الـــبـــــارت الـــخــامــــــــس ..
نازله ركض واهي تضحك زاد من جمال ويها الطفولي: بااباا باابا
سيف شالها : عيون باباتج
دانه تضحك واهي مستانسه انه شايلها: عروستي حلوه ؟
سيف: حلوه بس مو احلى منج
دانه : صج بابا ؟
سيف : ايي ياروح ابوج ..هذي عروستج وانتي عروستي شرايج ؟
دانه : زين
سيف سرح بتفكيره " آآآه المفروض انه كادي امج بس الله ماكتب لنا اظاهر .. والله ليلحين احبج وابيج وكل مره اقول بنساج واجذب على روحي .. لو تدرين شكثر مشتاقلج بس ما اقدر اهدم بيتي وعايلتي واخسر كل شي وانتي كنتي سبب هالخراب بالحالتين انتي مو لي .. على اللي سويتيه الا اني ليلحين احبج وما اقول الا الله يوفقج ..
دانه : بااباا
سيف : هلا حبيبتي
دانه بزعل : شنو هذا انا من زمان اناديك انت ماترد عليي
سيف : كنت افكر فييج حبيبتي
دانه : مااابي ماااابي
سيف قعدها بحظنه وقعد يدلدغها
دانه : هههههههه بس بس
سيف : ها بس ولا بعد
دانه : لاا بس
سيف: لاا بعد
دانه : هههههههههه بس خلاص
سيف شالها مره ثانيه: يلا نروح نشوف بارني ؟
دانه :لا بشوف فيلم مال باربي
سيف : باربي عاد مره وحده يلا ماعليه نشوفه لعيونج
دانه :شنو ؟
سيف : ولا شي يلاا نروح نشوف باربي
دانه : يلاا يلا
سيف نزلها : بمسكج الحين
دانه تضحك وتركض : لاا مابي ماتمسكني وصعدت فوق قبل لا يمسكها
سيف:ههههههههههههه زين بابا وينه فيلم باربي ؟
دانه :كا كا هذا الشريط ماما شرته لي بس اهي مايت .. بابا اهي متى راح تيي البيت وتطالع
ويانا؟
سيف باسها: انا قلتلج اهي بترد ما راح تطول يلاا خل نشووف وشغل الـ dvd
دانه قعدت تنااقز :هي هيي هي هي بااربيييي
سيف قعد وقعدها بحظنه : يلاا شوفي باربي
دانه : زيين بابا
------------------------------------
نرجع حق الدكتوره وكادي ..
الدكتوره : ها كادي حبيبتي في شي بقلبج بعد ؟
كادي : امممم وافترقنا ... بدموع وقلبين انكسرو .. حب بالمهاد بس ذبحوه ..
الدكتوره ساكته ناطرتها تكمل عشان تستوعب اللي قاعده تقوله ..
كادي : اذكر لمن بدت مراهقتي ووصلت سن ال14 و ال15 سنه ... امي صدمتني بكلامها .. حزتها حقدتها اول مره اعرف احقد كان بهذاك اليوم
نرجع لذاك اليوم ..
كنت يومها قاعده مع امي اشرب جاي و نشوف مسلسل ..
ام كادي : يمه كادي بكلمج بموضوع
كادي : هلا .. يمه قولي
ام كادي : انتي الحين كبرتي ..و المفروض يعني تخففين من روحاتج لبيت خالتج ام ضاري..
كادي : ليش يمه
ام كادي : بعد تدرين يما خلاص وصلتي لسن مايصير تقعدين مع ضاري
كادي : بس انتو عودتوني عليه 24 ساعه حياتي معاه و الحين يايين تمنعوني؟
ام كادي : قبل غير و الحين غير قبل صغيره .. اما الحين انتي كبرتي و اهوا صار ريال .. فهمي ما يصير تقعدين معاه!!
يومها هزيت راسي لها بأني موافقه وو هديتها و صعدت داري كنت حيل متضايقه من اللي قالووه..
و اول شي سويته مسكت تلفوني و دقيت عليه .. " عنيده و الي براسي اسويه
رن رنيتين و شاله ..
ضاري : هلا كاادي حبيبتي
كادي بصوت مخنوق : ضروووي
ضاري : شفيج
كادي : متضايقه
ضاري : من شنو
و قعدت اقوله الي امي قالتلي ياه بضبط !! حسيت روحي هبله !! ليش اقوله .!! بس وقتها ما كنت
افكر غير فيه و شلون بوخر عنه
وما رد علي الا بكلمه ..
ضاري بصوت مخنوق : لـــيــش؟
كادي : مادري .. ليش يسوون جذي زين اهما عودونا على جذي يبوني بيوم و ليله اتغير صعب!!
انصدمت منه انه بجى !! ضاري يبجي و على منو عليَ انا
رجعت للواقع..
كادي : بجى و عارض هالشي بس ما كان بيدنا غير انه نسوي الي اهمه يبونه !! كان يبجي و كنت ابجي معاه !! كنت غبيه و ساذجه لدرجه ما تتصورينها ابجي على هالوحش !! بس الحين لو اشوفه يبجي جدامي .. والله لا اعذبه و اخليه يبجي اكثر !! بالعكس قلبي بيفرح لا شفته هالحقير يبجي!!
