د.لطفي زاده فااااااشل

[Mafnood]

السلا عليكم انا من زمان متابعه وشفت المدح على لطفي زاده وبور صادق
المهم اتابع سنه كامله وسافرت واخترة لطفي ..
انا خشمي طويل وطوله وارتفاعه حلو بس عندي انحراف والعظمه من الطرف اليمين مو نفس الطرف الايسر
فقالي بعدلك وللاسف خرب خشمي سوه عريض من تحت ومن يمين ويسار عن تجربه نصيحه لحد يروح على مدح اختاري اي مستشفى او عياده في البلاد او خارجها ورحي استشاره وقعدي وشوفي البنات وبتشوفين اذا يسوي زين وللا لا نصيحه نصيحه او صديقه تعرفينه مسويه حلو وتسوين عند دكتورها

 

[منيره kkk]

حبيبتى انتى جم يوم صار ؟

 

[Mafnood]

مسويه من 9شهور

 

[pocahantis]

الحمد لله على سلامتج
الخشم ما يستقر إلا لمن يمر عليه سنه ولا سنتين
نطري وبتلاحظين انه قام يتحدد اكثر

بس حرام سويتيه فاااشل مره وحده!
يمكن انتي موعاجبتج النتيجة مؤ متقبله خشمج أو كنتي متوقعه شكل غير
حبيبتي ماكو دكتور بالدنيا كل عملياته ناجحه وبيرفكت خصوصاا دكاترة التجميل
لازم لاااازم في نسبه من الناس تتشكى مايكون عاجبها أو ما يضبطها
بس شطاره الدكتور تبين إذا هال نسبه كانت كبيره ولا صغيره

وبالاخير بقول شئ لازم الكل يعرفه انه عمليات التجميل حظ

 

[m!ss sara]

فاشل عاد !

الدكتور فنان واميه وحده نعرفها راحت عنده ويانه عللى خشمها .. غير اللي يروحوله من مختلف الدول عشان يضبط خشومهم
وغير الايرانيات نفسهم وغير وغير .. ظلم كبير نقول عنه فاشل

شوفي حبيبتي

الدكتور الشاطر اهوا مو معصوم يعني مو معناته 100% عملياته تكون مضبوطه

ولكن في إيفرج يعني حد معين يفرقه عن الدكتور الفاشل

يعني للتوضيح

من أصل 10 عمليات تكون عنده 8 عمليات ناجحه و 2 لسبب ما ماتضبط

عكس الدكتور الفاشل

تلقين من اصل 10 عمليات 2 ناجحين و 8 فاشلين

ومن هالشي نشوف كثرة الانتقادات عليهم ومعروفين وماودي أسمي

بس ابدا ما شفت الانتقادات الكثيره اللي تهل على دكتور مثل لطفي زاده

وبعدين نطري سنتين تالي حكمي بالشكل النهائي ..

وان شاء الله يطيب خاطرج

موفقه

 

[$نرجس$]

مفنود شنو نوع الخشم الي اتحبيينه

 

[Mafnood]

مفنود شنو نوع الخشم الي اتحبيينه

هلا نرجس بقولج خشم يارا حلو واحب اللي نفس الفكره طويل وضعيف ومرتب
المهم انا قلت له ابا الزحليقه سوالي زحليقه ونزل الخشم من الوسط بس بزياده ورفع الارنبه وخلاه مبووز وعرضه عشان الفتحات يعطن شكل مثلث نفس تقريبن مايا دياب المهم انا اليمين اللحين غير عن اليسار ماعرف شو اقول بس طلع خربان وعريض ومتفوخ ولو انا طلع متساوي معاليه

 

[$نرجس$]

اول شي الحمدالله على سلاامتج يعني انتي نقيتي الزحليقه ... وخشم ياراا ليش ما قلتيله ابي نفسه مداام عاجبج ليش اخترتي الزحلييقه !!!! ان شاءالله يصير احلااا

 

[$نرجس$]

انتي اماراتييه

 

[Mafnood]

انتي اماراتييه

الله يسلمج ..نعم
خشم يارفيه تقويسه وانا عبالي بيسوي تقوسه حلوه مب جي فطسه الخبله وعلى فكره اللحين الصوب اليمين مرتفع شوي