{ ذئــاب لا تعــرف الــرحـــمــة ..!!

[سارووونه22]

مشكوووورة حبوبة بس معقوله كادي نفسها الي حبت ضاري يمكن وحده غيرها مادري يبين مع الايام

 

[Miss.blue berry]

رد : { ذئــاب لا تعــرف الــرحـــمــة ..!!

weeh wayed partat 6ayftnii
waay lal7en ma fhmt al.salfa lool
y3nii '6arey o0 kady
bs saif shaku o0 shloun 3rfha o0 7abha !
o0 mta klmta ehya
mm bs a7sa 5oush wa7ed saif
mm o0 kaddy ksrat 5a6ry a7sa kan 7ub 6foula o0 t3lgat feh o0 9ar chthey
emm bs madri etha 3la bs hl.salfa ma a7s ena kan '3l6an
y3nii kan yahel o0 ma yfham
7ub yhal o0 lma w5ar 3nha fham o0 3rft !
madri y3nii
emm o0 atw8a3 eli kan y7bha eli ygoul 3nha 3lii ehya joud
bs madri a7es fe salfa kbera bt9er
na6ren al.part al.yay shwgteni 7ail

 

[6amni bs]

رد : { ذئــاب لا تعــرف الــرحـــمــة ..!!

ضاااااااااااري مالت علييييييييييييييييييك
يعطيج العااافيه
ناطرينج

 

[Bnt AL-86an]

رد : { ذئــاب لا تعــرف الــرحـــمــة ..!!

مشكورة حبيبتي عالبارت
ناطرين الياي​

 

[rayona]

رد: رد : { ذئــاب لا تعــرف الــرحـــمــة ..!!

الباااارت عجيييييييييييييييب
بس بعرف سيييييييف منوووووووو ؟؟؟؟؟ مسكينن يمووت بكادي
عااااااااااااااااااشوووو
waiting

هلا حبيبتي ..

تسلمين .. سييف بتعرفين قصة بالبارتات اليايه ..

فدييييييييت المتحمسه والله :eh_s(22):

 

[rayona]

مشكوووورة حبوبة بس معقوله كادي نفسها الي حبت ضاري يمكن وحده غيرها مادري يبين مع الايام

العفوو ..

ممممممم كادي و ضاري بتعرفين اذا اهما الي حبوو بعض ولا وحده ثانيه .. كل شي بيتوضح لكم اذا تابعتونا لييه النهايه

 

[rayona]

رد: رد : { ذئــاب لا تعــرف الــرحـــمــة ..!!

weeh wayed partat 6ayftnii
waay lal7en ma fhmt al.salfa lool
y3nii '6arey o0 kady
bs saif shaku o0 shloun 3rfha o0 7abha !
o0 mta klmta ehya
mm bs a7sa 5oush wa7ed saif
mm o0 kaddy ksrat 5a6ry a7sa kan 7ub 6foula o0 t3lgat feh o0 9ar chthey
emm bs madri etha 3la bs hl.salfa ma a7s ena kan '3l6an
y3nii kan yahel o0 ma yfham
7ub yhal o0 lma w5ar 3nha fham o0 3rft !
madri y3nii
emm o0 atw8a3 eli kan y7bha eli ygoul 3nha 3lii ehya joud
bs madri a7es fe salfa kbera bt9er
na6ren al.part al.yay shwgteni 7ail

mmmmmmmmmm wayed twg3tay oo wayed s2ltay tsa2olat klhom tgdren et3rfen jwabhom etha tab3tay el partat el yayah .. btfhmen akthr shesalfa..

oo el part el yay yaykom b6reeej enshallah tab3enaa

 

[rayona]

رد: رد : { ذئــاب لا تعــرف الــرحـــمــة ..!!

ضاااااااااااري مالت علييييييييييييييييييك
يعطيج العااافيه
ناطرينج

هههههههههههههههههههههههههههه .. ايه والله مالت عليه .. لا تحرين عمرج حبيبتي ..

الله يعافيج

 

[rayona]

رد: رد : { ذئــاب لا تعــرف الــرحـــمــة ..!!

مشكورة حبيبتي عالبارت
ناطرين الياي​

العفوووووووو حياتي ..

البارت الياي شوي و انزله لكم

 

[كلي أحزان وهموم]

هاي حبوبة أنا متابعة يديدة وأمس قريت كل البارتات الرواية واااااااااايد حلوة وهذي تعليقاتي على الشخصيات
>ضاري<احسه مغازلجي ويلعب على البنات ماحب هالنوعية
>كادي<طيبة وعلى نياتها مسكييييينة كسرت خاطري أبي أعرف شنو سوالها ضاري
ويعطييييج العافية ..

 

[MeeMeeYoo_2]

مشكوووره حبيبتي

 

[Miss.blue berry]

رد : { ذئــاب لا تعــرف الــرحـــمــة ..!!

up
up
up
na6rench ryoun

 

[miss 3yara]

اقرا البارتات وانا متنحه مووفاهمه شي لووول

 

[rayona]

الــــبـــارت الـــــعــــاشــــــــــــــــر ..



~!حاولوا فيني لرجعلك بس محدن درى عن جرحك !~


بالـصــاله ..

صوت التلفزيون عالي بس بالها كلش مو معاه كانت سرحانه تفكر بحياتها اللي انقلبت فجأه بسبب انسانه ماتدري من وين طلعت ..


امها قطعت تفكيرها : شجى حبيبتي
شجى :هلا
ام شجى : شجى ليه متى انتي على هالحال .. لي متى بتفكرين لي متى بتمين اهني
شجى : يما اذا مضايقتكم بقعدتي بالبيت اطلع اروح فندق آخذلي شقه .. ولا منة احد
ام شجى : يمه انا ما قلتلج شي مو عايزين احنا عنج .. بس حبيبتي البنيه مالها الا ريلها و بيتها و عيالها .. و مو بكل مشكله زعلتي و شلتي اغراضج و ييتينا .. ترى غلط ..
شجى : يما تحسسيني اني كل مره اشيل اغراضي و اييكم .. كلها مره
ام شجى : مره بتصير ثانيه و ثالثه و رابعه .. و بتتعودين على هالشي ..
شجى ساكته لا تعليق ..!
:لا تخلين الشيطان يوزكم على بعض اكثر ..ذكري الله وردي لبيتج عند ريلج وبنتج .. حبيبتي مهما صار المره مالها غير بيت ريلها وانتي صارلج مده اهني.. ردي عشان بنتج المسكينه
شجى: شلون انسى كل اللي صار وارد ؟ كرامتي ويين ؟!
امها :هذا ريلج و طاعته من طاعه ربج فموضوع الكرامه يطلع .. وبنتج انتي مسؤووله عنها جدام ربج وكا انتي مخليتها ويايه بيت ابوج .. انسي اللي صار وتعوذي من الشيطان و ردي .. انا اخليج تفكرين على راحتج وراحت عنها ..


شجى دموعها نزلت وتذكرت اليوم اللي انصدمت فيه من ريلها اليوم اللي قلب حياتها كله .. هاليوم بس ودها تنساه ودها لو تمحيه من ذكرياتها ..


نرجــع للـــيوم المــر بالنــسبــه لشـــجــى ..!

شجى بشـرق ..

شجى " رقم غريب !! بس شلخوني كل شوي يدقون ! خل اشوف شيبون..

رد دق ..
شجى ردت بجديه : الو نعم!
: السلام عليكم
شجى : وعليكم السلام .. يا هلا منو معاي ؟
: اممم خليني اشوفج وبتعرفيني صدقيني
شجى : عفوا؟
: وينج وانا ايي واقولج كل شي والاهم تعرفين منو انا
شجى : اختي شكلج غلطانه بالرقم
:لا انا متأكده من الرقم !! شجى صح ؟
شجى استغربت اكثر : ايي عدل انا شجى بس انا ليلحين ما عرفتج
:ماعليه خلينا نتفق عالمكان وانا اي وتعرفين كل اللي تبينه
شجى : انا بشرق تقدرين تيين الحين
: انا قريبه منه شوي واوصل وين الوعد بالضبط ؟
شجى : ستاربكس !
: اوكي مع السلامه
شجى : شلون بعرفج ؟!
: انا اعرفج وراح اطلب قهوتي واقعد معاج لا تحاتين .. مع السلامه ..
شجى:مع السلامه وسدته واهي مستغربه بس مافكرت وايد ..

طلبت قهوتها وقعدت بستاربكس تنطر هالشخــصــيه المجــهولــه ..!

شجى ماهدت لحظه فكره تييبها وفكره تردها!! وما قطع هالتفكير وزاد هالتوتر الا قعده بنيه جدامها وبابتسامه بارده


: السلام
شجى" نفس الصوت !: وعليكم السلام .. عفوا اختي بس ليلحين ما عرفتج
: انا كـــــــادي ..
شجى: فرصه سعيده وعاشت الاسامي بس شبغيتي مني ؟
كادي : تسلمين حبيبتي .. انا مابي منج شي بس عندي امانه وحبيت اوصلها لج بإيدي عشان اتأكد انها وصلت
شجى : شنو هالامانه
كادي بكل برود شربت من قهوتها : هالشي يخصج .. قدمت لها ظرف وخذت قهوتها ومشت عنها

قلبت الظرف كان مكتوب عليه ..

< نهايتكم داخل هالظرف >

استغربت من هالجمله .. و بنفس الوقت دقات قلبي زادت .. خفت افتحه و اشوف شي ما يسرني ..


شجى بطلت الظرف و كانت اكبر صدمه !! : صور كادي وسيف ريلها !! والاهم الـ cd بدون تفكير دخلت الصور وراحت سيارتها بسرعه وشغلته

كانت مكاالمه !!!!!!!!!


---: سيووووووف تحبني ولا ما تحبني
سيف : ياااااااااااا روووووووح سيوفج .. اي حياتي والله احبج و اموت فيج يا اغلى كادي على قلبي
كادي : ههههههههه ما تمشي اغلى كادي على قلبك
سيف : بس يالله جب .. عندي انا تمشي
كادي بدلع : مممممممممم ليش تجببني ..
سيف : يا روحي زعلتي ..
كادي بدلع زايد : اييييه ..
سيف : شلي يرضيج اسويه المهم ما تزعلين .. كل شي ولا زعلج
كادي : ممممم مادري ..
سيف : يمه فديييييييييييييييييييييت دلوووووووووووعتي والله .. فديتج و فديت دلعج
كادي بدلع : اممم
سيف بجديه! : حبيبتي كادي تطلقي من ريلج وانا مستعد اخذج عليها
كادي : بس سيف تدري الموضوع مو سهل
سيف :ماعليه بيكون سهل لأني معاج تطلقي وانا باخذج انا لو اقدر اطلق مرتي واخذج انتي بس جان سويتها بدون تفكير بس انا عندي بنيه و اهي بنت خالتي .. ناطرج كادي لأني احبج انتي مو اهي
كادي : وانا بعد موت احبك بس خلني اشوف وضعي ..


رجعت لارض الواقع ..

انصدمت لمن امها قالتها

ام شجى : يمه شجى ليش تبجين انا ما قصدت شي بكلامي .. خلاص يمه سوي الي تبينه

شجى " بجييت ولا حسيت بنفسي .. هالموقف اذكره باليوم اكثر من 10 مرات و ارد ابجي كل مره .. خيانته تخليني اتعذب وتحرق قلبي.. شلون تبوني ارد للي جرح قلبي .. جرحه عمره ما يبرى و بظل ينزف لين ما يثبتلي براءة خيانته .. مع انه ماكو شي يثبت برائته بس هم يمكن !




--



بـــعــــيد عــــن اجـــواء المـــســــتشــــفى وبــعــيد عن ذكــريـــات انـــســــانه متشــائــمه فقـدت معنــى الراحــه النفـــســيه .. وصـــارت شــبه حيـــه والــســـبــب .. { انــانـــيــه ريـال}




بوسط الصاله مندمجين بالتلفزيون فجأه انقطع اندماجهم صوت ..

الابو : يبا طلول عطني صحن الفواكه الي جدامك ..
طلال عينه عالتلفزيون : زيــــن يبا بس انطر شوي
الابو عصب : اقولك قوم بعد هذا الي ناقص انا انطرك انت ... قم فز ..

بنفس المكان

كـــان في شخص سرحان مو معاهم .. من بدايه حوارهم سرحت بــــ ..

--: تبين اقصلج شويه تفاح و برتقال تاكلين معاي
--: اييه اييه .. و عينها على التلفزيون ..

بـــعــد فتره

---: زين يما كادي قصيتلج تعالي اخذي صحنج
كادي : واااااااااااااي يما تكفين بشوف المسلسل آخر حلقه مابي اضيع مني ولا لقطه تكفين يما حبيبتي يبيلي ياه
ام كادي : هذا الي ناقص اقوم آآييبلج آآنا
كادي : ايه يما يعني شفيها مو انا بنتج .. و انتي ولدتيني 9 أشهر بطنج و لج حق عليَ و ..
ام كادي قاطعتها : شكووو هالحجي بلي اقوله
كادي : شفيج يما اللبيبوو بالاشاره يفهموووووو .. يماا يعني قاعده اساحلج .. ما هقيتها منج

--

صــــــرخــــت ولدها طلعتها من ذكرياتها ..

طلال : يما وين وصلتي بيييييييييه صارلينا مده انا و ابووي انادييج ..

الام خانقتها العبره مو قادره تتكلم

ابو كادي : شفيج ؟؟
ام كادي غصب تتكلم : تذكرتها
طلال : منو ؟؟
ام كادي : بنيتي .. ودوني لها .. ابي اشووفها ..
طلال بعصبيه واضحه : يمااااااااااااااااااااا قلنالج اعتبرييييييييها مااااااااااااتتت بس ماكو كادي .. انتي ما عندج بنت اسمها كادي ..
بو كادي قاطعه : صح كلام الولد .. ما اتشرف ببنت نزلت راسي بالارض ..
ام كادي : لو شنو سوت بظل بنتي و بظل اذكرها .. ما تحسوووووووووووووون انتوو قلوبكم من شنو

طلال هدهم و طلع

بوكادي صرخ : تذكريها بينج و بين نفسج .. بس ان سمعت عنها شي ولا يبتو طاريها بالبيت والله لاعفسلكم البيت فوق حددددددددر ساااااااااااامعه بنتج مااااااااااااتتت من زمان .. حتى لو كانت عايشه فبنظري انها توفت .. الله يرحمهااااااااااااااااا ..

بنـــفـــس البـــيــت .. نظام شقه حق ولدهم العود ومرتــه ..!


":الله يذكرها بالخير كادي كانت تحب هالحلو وتتهاوش معاي لي سويت وما ناديتها
ناصر شافها والشرار يتطاير من عيونه : تهاني !!! جم مره قلتلج سيره هالحيوانه لا تييبينها
تهاني : ناصر الله يهداك شقلت انا ذاكره عدوك وانا مادري
ناصر : ايي عدويي!! هالـ **** ما اتشرف انها تكون من اهلي او لهاا صفه فيني ..!
تهاني : بس هذي اختك ياناصر لا تنسى هالشي ..
ناصر : وانا قلتلج اني ما اتشرف فيها ما تفهمين
تهاني بضيقه : انشالله ..

------


اخر اركان هالــبـــيـــت ..



منعــزل بغــرفــته ماســك صورتــهــا ودموعه تنزل بحســره ..!

سالم " وينج ياكادي اشتقتلج بس ما اقدر اسوي شي انتي وطيتي راسنا .. هز راسه بضيق وتعب سكنه من يوم ما فارقته اخته .. اقرب الناس له ..قام غسل ويهه وبدل وطلع ..


------

هذيل اهل كادي .. نسووو بنتهم كادي من بعد الي سوته !! كرهوها !! موتها و اهيا حيه ! الا شخصين يبونها يمهم وقريبه منهم مثل قبل بس ما باليد حيله .. { سالــم وامــها }

 

[rayona]

هاي حبوبة أنا متابعة يديدة وأمس قريت كل البارتات الرواية واااااااااايد حلوة وهذي تعليقاتي على الشخصيات
>ضاري<احسه مغازلجي ويلعب على البنات ماحب هالنوعية
>كادي<طيبة وعلى نياتها مسكييييينة كسرت خاطري أبي أعرف شنو سوالها ضاري
ويعطييييج العافية ..

هاااااي حبيبتي ..

منورة قلبي بالروايه .. و الله يعافيج :eh_s(7):

 

[rayona]

مشكوووره حبيبتي

العفووووووووو حيااااااااتتتتتتي :eh_s(7):

 

[rayona]

رد: رد : { ذئــاب لا تعــرف الــرحـــمــة ..!!

up
up
up
na6rench ryoun

tslmeeeeeeeeeen glbiiii 3al tshjeeeeeeeeee3

kani nzlta lkoom

 

[rayona]

اقرا البارتات وانا متنحه مووفاهمه شي لووول

هلا حبيبتي ..

هههههههههههه اي يمكن ما تفهمين شي بس انشاءالله بالبارتات اليايه تفهمين معنه شوي قامت توضح السالفه

 

[البارونه*_^رونه]

ح ــــرآآآآآم الله يعينهم ويصبرهم

واتوقع كاادي اللي يحبهاا سيف مو نفسهاا كااااادي اللي كانت تحب ضاااري


يسلمووو بعد قلبي ع البااارت

نااطرين اليااااااااي

 

[P!NKia]

هذيلا شمسوين اللى كل واحد منهم منجاش وكارهينه اهله
الله يكفينا الشر
كملى فديتج القصه تشوق والاسلوب روووعه