د. محسن طلبه

[مدرسه فنيه]

الله يكتب اللي فيه الخير

 

[فرفوووشة]

رد : د. محسن طلبه

اللي خايفة منة و شكلة صح ان الدكتور من كثر الضغط اللي علية بدا يجذب..


كل مرة يقوول مكان و كل ما وحدة سالتة يقول وقعت العقد و لما ندق على المواساة ولا الامومة يقولون ما سوى شي رسمي و ما وقع بس قاعد يراسل الادارة.. و ما يسير يوقع عقد بعدين يغير راية ترة توقيع العقد في شرووط و غرامة لو غير راية فما اعتقد ان اهوة صاج..

وبعديين اللي خلاني اشك ان كل ما اكلمة أو اختي تكلمة أو أي أحد من بنات المنتدى يقول راح اتواجد أخر الاسبوع يا الثلاث يا الاربعاء. خو ما عندة غير هاليومين بس معلق عليهم..


أنا أقول اللي في الخير انشاءاللة اللة يكتبة

 

[شانيل نمبر 5]

اتصلت علي مستشفي الامومه...قالوا ماعندنا اي خبر..

 

[غلاي غير]

اي شي مستشفى الامومه

شصار عليه هالدكتور مو معقووووووووله

امبيييييييييييييييييييييييييييييييييييييه

مو معقوله

والي بالجدر يطلعه الملاس

وان شاء الله ادق عليهم واسالهم

 

[passion.666]

انا مليت وابي احمل ماني عارفه اروح من حقه الصراحه الدكتور طول باله معاي من غير ابر والا حبوب لما حملت والحين ابي احمل واخاف اروح حق اي دكتور يلعبون فيني بالأبر ولحبوب والله انا ما ني عارفه شلون اختار الدكتور الزين

 

[فرفوووشة]

رد : د. محسن طلبه

دقووو عليييييييييييييييية

 

[مدرسه فنيه]

اشك بصحة الكلام انه راح يروح مستشفى الامومه


ومع الايام راح يبين كل شي

 

[غلاي غير]

بنااااااااااات

دازين مسج حق اختي
د محسن طلبه يستقبل مرضاه بمستشفى عاليه الدولي

والحين وحده بالمنتدى تقول وتاكد انها توها راجعه منه وانه بمستشفى عاليه الدولي

 

[فرفوووشة]

رد : د. محسن طلبه

جذذذذذذذذذذذذذب

 

[مدرسه فنيه]

فرفوووشه مو جذب انا سالته قال راح اكون بمستشفى عاليه لحد يوم الخميس

مو على طول

 

[اختكم بالله]

رفيجتي والده عنده اكثر من مره عنده وتمدحه

 

[أبله شقحه]

كنت بالمواساة اليوم بركب لولب المهم سألت عنه بنات الدكتور مهو جاى المستشفى لاتنطرونه عالفاضى روحو حق غيرة لويبثبت على مكان كان بلغكم صح ؟؟؟؟؟؟ لاتنطرونه عالفاضى نصيحه وبكيفكم

 

[هوازن العتيبي]

رد : د. محسن طلبه

اب اب اب

 

[غلاي غير]

رد: رد : د. محسن طلبه

جذذذذذذذذذذذذذب

شنو جذب عييييييب انتي كبيره مو صغيره ارتقوا شوي بالافاظ



بعدين المسج عند اختي مو مصدقه تعالي بيتنا واخليج تشوفينه بعينج

ولا يخليكم الدكتور تنطرونه وتقطون حجي على الفاضي

اذا مؤقت لي الخميس بننطر ونشوف
واذا فيه خيره لنا بيستقر الدكتور بمكان اما وضعه الحين يحير

 

[مسك الكلام]

نصيحه لاتولدين عنده أناوالده طبيعي ولادتين الثالثه وضع البيبي غلط على المقعده وسويت قيصريه قعدت 4سنين من كثر خوفي من العمليه بعدين حملت حملي أوكي وضع البيبي طبيعي امدحوه لي وأنا كنت خايفه من العمليه رحتله وكنت أسمع كلامه بكل شي للأمانه أخلاقيا محترم يس طبيا مايفهم تصورو بالثامن هراني مشي وخلاني أشرب خروع يقول بولدج مبجر أحسن البيبي صغير أسهل بالولاده ودخلت ولاده طبعا البيبي تعب مو متحمل الطلق ولا مستعد للطلعه قل أكسجين البيبي قعد يقولي عمليتك زي الفل وتتحمل الطلق بس البيبي قل الأكسجين عنده ولازم أدخلج عمليه أو راح تفرحين بولاده طبيعيه بس تاخذين طفل معوق طبعا دشيت عمليه والله سلملي بنتي بس حكم علي هالدكتور بثوارته إن كل ولاداتي قيصريه وعمليته موزينه 4سنوات وتلتهب علي بعكس عمليتي الأولي ماشاء الله كانت تهبل​

 

[فرفوووشة]

رد : رد: رد : د. محسن طلبه

شنو جذب عييييييب انتي كبيره مو صغيره ارتقوا شوي بالافاظ



بعدين المسج عند اختي مو مصدقه تعالي بيتنا واخليج تشوفينه بعينج

ولا يخليكم الدكتور تنطرونه وتقطون حجي على الفاضي

اذا مؤقت لي الخميس بننطر ونشوف
واذا فيه خيره لنا بيستقر الدكتور بمكان اما وضعه الحين يحير

بسماللة اشفسسج حبيبتي غلاي كليتيني... ترة انتي الل تفكيرج مو زين و راح للاسوء.. انا اللة يعلم اني قلت جذب مو على الخبر اليايبتة انا دري انا عالية الفاشلة دز مسجات من ورا الدكتور انا اقصد عليهم مو عليج.. و نصيحة قبل لا تندفعين و تعصبين حاولي تفهميين الكلام من كذا جانب مو من جانب واحد ولو شاكة ردي ساليني شنو قصدج.. حاولي تمسكين اعصابج مو شي تهزئين الناس على كيفج عييب..


و بخصوص الدكتور انا قلت على عالية جذابة لان اهو قبل قال عنها جذي ولا تسمعون كلامها تبي تشتهر على حسابة.. وانا اقسم باللة ان اختي مكلمتة و قايلها انا بيروح اليوم يوقع العقد مع الامومة والحين في بنات يقولون راح عالية..

انا مدري منو الجذاب و صراحة الدكتور اهو اللي جذب وايد علينا لان احنا نكلمة شخصيا يقولنا كلام و نسمع منكم كلام ثاني.. واللة يهديية

 

[غلاي غير]

رد: رد : رد: رد : د. محسن طلبه

بسماللة اشفسسج حبيبتي غلاي كليتيني... ترة انتي الل تفكيرج مو زين و راح للاسوء.. انا اللة يعلم اني قلت جذب مو على الخبر اليايبتة انا دري انا عالية الفاشلة دز مسجات من ورا الدكتور انا اقصد عليهم مو عليج.. و نصيحة قبل لا تندفعين و تعصبين حاولي تفهميين الكلام من كذا جانب مو من جانب واحد ولو شاكة ردي ساليني شنو قصدج.. حاولي تمسكين اعصابج مو شي تهزئين الناس على كيفج عييب..


و بخصوص الدكتور انا قلت على عالية جذابة لان اهو قبل قال عنها جذي ولا تسمعون كلامها تبي تشتهر على حسابة.. وانا اقسم باللة ان اختي مكلمتة و قايلها انا بيروح اليوم يوقع العقد مع الامومة والحين في بنات يقولون راح عالية..

انا مدري منو الجذاب و صراحة الدكتور اهو اللي جذب وايد علينا لان احنا نكلمة شخصيا يقولنا كلام و نسمع منكم كلام ثاني.. واللة يهديية

سوري فرفوشه وحقج علي السموحه
انتي كتبتي هالكلمه بعد ردي فشي طبيعي اني اعتقد انها رد علي لانج ماوضحتي لمنو :gr4uu:

وعن الدكتور والله صاجه كل وحده قاعد يقولها شي ثاني انا قايلي تاريخ 21-11 ومامسحت المسج ليما الحين
انه مو بعاليا بالمواساة ومن هذاك اليوم وانا انطر واختي داخله شهرها ووهقها كل مره يقول الاسبوع الجاي

وانتوا قاايلكم انه بالامومه غريبه تدرين صج المستشفى جديد وماتعرفين شنو فيه بس احلى مافيه قريب علي
واتوقع هو المستشفى الوحيد الي قبلوا فيه يبون مرضى شكل المستشفى طاح بجبدهم والله يستر :0bee2e8d89:

 

[فرفوووشة]

رد : د. محسن طلبه

حصل غير اختي غلاي...

علعموم انا توني داقة علية قال لييش مايتي عالية قبل يومين على ما اظن كان موقت هناك... وقالي انا وقعت مع الامومة و من الاسبوع اليديد بيكون هناك... دقيت على الامومة قالولي نفس الكلام و نطري الاعلان بالجرايد بنزلة ان الدكتور عندنا...

مادري شنو الي راح يصير

 

[passion.666]

بنات صلو على النبي الهم صلي وسلم عليه
احنا ما نختلف مع بعض ولانجذب بعض
لأن الدكتور يكلم كل وحده ويعطيها الأمل ان راح يكون في المستشفى المواساة ولا الأمومه ولا عاليه
وحنا الضايعين
انا مثلكم محتاره ابي احمل وما حصل ولا ني عارفه اروح حق اي دكتور
احس اني ضايعه ماني عارفه شسوي

 

[غلاي غير]

صج عاد بالامومه

ما ادري مستشفى يديد ويخوف ان مافي تجار والغرف ليما الحين ما كتملت الله يستر

احسن شي انه قريب علي
والله كريم ويكتب الي فيه الخير
الي تاكد الخبر وتروحله تعطينا اخر المستجدات