب من نفس منطقتنا

ومن عقبها اخته تقول للناس اللي جايين عن طريقهم انو أم البنت مادقت قالت تعالوا عندنا وشوفوا

البنت ,, الوالدهـ ردت على اللي دلتهم علينا وقالت خليهم يجون حياهمـ الله في اي وقت :eh_s(15):

والحين بنتم شهر وهم لا دقوا ولا ردووا خبر أحس روحي مليت من هالموضوع الكل يسألني وش

صار وش صار ..؟ وبنفس هيك موضع ماتدري تقولين ايه أو لا ً

وبنفس هالفتره بنت عمتي أخطبتني لا أخوها بسسُ لسسه ماتوظف ..!!

علموني وش اسوي وأمي مو راضيه تكلمهم وتقول حياكم وشكلهم ينتظرون امي هيك واضح

شنو الحل بنظركمـ ..؟؟ ماســــــــــألتكم الا حاطه أملي في الله ثم فيكم خواتي ..

:yaaaaaarb:​

 

[Tom ♥ Jerry]

.



حبيبتي يمكن مآكو نصيب هونوآ !
في ناس جذي مآ يدقون يقولون مآكو نصيب :/
يحقرون !!! لا تعلقين نفسج عشانهم ..

روحي بنصيبج حياتي
آلله يوفقج :*

 

[BaiTotia]

مع توم في ناس مايردون يدقون يقولون ماكو نصيب يمكن يحسونها إحراج

 

[روانتي 12]

شوفي حبيبتي انتي غلطانة يوم علمتي ناس ان المفروض ماتقولين الين مايتم كل شي . .
اما وضعج الحين خلي الوالد يدق يقول بتجون او لا . . لان في ناس متقدمة لبنتي . . حيرتونا بتجون او لا !
ما اشوف فيها شي . . والله يكتبلج الي فيةة الخير . . !

 

[‏ḾĭŜŝ•»ậήảツ«]

مشكورات خواتي على الردود

بسسُ هون المشكله ً أهلي معاندين أنو يكلمون ويقولون مانبغى نرخص ببنتنا نعتبر لو دقينا عليهمـ أهــــــــانه

مو أنـا اللي علمت الناس الوالدهـ قالت لاأقاربي يسألون وهم ماقصروا انشروا السالفه ...

بسسُ بسـألكمـ الاستخارهـ لها دور في هالشىءَ لاني صليت الاستخارهـ 3 مرات وكنت بجد مبسوطه من هالخطبه ...

أستحي أفاتح أهلي أو أقولهم كلمو وتأكدوا بجديه ماابيهم يفكرون أني ملهوفه على الزواج ,,

ويعطيكمـ ألف عافيه على الردود ...

 

[Vous jamais]

الله يعينج على التفكير

حبيبتي ريحي بالج دام صليتي استخارة لو فيه خير

ربي بيقربه و لو فيه شر ربي بيعده

والله يرزقج الزوج الصالح الفالح الهين اللين التقي النقي

 

[فيفي محمد]

اهلج صح وجهة نضرهم يحبيبتي اذا دقوا يبين انهم قاطين روحهم

 

[الزورق222]

الله يعينج على التفكير ..

 

[جلكسي بالمكسرات]

حبيبتي صار كذا مع بنت عمي
وكانت تقول احس نفسي معلقه
وأنا جاتني شكوك أنهم ما يجون
بس الحمدالله تقدموا رسمي وهي الحين متزوجه من سنه
توكلي على الله وأدعي أن اذا فيه خير لك يجيبه
وإن رده الله فهو اكيد اكيد اكييييييييييييييييييد خير لك
بالتوفيق ياااااااااااارب وفرحينا بخطوبتك الرسمية

 

[غلآ نوآف]

انطري وعادي مافيها شي
ولو احد سال قولي مادري
عيب ترا البنت تتكلم بهذي الامور مع الناس وترد وتجاوب ع اسئلتهم الي ماتخلص
والي هو من نصيبج راح تاخذينه
ف لاتستعجلي الامور
وخليها ع الله
افضل لج وافضل لكرامتج

 

[noorq8]

حبيبتي خلاص انسي الموضوع ولا تشغلين بالك فيه واضح ان مافي نصيب وامك. الله يهديها ناس تتصل تبي تخطب وماتعرفونهم معناته ماشافوا البنت تقول لهم خل الولد يكلم ابوها اللي اعرفه ان الرياييل مايتكلمون الا بعد مايكون في قبول من النساء مو سيده خل يكلم ابوها يالله درس حق المرات الجايه وبعدين اللي يخطب مايلطعونه اسبوع يسئلون بالاول سئلوا عنه بصفه عامه وبعد المقابله الاولى وان عجبكم منطقه ومنطق اهله ذيك الساع سئلوا عن تفاصيل التفاصيل مو من اول شي معناته ابو البنات ماعنده شغل بس يسأل عن الخطاطيب وياكثر ماتنخطب البنات الله يكتب لج اللي احسن منه :yaaaaaarb:

 

[‏ḾĭŜŝ•»ậήảツ«]

والله أنكمـ ريحتوني بكلآمكمـَ وماقصرتوااا

فعلنـا أثبتوا أنكمـ خوات وايد وحدهـ

ويعطيكم ألف ألف عافيه حبايباتي

جالكسي أبشري من عؤينـاتي َ

 

[قمر بيت أبوها]

احنا عندنا سوالف الخطبه ممنوع الكلام فيها
لان الواحد مايدري يكمل ولا لا
المفروض مااحد عرف بالخطبه لانها خطبه مو عقد زواج فهمتي عزيزتي
لا تحسبين قصدي العين لا انااقصد مجرد الكلام بهالموضوع عندنا عيب للبنت ولاهل الرجال
انااشوف انه اذا تقدم لك احد كفوا توكلي علي الله وتزوجي واذا رد هالخطيب بعد فتره استخيري مره ثانيه
ونصيحه سوالف الخطبه وش قلتم وش قالوا لا تقولينها لناس وبالذات القرابه يبهرونها وتصير لك مشاكل مالها اول ولا تالي
والله يوفقك حبيبتي