د.فوزيه القطان /ودكتوره نهله اللي راجعو استفسار

[M!Ss Smart]

مرحبا بنات بستفسر منكم جم سؤال انا اجهضت وبعد اربع شهور قلت اتوكل على الله وروح اراجع اشوف اذا فيني شي رحت دكتوره فوزيه القطان ولان اول مراجعه عندها حولوني ع نهله مبين فاهمه وشرحت لي وقالت لازم اول تسوين تحليل هرمون وتحليل اجسام مضاده عشان نعرف سبب الاجهاض بسألكم المستشفيات الحكوميه تسوي ولا لا لان تووني راده من السفر واخاف تحاليل بالعيادات غالي منو سوت هالتحاليل بمستشفى حكومي ومنو جربت هالدكتوره ترى اول مره اراجع واول حمل وسقطته وماعرف شالطبخه :/

 

[ام عفراء]

اعتقد مافي شي عند الخاص مو موجود بالحكومة

مع اني ما اعرف الاسعار

بس روحي المستوصف وطلبي تحويل لامراض نسا وحوامل .. عشان يسوون لج كل التحاليل المطلوبة

والله يرزقج كل خير

 

[((غلاي))]

سالي المستوصف اذا يسوون لج التحاليل الي طالبتهم منج الدكتوره
و ان شاء الله مافيج الا العافيه

 

[زين ودلال]

دكتوره نهله دكتورتي من ٢٠١٠

تينن عسل وهاديه

وانا عموما احب دكاتره الحياة كلينك جربتهم كلهم تقريبا

الله يسهل عليج ان شاء الله ويرزقج الذريه الصالحه

 

[زين ودلال]

وانا بجهاضي هم طلبت مني تحاليل وااايد

وطبعا تحليلين كان سعرهم مع بعض ١٢٠ غير الباجي وااايد بصراحه

سويتهم بالحكومه طبعا لان كانوا واايد

بس انا كنت اعرف احد بالمستشفى لان مايصير

 

[موريا آدم]

ربي يسهلك امورك

 

[M!Ss Smart]

مشكورين اللي ردو طمنتوني