بنت عمي وصديقتي من ايام الطفوله تربينا مع بعض وكبرنا
كنت عايشه مرتاحه كل شي ابغاه اهلي يجيبونه لي وهي على عكسي كانت تقوللي ياحظج ليتني مكانج
سبحان الله دار الزمن وصرت انا اتمنى اكون مكانها
بينا اشياء مشتركه وكنا نتنافس على المراكز الاولى في المدرسه
وقت تخرجنا من الثانوي اتفقناعلى تخصص معين مع الاسف ابوي رفضه وجبرنيعلى تخصص مااحبه وهي دخلت التخصص الي نحلم فيه
تبدء معاناتي مع تخصصي الصعب ورسوبي وتخرجي بصعوبه
لان المصائب تجي دفعه وحده
صارت في بيتنا مشاكل اسريه كبيرة كرهتني في حياتي وعشنا ضغط نفسي رهيبومعاناه مب طبيعية
ومالقيت لي وظيفه
وماشاء الله تخرجت وتوظفت وتزوجت وجابت بنوته الله يسعدها يارب
ضليت سنوات على وضعي لازواج ولاوظيفه ومشاكل يوميا
كانت ذابحتني المقارنه بين حياتي وحياتها اضطريت ابتعد عنها مؤقتا مبحسد لاوالله العظيم
بس لان كان يحز في خاطري ان اوصل لذا الوضع
الحمد لله تغيرت الظروف
انخطبت ومشاكل البيت قلت بشكل كبير وحققت حلمي ان اصدر كتاب
وحاليا في طور انشاء مشروعي
مع جذي ماقدرت اتخلص من هالمقارنه والغيره
اقارن زوجي بزوجها ومشروعي بوظيفتها واهل زوجها بااهل زوجي وشكليبشكلها
احيانا اقول ياليت زوجي مثل زوجها مع ان زوجي يحبني ووقف في وجهه اهلهعلشان ياخذني احس اذا قارنته مع زوجها مااقتنع فيه
احيانا اقول وظيفتها احسن من مشروعي على الاقل لها راتب ثابت مب انااحتمال اربح واحتمال اخسر
بليز عطوني حلول ان اقننع بنصيبي من هالدنيا
مع ان عندي صديقات وقريبات وماغار منهم اذا تجمعنا وكانت معانا يضيق خلقي من الغيره واكره حياتي
مع اني يشهد الله احبها واعزها اكثر وحده منهم
غصبن عني قسم بالله مب يدي ماابغى اجرب هالغيييره ابغى اتخلص منها
