د / سامي ربيعه لليزك ( طمنوني )

[راحيل العبدلي]

.

السلام عليجـن كويتيـات ..

حبيباتي أنا إن شاء الله بسوي عمليه الليزك عند الدكتور سامي الربيعه ..
..
عفيه بنات الي سوت عند هالدكتور أدش و تقولي بعد العمليه عيونها
شصار فيهم يعني أول ما تقعد من النوم عيونها تكون جافه و تخرع ..
و جم مده ترد عيونج طبيعيه مو خملانه ..
بنات تكفون طمنوني انا صليت استخاره و ان شاء الله تنجح بس أبي منجن
إجابات أطمني عالأقل ..

 

[أي معزه!!]

هلا حبيبتي انا اعرف وحده سوت عنده وايد تمدحه

حتى خواتها سوو عقبها

بس اللي اعرفه عقب الليزك لازم تحطين قطرة ترطب العين على طول صح !!

 

[yam_yam]

روعه هالدكتور لا تحاتين روحي و انتي متطمنه

 

[راحيل العبدلي]

جزاجــن الله خيــر خواتـي ..
و الله يوفقـجن ,,

.

 

[brat]

آنا سمعت إن تكون جافة فلازم تحطين قطرة (ما تهملين هالشي)

المهم، اهوا وين مكانه وبجم يسوي الليزك؟

 

[معلمة العاصمة]

انا مثلج راحيل كنت احاتى وخايفه ودرت معظم العيادات بس بعد الاستخاره توكلت على الله وموعد العملية الاثنين هذا بعد باجر ادعيلى الله ييسر امرى بس انا اخترت الجهاز الجديد اللى اسمه انترا لايز اهو توه واصل الديرة وما شفت مثله عند الباجى وسويت سيرج على الجهاز وطلع ليزك بس افضل بوااايد من الليزك العادى لأنه ما فى جرح قرنية والله يسهل امرى وامر كل المسلمين ادعولى بالتوفيج
وللامانه انا رحت للدكتور لسمعته اولا وبس اتمنى انى افدتج عنه ولاختى براات اهو مركزه بأول الفروانية

 

[لاتينيـه]

حبيبتي انتي مآ سويتيهآ للحين صح ؟
ابوي واخوي سووهآ عنده وفشلت والله
روحي الشعب البحري الدكتور العجمي نسيت اسمه والله يمدحونه حيل
اذا تبين دزيلي ع الخاص واقولج اسمه توه ريلي سوآهآ عنده ومآ شاء الله
نجحت

 

[hekaro]

أنا مسويتها عنده من 13 سنه الأمور طيبة والحمد لله بس عيني اليسار بادية تضعف شوي وبعد العملية راح تحسين بألم قوي وفي قطرات يعطيج اياها لازم تلتزمين فيها
الصراحة اهي حظ ونصيب بس الغالبية تنجح معاهم عنده

 

[راحيل العبدلي]

آنا سمعت إن تكون جافة فلازم تحطين قطرة (ما تهملين هالشي)

المهم، اهوا وين مكانه وبجم يسوي الليزك؟

هلا اختي ..

رفيجه اختي سوت عنده بـ 450 دينار ..
أما وينه يقولون بالفروانيه يم نادي التضامن جنه .,
انا اليوم باخذ موعد عنده و بتوكل على الله ..
دعوااااتج أختي ..
.

 

[راحيل العبدلي]

انا مثلج راحيل كنت احاتى وخايفه ودرت معظم العيادات بس بعد الاستخاره توكلت على الله وموعد العملية الاثنين هذا بعد باجر ادعيلى الله ييسر امرى بس انا اخترت الجهاز الجديد اللى اسمه انترا لايز اهو توه واصل الديرة وما شفت مثله عند الباجى وسويت سيرج على الجهاز وطلع ليزك بس افضل بوااايد من الليزك العادى لأنه ما فى جرح قرنية والله يسهل امرى وامر كل المسلمين ادعولى بالتوفيج
وللامانه انا رحت للدكتور لسمعته اولا وبس اتمنى انى افدتج عنه ولاختى براات اهو مركزه بأول الفروانية

بعد عمري الله يسهلها عليج و تنجح العمليه يا رب ..
انا باخذ موعد عنده اليوم و الحمدلله استخرت وبتوكل على الله ..
و دعوااتج
.

 

[راحيل العبدلي]

حبيبتي انتي مآ سويتيهآ للحين صح ؟
ابوي واخوي سووهآ عنده وفشلت والله
روحي الشعب البحري الدكتور العجمي نسيت اسمه والله يمدحونه حيل
اذا تبين دزيلي ع الخاص واقولج اسمه توه ريلي سوآهآ عنده ومآ شاء الله
نجحت

هلا اختي ..
ايه ما سويتها للحين بس ان شاء الله اليوم باخذ موعد عنده ..
صح همن انا سامعه عن العجمي يمدحونه بعد ..
بس انا تدرين ليش ابي هالدكتور يسويها لي ..
لان خبرته طويله بالمجال يعني من ايام الغزو ..
و اغلب الي اعرفهم مسوين الليزك و الحمدلله يشوفون عدل راحوا لهالدكتور ..
و اهو اكيد مو كل الي راحوا له تنجح عمليتهم لانه بشر ..
و الله يخليهم لج يا رب ..
بس بسألج اختي هل آكو ضرر على ابوج و اخوج لو ردوا مره ثانيه
يسوون العمليه سواء عنده او عند دكتور ثاني ..؟
و مشكوره ما قصرتي والله و عساج عالقوه ..
.

 

[راحيل العبدلي]

أنا مسويتها عنده من 13 سنه الأمور طيبة والحمد لله بس عيني اليسار بادية تضعف شوي وبعد العملية راح تحسين بألم قوي وفي قطرات يعطيج اياها لازم تلتزمين فيها
الصراحة اهي حظ ونصيب بس الغالبية تنجح معاهم عنده

بعد عمري الله يوفقج ..
إيييييييييه :eh_s(1):
الله يستر الم قوي انا اكثر شي مخرعني و معور قلبي ان العيون تكون مبطله بالعمليه ..
عبالي مغمضه
قواج الله اختي و هالله هالله بالجزر <<<<< والله الي يشوفني يقول ارنب لازم اكله يقولون ان يقوي النظر ..

 

[راحيل العبدلي]

بنااااااااااات أبشرجن سويت العمليه يوم الاثنين الي توه طاف ..
بس مو الليزك يقول ما يصلح لج عيونج مسكربه تخيلوا 12 من 100 ..
بجيت بجي والله ما هانت على نفسي بس الحمدلله على كل حال ..
و سوااالي ال دي في الانترا لايز ( مو حافضه الاسم عدل لوول )
بس الله يجزاه خير و الحين قاعده على القطرات يقول تستمرين عليها شهر ..
.

و معلمه العاصمه طمنيني عليج ؟!
.