{ ذئــاب لا تعــرف الــرحـــمــة ..!!

[أم رتوجة]

ماشاالله عليكم ابداع في ابداع
ناطره الاحداث اليايه على احر من الجمر

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

Thnx 7ayatiiy ;;;* waiting el,bajiiy >> with yoooh allah y3enha kil wa7daah B tnt8eem mn el,thanhay ufff ya rabiiii kilaaah mn hal el, mshariy ;'@

ahlaain 3umrii .. ur welcome sweety :*
enshallah greeb el part .. oo y3en el jame3 ya rb
fdaiitch o fdaiit 7maasch elii 5rb6ch ;p 89dch '9aryy muu mshaarii :*

nawrtay :*

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

.


واعليا كلهم وآعليا الا ضاري
متزوجهآ عنآد قطيعه خو البنت مآ تبيك مولت عليك سليمه تصكك

مشكورين ع البارت
ناطرين على نار (=

هلاا ابووي انتي .. صبري ماشفتي شيي .. الصبر حلوو
ضحكتيني والله لوووول اكلم عيووز @@ اتغشمر فديتج :*

العفو حياتي وانشالله قريب ..

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

مشكوووووورة على بارت وناطرينج حبووبة

هلاا والله .. العفو حياتي ..
تسلمين عالمتاابعه لا تباعديين وانشالله البارت قريب ..

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ


طافني 3 بارتاات اعلق ع شنو ولا شنو

بس اللي بعلق عليييييييه ضااري احقر منه مااشفت قطييييييييييييعتك


يسلمووووووووووو ناطرين اليااي

هلاا والله هلاا ابووي انتي .. ولكم باااك حياتي ..

امم بتشوفين اذا اكو احقر منه ولا لأ وهم بتشوفين اذا حقاارته بتزيد ولا بيتأدب

الله يسلمج عمري وهدي كلش ولاا الحلو يعصب :$!!!~

قريب بإذن الله .. نورتي :*

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

البارت حلووو ... ومسكينة يكادي

ناطرينج بالبارت

اهلين عمري .. تسلمين من ذوقج عيونج الاحلى ..

الله كريم بعد هذي الدنياا .. انشالله قريب ومشكوره عالمتابعه

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

ماشاالله عليكم ابداع في ابداع
ناطره الاحداث اليايه على احر من الجمر

اهلين حياتي .. مشالله عليج انتي :* فديتج عسل وربي:eh_s(22):


من ذوقج اخجلتينا بصراحه :$

تابعينا وبتعرفين شبصير مع الاحداث .. البارت قريب لا تباعدين ..
نورتي :eh_s(7):

 

[zizo0ou-x3]

yslmoo nice part
ambii '9ari no comment :s
waiting elyay

 

[om_dodo]

نايس

 

[فتاة الكئابه]

تسلموون ع البارت روووعه ناااطرين البارت الياي

 

[NaB'9 QaLBi]

القصه حدهاااااا عجيييييييبه
الله يعطيكم العافية
مبدعين كالعاده :*

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

yslmoo nice part
ambii '9ari no comment :s
waiting elyay

hala wallah ..

allah yslmch .. 3yoonch el a7la galbii
mm enshallah m3a el a7adth bykoon akuu comment ;p

enshallah greeb ,, nawrtay

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

نايس

هلاا والله .. من ذوقج حبيبتي
تسلمين عالمتابعه .. نورتي:eh_s(22):

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

تسلموون ع البارت روووعه ناااطرين البارت الياي

اهلين عمري .. الله يسلمج قلبي
من ذوقج وعيونج الاحلى .. اخجلتي تواضعنا :$

انشالله قريب .. نورتي :eh_s(7):

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

القصه حدهاااااا عجيييييييبه
الله يعطيكم العافية
مبدعين كالعاده :*

اهلين عمري .. بعد عمري انتي العجيبه :*
الله يعافيج فديتج والله تسلمين على هالكلام الحلو :*

نورتي قلبي :*

 

[بيـــشو17]

تيااااا:eh_s(21):
وناااااسه احلا قصه كافي العنوااان عجيب والكاتبات روووعه اكيد القصه اتيننن:eh_s(6):
لاتزعلون ترا انا مراقبه بصمت كل يوووم ادش من الفون:sfg:
واليوم قلت لازم ادش ماتحملت مااعلق:ggdw:

بس بصراااحه احرجتوني لان ماعندي ولاتعليق داااايما مبدعين مشالله:rerrerek:
ومنها الاعلى ونشوفكم منزلين كتااااب:eh_s(15):

وبرررروب بروح اقرى البارت اللي طافنتي

احبكم 10 مرااااااااااات:eh_s(22):

 

[BRoNZ GiRL]

رد : { ذئــاب لا تعــرف الــرحـــمــة ..!!

الــــبــــــارت الــســــابـــع عـــشــر ..




!! ..لازم تذوق من العذاب الي ذقته ولو شويه .. !!



د.منى : ذكريلي السبب اللي خلاج تنتقمين وليش من سيف اذا اهو ما قدملج الا كل خير؟؟
كادي: لأني انانيه وماكنت ابي وحده ثانيه تشاركني فيه.. واللي زاد عذابي انه يتله بنت من غيري!!! انتقمت لأني حسيت بغيره اتجاه الي تزوجها و قمت اطلع عنهم معلومات و قدرت اووصل لعنوان بيتهم و صار عندي رقم مرته .. و بدت رحله انتقامي .. صرت اكلم سيف كل يوم تقريباَ خلاص صرت بايعتها مو هامني شي غير سيف .. وبالفعل تطلقت .. و قلتله ..
د.منى : شلون بديتي هالانتقام
كادي خذت نفس واهي تتذكر خباثتها : بعد اول مره كلمت فيها سيف و انا متزوجه قدرت اخليه يكلمني فون .. صرنا نحاجي بعض كل يوم بس مانطول .. تأكدت انه ليلحين يحبني بس هم ابيه لي !! وكان دايما يقولي تطلقي وانا اخذج .. وبيوم طلاقي من ضاري على طول دقيت وقلت حق سيف اني تطلقت بشوف شنو رايه او شنو بتكون خطوته الثانيه ..

رجعت لذاك اليوم الي تطلقت فيه ..


كادي : الووووووووو
سيف : هلا كادي .. اوووه اليوم شكله مزاجج عالي .. مو مضايقه
كادي : اييه حبيبي خلاص انا لك .. تطلقت من ضاري ..
سيف : الحمدالله افتكيتي من هالحقير ..
كادي : اي؟؟ ( ناطره الي وراه هالحجي شنو ) ..
سيف : بس شلون رضى يطلقج ..
كادي : سييييييييييييف انا مو هامني شلون طلقني .. و ليش وشحقه و متى .. انا داقه اقولك سويت الي قلتلي عليه عشان نرد حق بعض .
سيف سكت مده وبعدها : كادي
كادي : هلا
سيف : تتوقعين انه احنا اللي قاعدين نسويه صح ؟
كادي : احنا قاعدين ننقذ حبنا !!
سيف : بس اذا انتي خنتي ضاري وانا خنت شجى تتوقعين بنقدر نعييش مرتاحين؟
كادي : سيف لي وين بتوصل؟انا سويت اللي طلبته وتطلقت
سيف:مادري كادي كنت متوقع اني اقدر اسوي هالشي بس الحين يوم قلتي انج تطلقتي احس اني بدخل بمشكله .. انا ما اقدر اخذج على شجى واشتت العايله.. انتي رضيتي عشان ما تشتتين العايله وانا الحين بهالوضع .. فهميني .. انا اسف وسده ..
--


كادي : يومها انهرت .. تعبت من بروود اعصابه .. هامه انه افتكيت منه !! موو هااااااااامه شي ثاني .. حقدت عليه و اهوا و مرته ..هالكلام اللي قاله حسيته مس بكرامتي وما قدرت ما انتقم انا مو لعبه .. و قلت اخرب حياته اخربها .. و بالفعل قدرت .. و سويت الي براسي ...




رجعت لدفتر ذكرياتها ..

اذكر يومها .. سديت منه التلفون و رديت البيت و انا ببالي شي واااحد افكر فيه ..

رديت البيت .. دشيت غرفتي و فتحت الصندوق الي مخزنه فيه كل صوري و ذكرياتي مع سيف .. وفي تسجيل مره من المرات كنت مسجلته حزتها كنت على ذمه ضاري وبنص المحادثه اهو يقولي اني اتطلق .. انا يوم سجلته كان كل همي اني اسمع صوته مو هامني شنو الكلام بالضبط .. وكنت اشغله كل ما اشتقت لصوته وما اقدر اكلمه لأنه مع شجى .. وصار الوقت اللي استغلهم صح .. وكلهم حطيتهم بظرف وكتبت عليه < نهايتكم داخل هالظرف >

:وقدمته حق شجى بنفسي واعدتها بشرق وعطيتها ياه اول شي شفتها و عرفتها بنفسي و وريتها الصور و رحت .. مشيت و ابتسمت ابتسامة خباثه ابتسامه الذيب .. اييه صرت منهم من الذيابه صرت مثل ضاري ابي انتقم و بس .. خذيت من انانيته .. وحسيت بلي سويته دخلت عالم ثاني غير العالم الي كنت عايشه فيه ..تبريت من طيبتي و قلبي و عاطفتي .. كان همي ادافع عن حبي الي انهدم .. ما سمعت عنهم اي حس بس بعد يومين دريت انها رايحه بيت اهلها وتأكدت انه صارت مشكله وبنفس اليوم اللي دريت فيه دقت علي شجى بنفسها

كادي : الو يا هلا !!
شجى : لا هلا ولا مسهلا انتي شنوو ؟؟ ماتستحين على ويهج خرابه بيوت .. الله ياخذج ويفك الناس من شرج عساج ما تتعدين حوبتي وسدته


كادي: آآآآخ!! واللي صار فيني مو شوي !! كلامها ماهمني بوقتها حتى دعاويها ماعطيتها اي اهتمام ونسيت انه الله يمهل ولا يهمل .. واخرتي الله جازاني ..
د.منى : خربتي بيته؟ والحين تطلقو ولا شصار ؟
كادي : لي قبل لا ادخل اهني واهي ببيت اهلها بس ما تطلقو اما الحين مادري عنهم .. بس الحين ادعي من كل قلبي انهم يرجعون .. الله يوفقهم .. ونزلت دموعها

كادي : انا حيوانه وخبيثه بس ما وصلت لهالمستوى الا بسبه ضااري وجود حبيبه قلبه
د.منى : منو جود ؟
كادي : هذي اللي كان ضاري يخوني معاها .. بس ما قدرت اخليهم بحالهم .. سويت الاخس و وصخت سمعتهم ودمرت هالجود.. واهي اكيد الحين مثل حالتي واخس بس عساها ما تذوق الهنا بيوم ..

د.منى : حبيبتي كادي اليوم كافي هالحجي .. خلينا نكمل بيوم ثاني الحين ريحي عمرج وهدي اعصابج .. اوكي حبيبتي
كادي : انشالله
د.منى نادت السستر و يت خذت كادي ودتها الغرفه ترتاح ..

-------






الصــبــح ..


صــبــاح عيــون { غـــرقــــانـــهـ ..!
بهــمــومـ اللـــيـــل واشجــــانهــ ..
صــبـــاح يحـــاولــ يغــيـــر بــ { يـــومـــهـ ..!
{ لـــكــــن ..!
تفـــضحــــه عـــيــــنـهـ .. بــدمــوع الــبارح { مــلــيانـهـ ..!


كــادي قاعده على فراشها لامه روحها تطالع من الدريشه ومتنحه بدون لا تتذكر اي شي من الماضي ولا تفكر بشنو بيصير بالمستقبل لأنه مجهوووول ولو شنو تمنت اهي على يقين انه ما راح يتحقق


دخل عليها واهو مبتسم بس الابتسامه اختفت بعد ما شاف شكلها

" التعب وااضح ياروحي عليج!! شلون خليتج جذي ورحت ..!

دخل عليها و طالعته مصدومه خايفه معصبه متنرفزه من وجوده و مستانسه بنفس الوقت .... كل مشاعرها اختلطوا بوقت واحد من دخل هالشخص ..

كادي شافته وانصدمت وبسرعه : شتبي ياي اهني اطلع برى
: ياي اشوفج
كادي : تشوفني ؟ ههه!! ضحكتني لو اهمك جان ما رضيت انهم اييبوني اهني !! وحتى لوتهمك شوفتي جان من اول يوم ييت شفتني مو الحين !! هذا وانت اقرب اخواني وهم تخليت عني فما استبعدت عن الباجي اللي سووه
سالم قرب منها : كادي فهميني
كادي : وخر سالم واطلع برى مابي اشوفك ..اعتقد سمعت اهلك لمن قالولك انسى عندك اخت اسمها كادي ..
سالم: تتوقعين سالم بيقدر ينسى !! اخته و حبيبته و توآمه !! ( مو اخته التوآم بس اهوا يسميها توآمه لانه اكثر وحده تفهمه و قريبه منه )
كادي انهارت و قامت تصرخ : اطــــــــــــــلــــــــــع بــــــــــرااااااااا مبيييييييييييييييييييييييييكم مو تبريتوا مني خلاص حتى انا تبريت منكم مابيككم ماااااااااااااابيكم مابي .. كلكم جذابين لا تمثلي دور الاخو الولهان على اخته .. لا تمثل دور البرئ انت و اهما و ضاري ذيابه على هيئه بشر ..

سالم قرب شوي شوي : كاادي لا تخليني انا من ضمن الذيابه على قولتج .. اهما غير و انا غييييييييييير اهما بعالم و انا بعالم ثاني .. اهلج تبروو منج .. بس انا ما تبريت منج .. انا اهلج .. اصيرلج الام و الابو والاخو .. و كل الي تبينه ..
كادي قاطعته : طلعوووووووووووووووووووووه برااااااااااااااااا بس تعبت مابيهم مابيهم ..

سالم بنبره حنونه تعودت كادي عليها: كادي انا سالم .. اخوج اللي ماله غنى عنج انا غلطت يوم تخليت عنج بس لأني كنت مصدوم من اللي سويتيه .. عشان جذي ما قدرت اساعدج .. وانا الحين ياي عشان اردج معاي
كادي هدت شوي و بلعت ريجها :شلون تردني ؟ اخواني الباجي وابوي مايبوني
سالم : كادي انا عندي شقه كنت كل ما اتضايق اروح هناك اقعد بروحي .. ولما اتهاوش مع ابوي اروح انام هناك امس رحت عدلتها وشريت الاغراض الناقصه واليوم ييت عشان اطلعج على مسؤوليتي
سالم قرب اكثر و خلاص وصل ليه فراشها : و وو انا اليوم ياي اطلعج من اهني .. بس اشتقتلج
كادي بس قال اشتقتلج قطت عمرها عليه و قامت تصييح مثل اليهاال ..
كادي : و انا وانا بعد .. بس سالم لا تلومني من الي شفته ما قمت اثق بأحد ..
سالم مو قادر يتكلم ولا يقول شي .. بس يبجي ..
سالم : راح تطلعين من اهني وبتعيشين معاي انا..
كادي استانست بس مابينت هالشي : بس ما راح يخلونك
سالم : وليش عاد
كادي : لأنهم يظنون اني مينونه مع انه انا والله مافيني شي بس اللي ذقته مو شوي ومأثر على نفسيتي مو اكثر ..
سالم : انتي مافيج الا العافيه وقعدتج اهني اهي اللي بتيننج .. وانا بطلعج على مسؤوليتي وبقول حق الدكتور المشرف على حالتج اني بطلعج وبييبج كل يوم حق جلساتج ..
كادي : مادري سالم شوفها بس ما اتوقع لأنها دكتوره سخيفه تبط الجبد وهيليقيه بعد
سالم : هههههههههه ليلحين على نفس اسلوبج .. خلاص حبيبتي الحين اروح اشوفها واشوف شتقول .. شسمها ؟
كادي : دكتوره منى مالت عليها
سالم : هههه يلا حبيبتي شوي ويايلج .. طلع واهو يسأل عن مكتب دكتوره منى ودلوه عليه ..

ارتحت كثير بشوفتك .. رديت روحي بلمتك .. !! ..}

-----

سالم طق الباب
د.منى : تفضل
سالم : السلام عليكم
د.منى عدلت نظارتها : وعليكم السلام .. تفضل اخوي
سالم قعد : دام فضلج دكتوره .. انا ياي من صوب كادي حاب اسأل عن حاله اختي
د.منى : كادي ! اختك غريبه وموقادره افهمها ليلحين ما خلصنا جلسات فليلحين ماقدرت اثبت شنو فيها بالضبط ..
سالم قاطعها : اختي مافيها الا العافيه
د.منى : لو كانت طبيعيه جان ما دخلت هالمستشفى .. انت شفت يوم دخلت شلون كانت حالتها ؟ طاقه روحها وجارحه نفسها !! دمها كله سال !!
سالم سرح بكلام الدكتوره " اقنعتو الكل انها مريضه والسبب تخلفكم واسلوبكم الهمجي بحل المشاكل وتذكر يوم دخلو كادي المستشفى


بوكادي دخل البيت معصب : كاااااااااااااااااااااااادي
كادي نزلت ركض واهي خايفه واخوانها بالصاله مع امها وما يدرون شالسالفه
كادي : هلا يـب..
قبل لا تكمل انصدمت بالكف
كادي : ايييي يبهه !!
بوكادي : ولج عين تتحجين ياكلبه شكلي ماعرفت اربيج يا**** وسحبها من شعرها
كادي تصرخ : شسوييييت وتبجي
بوكادي : شنو هذاا !!!! وحذف بويها الملف اللي كانت مقدمته حق شجى
كادي : شنوو هذاا
بوكادي : تطلقتي عشان هالحيوان خربتي بيتج عشان واحد وصخ وما ارتحتي يوم خربتي بيتهم ؟؟ وكمل طق فيها .. خشمها نزف دم وشفايفها انشقو وطلع منهم دم
كادي : آآآييي بس بس
بوكادي : يعني ضااري ماغلط معاج الغلط منج يا حيوانه من متى بنتي جذي
كادي تبجي لعل وعسى انه يرحمها من الطق بس ربها ما استجاب دعاءها !! لأنها انصدمت بناصر اللي يه كمل الطق عن ابوه
كادي : ناااااااااااااااصر وخر آآآآيي
ناصر بنيته اقوى من ابوي فالطق كان بزياده على جسمها الضعيف !!
كادي تشوف سالم بنظرات رجى
سالم يه و وخر ناصر : خلاص
بوكادي : هذاا الملف انصدم انه يوصلني وبنتي تنكره بس صورها فيه
كادي تبجي !!
بوكادي : وصختي سمعه ولد عمتج و وصختي سمعه بنت الناس اللي اتهمتيها انه ريلج يخونج معاها بس طلعتي انتي الخاينه .. ناصر قطها بالشارع انا متبري منها ليوم الدين ومابي اسمع سيرتها من اليوم
كادي تبجي : يبه انا بنتك
بوكادي : انا ماعندي بنت .. ناصر اسمع الحجي
ناصر يه وسحبها من شعرها : امشي
كادي : لا نااصر لا انا اختك
ناصر: ما اتشرف فيج يا حيوانه..
كادي بجت واغمى عليها وما قامت الا الصبح وانصدمت انها بالطب النفسي ..

د.منى صحته من سرحانه : اخوي انت معاي ؟!
سالم : عفوا سرحت عذريني.. انا بطلعها على مسؤوليتي
د.منى : اسفه اخوي قبل لا تخلص جلساتها ما راح اقدر اطلعها .. انشالله بس نخلص جلسات ونتأكد انها بخير ومافيها شي حزتها اقدر اطلعها
سالم : وهالجلسات شكثر بتاخذ
د.منى : الله واعلم على حسب اختك واستجابتها لي ..
سالم : امم انشالله اقدر ازورها عدل ؟
د.منى : اكيد ..
سالم : اوكي .. شكرا دكتوره يعطيج العافيه
د.منى : ماسويت الا الواجب
سالم طلع من غرفه الدكتوره واهو منكسر لأنه ما قدر يطلع اخته ..


----


كادي : ها سلوم اقوم اجهز اغراضي ..

سالم : لا حبيبتي .. باقيلج جم جلسه ليلحين ما خلصتيهم .. بس لا تحاتين انا بزورج كل يوم خلاص .. و بس تخلصين جلساتج على طول باخذج ماراح اخليج تعيشين طول عمرج اهني
كادي بحزن : وين بتوديني مالي احد ..

سالم : انا مو تارس عينج ..
كادي : الي قصدته ..
سالم قاطعها : فاهم حبيبتي قصدج .. ماراح اوديج مكان ما تحبينه .. بوديج شقتي مثل ما قلتلج .. آثثت غرفه لج .. جاهزه بس ناقصها انتي تكونين موجوده فيها ..

--

فرحت كادي بهل خبر .. وونامت و اهيا مرتاحه و مستانسه .. نقدر نقول هذا اول يوم تستانس فيه بعد العذاب الي شافته و من بعد دخولها المستشفى نامت فيه و اهيا مستانسه و دموعها ما نزلوا بسبب هم ولا ذكرى حزينه ..​

 

[BRoNZ GiRL]

رد : { ذئــاب لا تعــرف الــرحـــمــة ..!!



انشالله يعجبكم .. قراءه ممتعـه ..

النهـايه قـربت انشالله تكونون فاهمين الصوره عشان لا تتخربطون اكثر وتقدرون تستوعبون النهاايه ..


البارت الياي باجر بإذن الله ..

C u all *:

 

[BRoNZ GiRL]

رد : رد: { ذئــاب لا تعــرف الــرحـــمــة ..!!

تيااااا:eh_s(21):
وناااااسه احلا قصه كافي العنوااان عجيب والكاتبات روووعه اكيد القصه اتيننن:eh_s(6):
لاتزعلون ترا انا مراقبه بصمت كل يوووم ادش من الفون:sfg:
واليوم قلت لازم ادش ماتحملت مااعلق:ggdw:

بس بصراااحه احرجتوني لان ماعندي ولاتعليق داااايما مبدعين مشالله:rerrerek:
ومنها الاعلى ونشوفكم منزلين كتااااب:eh_s(15):

وبرررروب بروح اقرى البارت اللي طافنتي

احبكم 10 مرااااااااااات:eh_s(22):

هلااااااااااااااا ابوووي انتي .. تو مانورت الروايه
حييااتي بعد عمري حدي اشتقتلج :$

اوكي نرجع مره ثانيه حق ردج
عسى دوم مستانسه عمري .. انتي العجيبه والله وفديتج اخجلتي توااضعنا انا و ريوون ..
معذووره بس لا تتعودين هاا لوول
اخيييه بيشوو والله انتي اللي تحرجين الوااحد بكلامج .. انتي الابدااع قلبي :*

امم انشالله الله يسمع منج .. قرااءه ممتعه حياتي .. تيت ونااطرين تعلييقج ..


نموووت فييج مليوون مرهه :eh_s(22):

 

[البارونه*_^رونه]

فديت سلوووم ياحلاته طيووووووووووووووووووووووووب

وفكه ببهالباااارت ماااااااااااطلع ضاااري

ناصر كارهته <<<<حدييي

يسلمووووووووووووووووووووووووووو قلبي

ناطرينكم فديتهم والله