د. منصور الصليلي .. من عندها تفاصيل عنه ؟!

[إستبرق الكويت]

اشلونكم حبيباتي

طبعاً انا اعالج عند د. دلال السالم , وصدمتني بعد ماقالت لي إن مافي تبويض ولا إستجابة للعلاج وإن المبايض حجمهم 7 سم بس مع الأبر والكلوميد

المهم الكل قالي روحي لـِ د. منصور الصليلي خوش واحد ووايد زين

وبصراحة انا عشانه ريال ماودي أروح فشلانه من الفحص وغيره , وهم لأنه مكانه بعيد بالجهراء فمستصعبه الروحه له شوي

مع هذا قلت أسألكم عنه يمكن أرتاح له ورب العالمين يفج عوقي على إيده والله كريم

بغيت اعرف

- هل في زحمه عنده ؟
- هو بنفسه يستقبل الحالات وإلا يحولهم لدكتور ثاني بالبداية مثل د. فوزية القطان ؟
- تعرفون احد عالج عنده وإستفاد ؟

ومشكورين مقدماً ​

 

[kankona]

حبيبتي انا ما سمعت احد يمدحة

 

[-Bello-]

واااايد يمدحووونه والله ..بس انا مالي تجربه معاه ولا افكر اروحله مكانه وااايد بعيد وفوووقه ريال ..ما احب

 

[الملقوفة]

وووووووايد يمدحونة

 

[أغصان]

حبيبتي انا عالجت عنده ماشالله دكتور شاطر وذو اخلاق عاليه
وانتي اول ماتروحين المستشفى اطلبي تفتحين ملف عند الدكتور منصور نفسه
وراح يعطونك موعد بعد شهر وطبعا هو اللي بيستمر معاك بعلاجك الى نهايته
وان شاءالله تكون نهايته حمل ان شاءالله

انتي استخيري وتوكلي على الله

 

[أغصان]

على فكره اذا عن البعد فأنا ساكنه بالمنطقه العاشره وعلى هذا اروحله من كثر ما اسمع عنه
وبعدين الكويت ديره صغيره والمشوار من جنوب الكويت لشمال الكويت كلها ساعه
وان شاءالله الله يرزقج بالذريه الصالحه يارب

 

[طم طم]

روحى يا أختى وعلى ضمانتى دكتور مووو شاطر إلا شىء مو طبيعى والله العظيم فعلا اخلاق ماشاء الله عليه وعلاجاته زينه 100% كافى أنه هوو إللى يتابع حالتج من طق طق لسلام عليكم وبالنسبه للزحمه عنده بس منتظميم بالدور إن كثرتى بالقعده 2ساعتين بس وعلى الطريج يا اختى انا فى الديره وعلى طول اروح عنده وقفت على الطريج وييييييييييييه علشان الضنى كل شىء يهووون بالجهرا ولا بديره ثانيه بره الكويت والتعبه على السياره
والله يرزقج ان شاء الله

 

[كليرز]

انا مع البنات انه الدكتور العرف من اكفا الدكاترة اللي عندنا وانا كنت اعالج عنده معاملته راقيه جدا
وعلى فكرة سمعته واصلة لندن لدرجه انه بنت عمي كانت مع ولدها اتعالج هناك ووحده معاها بنفس العمارة جايه لندن تبي الحمال فقالها الدكتور اللي هناك (( انتو ليه تجون عندنا علشان الحمل وعندكم الدكتور منصور العرف))

واذا انتي تفكرين بالطريق والمشوار الطويل ما فكرتي بالسنين اللي راحت وانتي تعالجين انتي مو خسرانه شي ..
والله الموفق

 

[moorjan]

انا رايحتله من كثر ما الناس امدحته لي انسان فاهم وذكي وفوق كل هذا خلووق ومؤدب وسألي اهل الجهرا اهم ادرى من كثر ماهو شاطر يسمونه ساحر وانتي استخيري لأن الامر بالنهايه بيد رب العالمين ... موفقه

 

[إستبرق الكويت]

مشكورين خواتي ع الردود

بصراحة كل من يمدحه بس تدرون الواحد لين طاح بحيرة اشلون يتردد ويأخر نفسه , إن شاءالله أستخير رب العالمين وأتوكل على الله

ممكن رقم عيادته وعنوانها ؟! ​

 

[سارا ديور]

دكتور ممتااااااااااااااااااااااااز

وشااااطر خاصه بامراض النسا

وعيادته ما شاءالله عليه تقريبا مستشفى لأنه قام يولد فيها

بس عمري ما راجعت عنده لأني ما احب اراجع عند ياييل

انا مرا سويت فحوصات بالكلينك ماله وجربت طبيب الأطفال والطوارئ لعيالي

بس وااااايد من رفيجاتي ايوله من المنطقه العاشره علشان يعالجون عنده

وماشاءالله يتوفقون بعد الله سبحانه

 

[أغصان]

حبيبتي هذا بطاقة الدكتور منصور وفيها عنوانه ورقمه

والله يرزقج ان شاءالله

 

[إستبرق الكويت]

يعطيكم العافية ياربي يوفقكم دنيا وآخرة ولا يحرمكم من نعمة الأمومة يارب :eh_s(21):

حبيبتي والله قلب الحب ما قصرتي , عسى عمرج طويل :eh_s(7):

 

[ملاك-77]

الله يرزقج ويرزقنا يارب بالذرية الصالحه

 

[.]

الله يرزقكم الذرية الصالحه يارب..

واللي سمعته انه كل من يمدحه ماشالله..