د.معصومة الرضى مستشفى دار الشفاء الله يخليكم بجرية طمنوني

[zahoora304]

السلام عليكم بنااات الله يسهل على الكل و الجميع و يرزق كل محروم انا جم سنة صار لي متزوجة بس ماحملت على طول قعدت 4 سنين الحمد لله حملت ووووووايد قاعدة اوسوس كنت اراجع عند دكتورة ليلى اشكناني بس ماادري حسيييت انها واااايد باردة و ماتعلق ولاتوضح لج السونار وبسرعة بسرعة تفعد معاج 5 دقايق ويالله فقررت اني اغيرها و اروح عند دكتورة معصومة الرضى في دار الشفا ابي الي جربها اشرايكم فيها و اشلونها بالولادة؟؟؟؟؟طمنوني الله يطمن قلبكم انا بالخامسb][/b]

 

[Najoma]

Up up up

 

[بناااوي]

رفيجتي سوتلهااا قيصرررريه وهي مولازم قيصريه
كتبوا في ملفهااا خطأ طبي ماأنصحج فيهااا
روحي فوزيه القطااان او معصومه مخصيد احسن دكتورتين بالكويت

 

[Ameera Sweet]

انا انصحج فيها
وحده من اهلي ولدت عندها قيصري لان حالتها تستدعي تولد قيصري بس وايد حبوبه الدكتوره وطيبه وفي من اهلي بعد ولدوا طبيعي عندها والكل يمدحها
انشالله حالتج تكون ولادتج طبيعي

 

[أم شيــ@وخة]

انا اراجع بدار الشفا وتوني والده من شهرين
بس انا اراجع عند دكتور حسام كامل وايد زين باله طويل وينصحج ويستقبل اي استفسارات عندج ويعاطيج وقتج
اما معصومه ما ارتحتلها كلش
وعلى فكره مستشفى دار الشفا دكاترتها الرياييل احسن من الحريم

 

[LAW_GiRL]

بنت خالتي ولدتها قيصريه وخياطها خايس
وقبل شهر ولدت مرت ولد خالتي ولتهب عندها الجرح انل مانصحج فيها
عندج الدكتور حسام كامل رووووووعه ممتاااااااااز ولدني فبجري خياطه يهبل مع اني قيصريه بس صج صج يراعي وباله طوييييل

 

[zahoora304]

وااااي خوفتوني ماادري وين اروح مابي دكاترة رياييل

 

[zahoora304]

شنو في بعد دكتورات ثقة

 

[عبث طفله]

ما انصحج فيها كلللللللللللللش

على طول تحب القيصريات ..

 

[Najoma]

Up up up

 

[ام قدووور]

اول شي احب اقولج لو سألتي عن اي دكتور او دكتوره لازم ذامينهم !!!

والدكاتره مو ملائكه معصومه من الخطأ( السهالات من ربي)

ودايما اسمع كلمة كله يولد او تولد قيصيري !!

ترا حسب كل وحدا شنو حالتها تستدعي

ما اشوف وحدا من الي كاتبين ردود مراجعه عندها على اي اساس تحكمون ؟

انا ارجع عند معصومه وتهبل واتينن طيوبه وحبوبه صدرها وسيع غير هذا خواتي والدين عندها 3 مرات وطبيعي!!

وخياطها نظيف وتقرا عليج لما تولدين جنها امج اصلن



انا بجريه مثلج وحيل شفت انه البنات ما يساعدون علا هالموضوع يخرعون الوحدا

حبيبتي توكلي علا الله وراجعي عندها بتشوفين بعينج وبتحكمين

عيبها الوحيد زحمه عندها يعني موعدج كل شهر

ولواهيه مثل ما ما يقولون جان ما شفتي عندها كل هالناس!

وسوري قرقت وايد بس ماحب الي يقول قالوا الناس واهوه مو شايف بعينه!!

 

[so-_so]

حبيبتي انا اقولج توكلي علا الله
الدكتورا حيييل زينه ونفسيتها
تهبل اختي والده عندها وخياطها
زين وانا الحين اراجع عندها
وخلي ثقتج بالله كبيره والتساهيل
من ربج
اللهم أني اسالك هون الطلق وحسن الخلق

 

[katko_ota]

انا في بناتي الاثنين كنت عندها والحمد الله كانت ولادتي طبيعي وصج تحسين انها امج وللعلم في بنتي الاخيره ولادتي كانت الفير دقوا عليها ويتني والتساهيل من رب العالمين وعسي الله يقومج بالسلامه

 

[الشيخات]

التساهيل من رب العالمين

 

[تااضي]

انا والدة مرتين البجر عندها وخياطها يهبل تجميلي ما تشوفين غرز ولا شي

والثاني ولدت عند شلاطة هندية الحمدلله بس الخياط واضح وبارز ولاعت جبدي من نفسي مو عن شي لان بالبجر ماكو شي مبين بس احس بالم بسيط
واذا لي نية حمال اكيد باذن الله عندهاا بس الدور عندها تجيج النومة وانتي ما دخلتي

 

[miss_Ba6oOo6a]

تلوع الجبد ماانصح اهي ولدتني دكتورتي كانت مسافره ويابوها غصب
لا معامله ولاتعامل ولا شي تكرمين زفت داشه علي بدون الروب وتبي تفحص واول مادشت تقوول قيصري
انا ولادتي بالسابع بدون بنج وايد تاذيت منها بدال لا تنصحنبي وتصبرني طردت اهلي بره كنت حاجزه غرفه خاصه تقول لاتشوفكم تاذيني بالبجي اكيد بدون كمام ولا ابره منو يتحمل ولما ولدت بدال لا تقوول الحمدلله علا سلامتها وزين ولدت علا هالتعب
تتا اف اف وتقلون ما ساعدتني وايد اذتني جم عمري وقتها 20 وبالسابع وبدون بنج وفوق كل هاذا هادتني مشرعه بدون خياط
وطلعت اتقول حق اهلي ما تخليني وانا مو حاسه يالله قالولها عطيها بنج قوي لان وايد غشيت عليهم بالولاده ولما ولدت مادري شصار نصييييييحه انحاشي منها واذا قدرتي ريااااااااال وايد احسن من الحريم انا الحين اراجع عند استشاري بوشهري كلنك خالد حموده لان حالتي غيير ويبيلي ربط

 

[حكوكة بيتنا]

دكتوره معصومه تهببببل رفيجاتي وبنت عمي ومرت خالي كلهم عندها وايد يمدحونها وكلهم ولدتهم طبيعي
ودكتوره ليلى اشكناني وخري عنها ولا تفكرين تراجعين عندها لان مو ذيك الخبره ولا فاهمه ذاك الزود
وفوزيه القطان ترا بس مجرد خذت سمعه
انا اقول خلج على معصومه وايد ززينه

 

[q8ya حتى النخاع]

اب
اب
نبي بعد تجارب البنات​

 

[خيشة شكر@]

اب اب

 

[zahoora304]

اب
اب
اب