ذابحتني الغيييره من بنت عمي مب قادره اتحمل

[Um Tuki]

حبيبتي احيي جرأتج و انج اعترفتي بغيرتج و هذا نص العلاج
دايما تعوذي من ابليس و ادعيلها بالافضل عشان ترد لج الدعوة و انتوا حسبت خوات تمني لها الافضل ما تدرين يمكن تعطينها عين و ما تتوفق المسكينة
هي تعبت على نفسها و انتي يمكن لان اخترب شي كنتي تخططين له .. ترى قاعدة تخربين كل شي في حياتج و انتي يمكن عندج اشياء وايد ناس تتمناها و اولهم بنت عمج
يمكن هي تتمنى اشياء فيج
و اصلا ماتدرين بمشاكلها داخل بيتها
اقتنعي بحياتج عشان تعيشين سعيدة
و ياحظج بزوجج و اهلج و ثقافتج
ياريت عندي ثقافتج و افكر اسوي كتاب


ربي يرزقج من اوسع ابوابه و يوفقج بحياتج و يهنيج انتي و بنت عمج و اتمون على طول خوات و ربع و اهل

 

[Patcholli]

ولئن شكرتم لازيدنكم . صدق الله العظيم

حبيبتي هالايه تجاوب على مشكلتج
اقتنعي بان الارزاق من رب العالمين مو بالتحسر والمقارنه
واقتنعي ان الشكر يزيد النعم والرزق ويحسن النصيب
واتذكري وضعج قبل شلون كان والله بدله شنو باحسن حال
وشوفي مشاكلج تعانين من مرض ؟؟ تعانين من فقر ..؟؟ تعانين من حرمان ..؟؟
الحمدلله لا .. الله رزقج ورزقها
قولي الحمدلله وحبي اللي بيدج حبي اللي الله عطاج ياه
وحافظي عليه بالحمد والشكر
لان النعم زواله بالحسد والجحود ..
ثاني شي فكري ان الحسد ممكن يضرها

ممكن البنت تصيرلها مصيبه او مرض بسبب العين ..

 

[معزوفة عشق&]

نظفي نيتك من داخلك فعلى نياتكم ترزقون

 

[قلب الزعابي]

صدقيني لو تميتي تقارنين وتراقبينها بتتعبين وايد
مب شرط اللي عندها عندك
بصراحه وبدون زعل هذا اسمه غيره وحسد وحتى لو تقولين فخاطرج أعزها واحبها
بس انتي تبين الزود عندج
حاولي تلهين عمرج وعيشي حياتج ولا تطالعين فلأنه وعلانه
آنتي ماتعرفين شو ظروفها يمكن انتي أحسن عنها بوايد
يمكن يدمج تضحك ومستانسه ومرتاحه ترا طبع الحريم مايحبون يبينون للناس انها حزينه عشان الشماته
الأحسن اتقربي من ربج وعيشي حياتج
وارضي بنصيبج
وربي يوفقج والسموحه

 

[انسام الكويت]

دائماً رددي هالدعاء الحمد لله كل ماتذكرتيها وبدت المقارنه والغيرة أوقفي وسوي كنترول لتفكيرج وقولي الحمد لله

هالدعاء لا يفارقح على اي شي قولي الحمد لله ترا هالدعاء عجيب وصدقتني مع الايام بتزيد ثقتج بنفسج وبتحسين انج افضل حال منها بكذا شغله

من غيرها بعد

 

[shak!shoka]

والله يختي لو تجري جري الوحوش غير رزقك ما تحوووش

ولا غيره ولا حسد ينفع و يعدل الوضع و يغير كتبت ربج



انا دايما اقول الله اذا خذا مني شي فهو لمصلحتي و خير لي
والله لو تقنعين نفسج بحكمة ربج تتغير حياتج

جنه ماي بارد ينصب ع قلبج و يبرده


دايما رددي هالجمله في قلبج



صدقيني الله عارف كل واحد و قدرته و استطاعه
اهوا ارحم علينا من انفسنا




سبحان الله



طالعي حياتج بمعزل عن غيرج

و خلي ذكر الله ع لسانج دايما


والله ترتاحين و تتغير حياتج و يرزقج الله من غير ما تحسين

 

[lemonda]

هذي قسمة ونصيبك من الحياه وهي لها قسمتها ونصيبها ماحد يدوم على حاله الا الله وخلي ثقتك في نفسك كبيره وطالعي في النعم الي عندك غيرك محروم منها وبنت عمك ياما ناس احلى منها واغنى منها اش معني هي حاطتها براسك شلي موضوع المقارنات من حياتك وريحي عمرك

 

[سميتكـ _ غلاي]

اكثري من الاستغفار والدعاء والصدقه

 

[MaZyOoOoNa]

كلمة حمدلله واستغفر الله دايما خليهم بلسانج

 

[جوك احلى جو]

لازم تعرفين ان الاقدار والنصيب مكتوبه من قبل لا تنولدين وكل شي خيره من رب العالمين لاتقولين لو ولو ولو ماتدرين

ماشاءالله انتي مجتهده ولج مشروع وربج رزقج بزوج صالح غيرج رزقها بزوج مطلع لها عيون غيرج ماكمل دراسته غيرج ليلحين يراكض يدور وظيفه ووووو لو بتعدين شكثر من النعم بتحمدين ربج وتشكرين ماراح تحسين الا لما تفقدين اللي عندج

والله يعطي وياخذ الله عطاج وخذا منج اشياء وربج عطي بنت عمج وخذا منها اشياء مافي احد حياته بتكون كامله تمام الكمالولاتقارنين نفسج بغيرج لان اكيد في اللي افضل منج ومنها وفي اللي اقل منج ومنها لازم تقتنعين بهالمقوله قولي الحمدلله يابنت الناس ترا النعمه زواله قولي الحمدلله علي الصحه غيرج عنده امراض ماله علاج

 

[(حكاية قلب )]

لآ تغارنين نفسج بالناس
انتي ماتدرين يمكن هي بعد عندها مشاكل خاصة بس ماتبي تقول عشان ماتبين انها منزعجة من شي
وانتي احمدي ربج ان الله عوضج بزوج ,
واستغفري ربج حبيبتي .

 

[ملوكة الامورة]

اشغلي نفسك
لاتسلمين نفسك للوسواس
اطلعي اشتركي بدورات
عشان تلهين عنها ولاتفكرين فيها
واحمدي ربك على الي عندك
وبيرزقك ان شالله

 

[flawar]

مااشالله انا اشوف انج انجزتي بسج طمع
تعوذي من الشيطان ترى الشيطان كل ماشاف الواحد ياحول يتقرب لله ويوخر الوسوسه يحاول يزيد يعني انتي تخيلها حرب بينج وبين الشيطان لاتخلينه يغلبج
تقربي لله وادعي بصلاتج يبعد عنج هالامور ويتمم علد الرضا والقناعه
لاتصغرين من نفسج لان الواحد متى يصغر من نفسه ؟؟ لما يقارن نفسه بغيره ماشالله هذا انتي زوجج حارب علشان يكسبج علشانج شتبين اكثر من جذي غيرج يتمنى مكانج


العلاج تقربي من الله وافتحي المصحف وادعي بليل واستغفري ولو تروحين عمره انتي وزوجج وتقررين تفتحين صفحه جديده وخلي هالشي بينج وبين ربج لايحس زوجج بهالشي

الله يسعدج ويوفقج ويكتب اللي فيه خير لج

 

[طاالبه]

حل هذه القضيه بكلمه واحده فقط​

تحقيق (( القناعه والرضا )) ​

وعلى أثر ذلك يزداد لدينا الشعور بالثقه بالنفس

فنحن نعلم أن هنالك فروقات فرديه بين الناس

وقدرات تختلف من شخص إلى آخر​

 

[مرتبة]

اذا بترتاحين شوفي الاقل منج مثل الخدم راح ترتاحيين
من قال ان الوظيفه الثابته راحه يمكن تتعذب بوظيفتها وانتي مغادرون
انا عندي وظيفه ومعاش قوي بس طبيعه يغلي عذاب وتعب وضغط بس جدام الناس يشوفوني اني مركز ومرتاحه
الناس لها الظاهر

 

[Tulips]

اقتنعي باللي عندج وحمدي ربج عليه .. ما يودر الانسان الا الطمع
بطلي هالمقارنات و دايما قولي الله يهنيها مالها ذنب المسكينه تعاني علشان احساس الغيرة اللي فيج
اهي ماكانت عايشه نفس عيشتج بس الله رزقها ليش مستكثره عليها تكون احسن منج ؟
تعوذي من الشيطان اللي قاعد يوسوسلج و قولي الله يرزقها ويرزقني وخلي نيتج سليمة وطيبه ونظيفه عشان الله يرزقج
كل واحد الله يرزقه على نيته
ركزي على بيتج وعلى مشروعج وعيشي حياتج ولا تطالعين غيرج

 

[Tulips]

واذا كلش خاطرج بالتخصص اللي هي دخلته درسي مره ثانيه ودخلي هالتخصص مافي شي مستحيل !

 

[قَلبڪْ صًخرْ]

الله يطهر قلبج

 

[كات إيز]

الاعتراف بالحق فضيله
احمدي الله ولاتقارنين نفسك فيها بتتعبين
خليك راضيه بوضعك وصدقيني كذا بترتاحين

 

[ام الحلوااات]

الشي الحلو
انج معترفة انها غيرة
العادة الحريم مايعترفون
يا يقولون فلانه هي اللي تغار
او
يدعون اسباب كراهية

دايما ادعي ربج يطهر قلبج من الغيرة
وتدكري ان من اركان الايمان
الايمان بالقدر خيره وشره
من رضا فله الرضا ومن سخط فله السخط
وهذا ارزاق من الله
بتحاسبين بنت عمج عليها
ولا تحاسبين ربج ( استغفر الله) ع عطاياه؟
استمتعي بكل شي جميل عطاج الله اياه
قبل لا يضيع من ايدج
وعالعموم لافرح يدوم ولاحزن يدوم
والايام دول يداولها الله بين الناس

:eh_s(15): :eh_s(15): :eh_s(15): :eh_s(15):