ذبحتنا باسلوبها البايخ ..

[Patcholli]

قووه بنات ..



بقولكم عن شغله مظايقتني بالدوام ..

معاي وحده بالدوام وايد تتطنز وتظغط وتعيب .. اهي خوش بنيه وحرام يعني طيبه

بس عيبها وايد تتطنز على خلق الله .. ولما نقولها فلانه موزين تقول روحي عميييييييي ..

يعني مستحيل يدش مراجه بدون ماتقط كلمه اول مايطلع او تعلق على شكله او كلامه او ويهه

ومو بس المراجعين حتى احنا ماسلمنا منها .. انا بس اتكلم تقلد صوتي .. او اتكلم تطالع ويهي وتظحك اقولها شيظحك تقولي انتي تظحكين .!!

ليش عرقوز وحاطه اذاني وخشم احمر .. مادري شاللي يظحكها بالظبط .. وترى مو بس انا كل البنات الي معانا تسوي معاهم نفس الشي

الواحد مايحب يتكلم عشان لا تظحك عليه او تعيب او تفشله .. وساعات تمسخر الي جدامها وتهزأه

ومرات اتسب حمدالله والشكر مادري ليش جذي ؟؟

بنات انا والله قمت اتظايق وهالفتره صرت اجعمها و افشلها بس انا ماحب هالنظام ماحب اقعد وبس ارد علي كلامها البايخ مو حاله

واذا قعدت بروحي يت الزقت فيني اشفيج وليش ماتين وتيرني غصب او تقعد معاي بالمكتب ماسوينا شي يعني .. وبالاساس انا مكتبي مادشه الا وقت الشغل احب اقعد ويا باجي البنات الي بالمكتب اختنق لي قعدت بروحي بس وجودها يظايق ..

واذا كنا 3 بالمكتب عادي تمسك الموظفه الثانيه وتتساسر وتظحك .. انزين عيب انا موجوده ..؟؟
تبين تتساسرين اخذيها بمكان ثاني وتساسري اتشكك الواحد بعمره وتحسسج غصب انها قاعده تحش فيج ..

جم وحده كارهين الدوام بسبتها وانا منهم مع انها والله قلبها طيب بس الطنازه وطولة اللسان بدون سبب مخربين عليها .. يعني ساعات تصير اتهبل وحبيبه بس من تعطينها ريج حلو تقلب الموجه وتقعد تهزأ وتقط كلام بايخ ..

مره وحده قالتلها انتي ليش تتطنزين اشفيج ؟؟
جان تقولها مو عاجبج طقي راسج بالطوفه وتظحك ..
بالله هاذي الواحد شيرد عليها ..!!


شالحل بنات ..؟؟

 

[∫ ∫ ∫ ∫ جــوان ∫ ∫ ∫ ∫]

استغفر الله

تصدقين بطت جبدى ههههههههههه

حبوبه ماكو الا تكون كلمتكم وحده وتجعمونها على الله تحس وتخلونها منبوذه علشان تعرف لى وين وصلها اسلوبها واهم شى

تذكرونها بالحوبه وعقاب ربى وتحريمه للنجوى

واذا ماكو فايده انقلو من قسمها لقسم ثانى وافتكو منها

 

[ޢޢޢإيمانޢޢޢะۣۨ>]

الله يعينج
تنرفزت وآنا أقرى الموضوع
لازم تتفقون إنتي والبنات إنكم تكلمونها كلكم مع بعض بشكل جدّي وتفهمونها إنكم متضايقين من طريقتها وايد
أو تحقرونها كلكم لما تحس نفسها غلطانه وتغير من أسلوبها ​

 

[granted]

ذكرتيني برفيجتي قبل
نفس هالنظام بس شنو تتطنز على اصل البنات عرفتي
فساعات تقول تعرفين جذي ابج شفيج وجذي مثلاً اوتقط حجي عليهم بسوالف ثانية عرفتي ماتخلي حد بحاله
وكله جذي وساعات تقلب القعده هوشه بسبتها وطوالة لسانها وكل وحده بالنهاية تمد بوزها شبر lol
ساعات تضحكنا والله بس ماله داعي هالحجي وايد بنات زعلوا تنبش المشاكل تنبش
عاد اخرشي طلعت من القروب وراحت ويابنات يتحملونها واهم تقريباً نفسها بالطبع وقطعتنا كلنا ماتسلم لمن تشوفنا تخيلي
:bbbiu:
انتي لاتعطينها اهمية خلج وياها رسمية لاخر حد او لمن تضحك لاتسالينها شفيج خليها تضحك بروحها
يعني عامليها مثل الياهل شويه وان شاء الله تعدل طبعها
انا احس انها بتلفت الانتباه او شي

 

[جنون العاطفه]

صراحه البنت يبيلها تربية اجتماعية
يعني ادبيها انتي ويا البنات اللي متضايقين
ترى مو غلط ولا عيب هذا يعتبر علاج لها
اضغطوها ليين تحس انها هذا بعد اسلوبها
ومثل ما تضايق الناس تعلم
​

 

[لعشقي روآيه]

احقريها ,, يمكن تتوب

 

[لمى الهاجري]

حقروها ولحد يكلمها وخلاص

 

[GofiSho]

عندنا و عندك خيرررررررررررررر يا روحي .

لاتكرهين دوامك ولا شيء لانك بتتعبين نفسيتك

طيبتها مامنها فايدة دام هذا سلوكها

..


انا اللي عندي كذا ماشاء الله ..

و اللي عندي تقريبا 4 بناات و مكرهين الموظفات الثانين بالدوام و السبب هم

اقولك خدومين و طيبين بس السخرية و الاستهزاء زايد عن حده بالرغم انهم ماهم زود

و ضحكهم و سخريتهم توصلل لللحرام ان رجال تسمع و كذا

و كلمناهم مثلك و كان ردهم مثل رد زميلتكم بالضبببببببببببببط
..

انا و مجموعة الموظفات الثانيات ايش سوينا

طنشناهم وولا كأنا نشوف و لانسممع

بس نشوف و نسمع اللي نبي منهم و السلام وو عليكم السلام

اما مسخرتهمم و سبهم و استهزائهم و لاكنا نسمع ابببببببببببببببببببد

ماكذب عليك 3 سنين كذا

لين ماتأدبوا .. هم صج بعدهم كذا بس مو معنا

يعني وقت مايكونوا معنا يعرفوا حدودهم وين ...

فما فيه الا انكم تعملوا مثلنا

ولازم تتفقووا كلكم لان لو وحده بتطنشها مابيجيب فايدة

..

يعني جلسوا معها كلموها بمجال العمل او اي شي ثاني بس وقت ماتسب و تضحك و تعمل عمايلها السودا

ووا كأنكم ماتشوفون ولاتسمعونها اببببد

.

و ربي يسهل لك ياعمري و يريح بالك

و الله يهدي صاحبتكم و يصلحها يارب

 

[فطوم 84]

السالفه موسالفه حقران


السالفه سالفه نصيحه

هاذي قاعده تخسر دنيتها

واخرتها

بتقولين شلون. تدرين. هاذي. اي واحد دش المكتب

او وحده. قاعده. تاخذ ذنوبه كلها بالغيبه والنميمه

شوفي جم ذنب تاخذ بنهاية الدوام

جم. ذنوب

تجي يوم القيامه بتستغرب يارب انا صمت وصليت وعملت وعملت

ضيعت كل اعمالها بالغيبه والنميمه والله

انا عندي احاديث واييييد عن الغيبه اسمعي حديث النبي عليه افضل الصلاة والسلام ((مامن مسلم يموت تايب من الغيبه الا كان. اخر من يدخل. الجنه ومن مات مصرا. عليها فهو اول من يدخل النار))

لا يدخل الجنه نمام))

اسمعي هالحديث اللي هزني

((من مشي بالنميمه قطع له نعلان من نار يغلي منهما دماغه))

تدرين الغيبه والنميمه. احنا نسميه الحش بالناس من اكبر الذنوب عند الله



والله مشكلتنا مانقرا

انا عندي كتب لاحاديث النبي احب اقرا كل كلام النبي بنات. اقروا. كلام النبي عليه افضل الصلاة والسلام. والله ثم والله


ينوركم بالدين

ترا النميمه اكثر احاديث النبي فيها وعقوبتها كبيره عند الله

انا هالبنت لومعاي بالدوام. اجيب كتب فيها احاديث النبي واحطهم جدامها. والله لوتقراهم. يمكن تبجي. من. خوف وتحس انه هالشي كبير اللي تسويه


انا انشالله قريب انزل موضوع. عن النبي والغيبه عشان قمت اشوف وايد بنات غافلين عن موضوع الحش ومستهينين فيه وبعقوبته عند الله


مايدرون انه عقوبته انه تنحرمين من الجنه وانه لازم اللي حشيتي فيها تحللج عشان الله يسمح ويرضا لج بدخول الجنه الموضوع كبير


ديروا بالكم من الحش والغيبه بالناس

اللهم استرنا وارحمنا برحمتك ياارحم الراحمين

 

[ملوكـه]

السالفه موسالفه حقران


السالفه سالفه نصيحه

هاذي قاعده تخسر دنيتها

واخرتها

بتقولين شلون. تدرين. هاذي. اي واحد دش المكتب

او وحده. قاعده. تاخذ ذنوبه كلها بالغيبه والنميمه

شوفي جم ذنب تاخذ بنهاية الدوام

جم. ذنوب

تجي يوم القيامه بتستغرب يارب انا صمت وصليت وعملت وعملت

ضيعت كل اعمالها بالغيبه والنميمه والله

انا عندي احاديث واييييد عن الغيبه اسمعي حديث النبي عليه افضل الصلاة والسلام ((مامن مسلم يموت تايب من الغيبه الا كان. اخر من يدخل. الجنه ومن مات مصرا. عليها فهو اول من يدخل النار))

لا يدخل الجنه نمام))

اسمعي هالحديث اللي هزني

((من مشي بالنميمه قطع له نعلان من نار يغلي منهما دماغه))

تدرين الغيبه والنميمه. احنا نسميه الحش بالناس من اكبر الذنوب عند الله



والله مشكلتنا مانقرا

انا عندي كتب لاحاديث النبي احب اقرا كل كلام النبي بنات. اقروا. كلام النبي عليه افضل الصلاة والسلام. والله ثم والله


ينوركم بالدين

ترا النميمه اكثر احاديث النبي فيها وعقوبتها كبيره عند الله

انا هالبنت لومعاي بالدوام. اجيب كتب فيها احاديث النبي واحطهم جدامها. والله لوتقراهم. يمكن تبجي. من. خوف وتحس انه هالشي كبير اللي تسويه


انا انشالله قريب انزل موضوع. عن النبي والغيبه عشان قمت اشوف وايد بنات غافلين عن موضوع الحش ومستهينين فيه وبعقوبته عند الله


مايدرون انه عقوبته انه تنحرمين من الجنه وانه لازم اللي حشيتي فيها تحللج عشان الله يسمح ويرضا لج بدخول الجنه الموضوع كبير


ديروا بالكم من الحش والغيبه بالناس

اللهم استرنا وارحمنا برحمتك ياارحم الراحمين

والله نفس اللي بقوووله
صارررو يتهاونون بالغيبه

اصلا صار شي طبيعي انه الوحده تغتاب

قال الرسول عليه السلام
"قيل ما الغيبة يا رسول الله؟ فقال: ذكرك أخاك بما يكره، قيل: أفرأيت إن كان في أخي ما أقول؟ قال: إن كان فيه ما تقول فقد اغتبته، وإن لم يكن فيه فقد بهته" رواه مسلم.

 

[انونا]

حبيبتي كله امشي بالتدقر فيها

واذا يت عندج قوليلها الصج بطريقه تخليها تبجي وقوليلها ترا في ناس همن غيري كارهين الدوام بسبتج

اذا قالت شي همن جعميها و قوليلها انتي الي يتي سالتي والي يطق الباب يلقى الجواب وخليها تعرف شلون تتكلم هالنمونه ما ينفع معاهم الا هالحل

صج بتكونين قاسيه معاها بس يمكن تتعدل بعدها بجم يوم روحيلها وكلميها بهدؤ قوليلها ان هالشي مو حلو وينفر الناس منها

 

[Hand]

استغفر الله اكره الناس الي زي شذيه
وخذيها نصيحه مني احقريها ماعليج منها وطنشيها انتي والبنات الي معاج وراح تحس ع نفسها

 

[حجيه هيونه]

اذا البنت زينه حاولي تتكلمين معاها انتي وجم وحدة وصلي لها صورة انه تصرفها غلط ويكره الناس فيها

يمكن هذي طريقتها بالتعرف على الناس والتعامل معاهم وعلى بالها الى تسويه شي زين

 

[khawla&tito]

اعرف وحده جذي بالضبط مثلها سبحان الله تزوجت صار ريلها يتطنز عليها ويمسخرها وسوا فيها نفس الي تسويه للبنات
الله يمهل ولايهمل

 

[HaAaDoOol]

يااااي بطت جبدي

مثل ماتتطنز عليج تطنزي عليها وقطي عليها كلام وفشليها وضحكي بصوت عالي وقهريها وساسري الي يمج وخليها اتوولي

وييييع وييييع لاعت جبدي منهااااغ شلوون مستحملينها

ماقول الا الحمدالله على نعمةة العقل

 

[تبسم لمغليك]

هذه مريييييييضه اخلاق وعديمة ادب يعني ترفعي عنها وخلك رسميه معاها وطاف

 

[كويتيه مذهله 87]

بيني لها انج متضايقه يوم انج قعدتي بروحج وشافتج متضايقه جان بينتي انج متضايقه من حركاتها البايخه باجر راح تتحاسب لان قاعد تطنز علي خلق الله هذي مو طيبه

 

[لقيمات وزلابيا]

((في ناس تحشمها وناس تحشم نفسك عنها))
هالاشكال ماعندها احساس هي تربيتها جذي وعندها مشكلة بشخصيتها تستمتع وتتلذذ بإيذاء اللي حوالينها
يعني إن قلتي لها انج تتضايقين منها راح تستمر أحسن شي تترفعين عنها وتعلمينها ان في حدود للتعامل معاج ومو اي كلمة تقدر تقولها جدامج
ممكن بعض المرات - حسب تقييمج للموقف - تردين علها بنفس الاسلوب وتأكدي انها ما راح تتحمل ربع اللي تسويه فيكم

 

[أحلى من الخيال]

الله يشفيها
هذي مريضة
إحقريها بس بعض المرات عطيها جم كلمة اتأدبينها​

 

[غدووور الكويت]

نصحيها واذ ما فاد لا تعطونها ويه وعاملوها بحدود الشغل