د.طارق اللي بالعرف (أكوالفت) ...كور مصعررة بخدودي

[ظبي الكوويت]

حبيبتي اللي يشيلونها د بيتر و د هشام بو رزق ومادحلي اياهم د طلال العلي حق التفخ الغلط والتكور بالخد بيتر يشق شق صغيرون ويشيلهم صوب منبت الشعر وهشام بالإبر *

 

[ZoOZOo87]

ظبي الكويت وين هذيل الدكاتره باي مستشفيااات حبيبتي

 

[وحيدة امى]

الله يفرجها يارب اللي تنصح من قلب

 

[البديلة]

اب للفايدة

 

[ظبي الكوويت]

هشام بو رزق كويتي بالسلام و بيتر جنه بالمواساه مو أكيد

 

[ZoOZOo87]

ظبي لكويت اتعرفين احد شال الماده من ويهه

 

[الفدنه]

حبيبتي نطري ع الكوره وتروح بروحها باذن الله

 

[Diet pepsi]

شوفي أنا طالعت موضوعج من فترة وكان فيني اكتئاب من نفس المشكلة بس انتي ولا شي يمي أنا التهبت من اكوا لفت ويوم التهبت حسيت أني الوحيدة بهالعالم ولا لقيت احد نفس مشكلتي بجيت اربع شهور . ترى الكور شي عادي والله مو التهاب هذا بس مثل تليف يعني الجسم مسوي حوالين المادة حماية اوكبسولة والباجي يمكن ذاب. اذا مو مبين بليزبليز لاتلعبين فيه لان اذا فتحتي المكان احتمال كبير يلتهب ويهج ومعاناة مالها اول ولاتالي كلش ولا ألويه ارجوج أخذي نصيحة مجرب الداكاترة لعبوا فيني لعب ولا تقزين إبرة كورتيزون ارجوج لان ويهج بيسير شفتي شكل البدر؟ جذي مدور جنه بطيخة وبيطلعلج شعر بجسمج وبتكرهين حياتج . احمد الله أني تحسنت بس عقب جم عملية الله انقذني الصراحة واشوة مو بويهي الله سخرلي دكتور والا الباجي استغفر الله ماكو ضمير يقزونج ايي لكن يساعدونج لا يقولك مسئولية روحي عند اللي خربج ومادة اكوالفت مادة سيئة جداً جداً ابتعدي عنها اصلا ممنوعة برة لكن حسبي الله عليهم اللي ما يخافون الله . سامحيني اذا ضايقتج بس ارد واقولج كشتي بالكور ما تكبر ولاشي بس لا تقعدين ترعصين فيها كلشوي . ما كان ودي أحط قصتي هذي بس خل البنات يعرفون سوالف الدكاترة وخل يعرفون مضار هالاشياء التعيسة *

 

[ZoOZOo87]

دايت ببسي انا مااقدر اخلي الماده لانه شكله مو حلو مابيه والدكاتره قالت لي نفس كلامج

بس انا مو حابه شكلي فيهم يعني لي متى كارهه روحي لازم اشيلهم وبتحمل اللي بيصير لي

ممكن اعرف اذا مافيه احراج انتي شنو تافخه وصارلج التهاب؟

 

[Diet pepsi]

تفخت مكان كان مثل خافس شوي بجسمي ترسته ... المهم والتهبت ... انتي سويتيه وما التهب لا تلعبين فيه والله كأنج تشبين النار ... روحي عند دكتوري عمرو ثابت خل يشوفج اهو بصراحة الوحيد للي استقبلني وعالجني الله يعطيه بكل خطوة أخطيها حسنات لأني ما كنت أقدر أتحرك أبدا ولأن الدكاترة اللي رحتلهم اللي يقوللي منو قالج تتفخين وتحملي واللي يقوللي بيه عيشي جذي ويع ويع واللي يقوللي ما استقبلج دام ممو انا حاقنج .. جنا قصابين إلا دكتور عمرو كان بمصر ومسويلي اهو صدري قبل سنتين والله بس قلتله بالتلفون وانا أبجي قاللي أنا بعد جم يوم ياي الكويت ولا تفتكرين وهذي مسألة حلها بسيط إنشاء اللله وصارت من قبل وعطاني كل التطمينات لأني كنت فعلا منهارة ... ولما يا الكويت سوالي عملية ولا رضى ياخذ ولا دينار قاللي واله لو كنتي طالبة تجميل مني كنت أخذت لكن طلبتيني علاج وهذي رسالتي بالحياة ولازم أأديها .. ما أنسى كلامه فعلا شهم كان ... وانتي ما تعرفين شنو الالتهاب يعني المنطقة صارت نار حارة وتنتفخ وما تقدرين تحركين المكان الملتهب ..... إلا اذا شقوه وفرغوه ويرد عادي يطلع شوفي عاد انتي وحظج ... كرهت الحقن بكبره ولا ألإكر مرة ثانية أحقن ... خليهم اذا شكلهم مو بارز لا تلعبين بويهج والله جايز انتي نفسيا تجيسينهم وكارهتهم وإذا انتي شايفه غير جذي روحيله ... غذا تبين رقمه قوليلي أطرشلج عالخاص ...شوفيه متى بيوصل الكويت ووريه ...

 

[ZoOZOo87]

دايت بيبسي حبيبتي يعطيج العافيه والله ما قصرتي على اهتمامج للموضوع وردج علينا

جد اللي إحنا فيه مشكله نبي انجمل وتالي تيينا مشاكل ومصايب اتكرهنا بالتجميل بكبره وقليل اتلاقين ناس اتساعد او اتشور عليج وين اتروحين

التفخ أنا كرهته من اللي صارلي أنا تفخت خدودي وكرهتهم سببتلي عقده نفسيه وين ماروح الكل يدري تافخه من حريم ورياييل رحت لدكاتره قالو خليها

بس أنا مااقدر لازم اشيل أخدودي مااقدر اخليهم لانه مؤ حابه شكلهم

انتي شوري علي شسوي؟ ووين اروح؟ ابي اشيلهم ؟ وشلون العمليه كانت ؟ وأبي رقم الدكتور اذا ما عليج امر واهو يجئ زياره للكويت ؟ أنا ما عندي ألصلاحيه استخدم رسائل الخاص ولا جان كلمتج عليه

ومشكور ره ياقلبي

 

[Diet pepsi]

حتن انا مادري قاعده احاول أرسلج ما يصير يمكن لاني يديدة ترى بالمنتدى ... شوفي اهو ايي زيارة الكويت كل عشر أيام تقريبا بالزهير كلينك ... يم مستشفى المواساة بالساليمة على طول نفس السطرة ... سوالي عملية بنج عام الصراحة لأني كنت منهارة نفسيا ... المستشفى خذوا مني 170 على الغرفة والبنج والعملية لكن الدكتور ما خذا مني ولا شي ... ما نمت عندهم ... شقلي بالمكان أكثر من شقة صغيرة وفرغ المادة .... شوفي والله أنا اقول كلميه أحسن مادري .. اهو تخصصه ترميم جسم وصدر بس خبرة ما شالله في كلشي لو أصخن أقوله صخنت شنو آخذ أدوية .؟؟؟ كنت متبهدلة من الكورتيزون واهو قاللي غلط غلط تاخذينه ... المهم قاعده اكتبله بالواتس أب اشوف متى بيي بس يرد بقولج أي يوم ... بصراحة ما أحب أحط رقمه هني فشلة مو حلوة ..

 

[Diet pepsi]

يوم السبت يوصل الكويت بس أتوقع الأحد يكون موجود ... شوفي يوم السبت مرة ثانية ارد أسأله متى عيادته الأحد أو الساعة جم عرفتي ؟؟؟ انا بعد بروحله يشيك علي الأحد .....

 

[هند رستم مطير]

شوفي حبيبتي عن تجربه
انا تافخه من اربع سنين وعقب سنتين حسيت بالتيل صح كلامكم خد فيه
كوره وخد عادي بس مو مبين يعني باللمس بس تحسين فيه
بس خفت صراحه بس وقبل سنه او عشر شهور كلمت دكتورتي عن موضوعي بالتللفون
قالت لازم تراجعيني عشان اشيلها قبل لا تتليف بوجهج ولما راجعتها طلعت ملفي
وشافت بالملف كم ساانتي حقنا ومن اي صوب اتفخت ماشاءالله عليها
عموما راحت وغزت ابره بخدي بنفس مستوى شفايفي يعني مو صوب الأذن او فوق
عقبها قامت تسوي مساااااج قووووي حيل تنزل الخادع وطلعتها من خدي چنه وعي بنات وكان ثقيل وقالت جذي خلاص
وعطتني مضاد ،،، وزورق ضارة نافعه بنات المكان اللي طلعت منه الخادع صارت غمازات بدون فلوووس شكلهم حلووو هههههههه
فدددتج حبيبتي

 

[ZoOZOo87]

اختي حبيبتي مشكوووره لذكر تجربتج

في شغلات مافهمتها

اختي شنو مادتج دائمه صح

وانا ابي اشيلهم انتي شايفه عادي الوضع بيكون لانه الدكاتره خرعوني

وممكن اسم دكتورتج

 

[ashwaq000]

اب

اب
اب

 

[q8y-moon]

زين شلون اعرف اذا الماده موجوده بخدي لي الحين ولا لا
الخد فاش بس لمن اضغط شوي احس فيها مو تيل لا الماده نفسها
ماك شي يبينها ويبين مكانها وكميتها؟؟
حسبي الله عليك يامنذر الله لا يوفقك
طلبت احماض فواكه وغزني اكوالفت عسي ربي يشيل عمره مثل ماغشني

وفوق هذا كله اطلب منه توقيع ان الماده احماض فواكهه لاني بسوي احماض فواكهه عند دكتور ثاني واخاف تتعارض يقوم يعطيني ورقه باسمها وتوقيعه وختمه
ولمن اروح لدكتور الثاني يغزني الابره وقبل لا يدخل المادره برحمه الله تنفصل الابره عن الراس ويطلع من داخل خدي الماده القديمه
ويخترع الدكتور ويقول شنو هذا؟؟ هذي مو احماض فواكهه ورفض انه يتعامل معاي نهائيا
ادري قرقت وقلت قصه حياتي بس من القهر

 

[ZoOZOo87]

استغفر الله ياارب

اتحسين التجارب اتخووف

الدكاتره غشاشيين وربي مايشتغلون بضمير

 

[وحيدة امى]

زين شلون اعرف اذا الماده موجوده بخدي لي الحين ولا لا
الخد فاش بس لمن اضغط شوي احس فيها مو تيل لا الماده نفسها
ماك شي يبينها ويبين مكانها وكميتها؟؟
حسبي الله عليك يامنذر الله لا يوفقك
طلبت احماض فواكه وغزني اكوالفت عسي ربي يشيل عمره مثل ماغشني

وفوق هذا كله اطلب منه توقيع ان الماده احماض فواكهه لاني بسوي احماض فواكهه عند دكتور ثاني واخاف تتعارض يقوم يعطيني ورقه باسمها وتوقيعه وختمه
ولمن اروح لدكتور الثاني يغزني الابره وقبل لا يدخل المادره برحمه الله تنفصل الابره عن الراس ويطلع من داخل خدي الماده القديمه
ويخترع الدكتور ويقول شنو هذا؟؟ هذي مو احماض فواكهه ورفض انه يتعامل معاي نهائيا
ادري قرقت وقلت قصه حياتي بس من القهر

انا تافخه عند منذر ومتكوره الماده يعني اسمها اكوالفت حسبي الله عليك يامنذر

 

[هند رستم مطير]

اختي حبيبتي مشكوووره لذكر تجربتج

في شغلات مافهمتها

اختي شنو مادتج دائمه صح

وانا ابي اشيلهم انتي شايفه عادي الوضع بيكون لانه الدكاتره خرعوني

وممكن اسم دكتورتج

هلا زوزو حبيبتي اي اكييييد ممكن
اسمها اقبال بالمستوصف الالماني بالمنقف وشكثررر بنات يعرفونها اتوقع :eh_s(8):